ملک سے دہشت گردی کے ناسور کا خاتمہ کرنے کیلئے فوری اور بروقت فیصلے کرنا ہوں گے،پرویز مشرف ،
ہر سیاسی جماعت کے اپنے خیالات ہیں وہ ایک صفحے پر نہیں آسکتیں ،سیاسی جماعتوں اور حکومت کو فوج کو فری ہینڈ دینا چاہیے،سابق صدرمملکت، امین فہیم سے دوستی رہی ہے،جب میں صدر تھا تو وہ مجھ سے ملا کرتے تھے ،ان سے ملاقات سوشل کال تھی،انٹرویو
جمعرات 25 دسمبر 2014 18:35
کراچی(اُردو پوائنٹ اخبار تازہ ترین۔25دسمبر 2014ء) سابق صدر پرویز مشرف نے کہاہے کہ ملک سے دہشت گردی کے ناسور کا خاتمہ کرنے کیلئے فوری اور بروقت فیصلے کرنا ہوں گے اوردہشت گردوں کے خاتمے کیلئے فوج کو بااختیار بناناہوگا۔دہشت گردوں کے خلاف جلد اور واضح فیصلے کرنے ہوں گے ۔دہشت گردی کے خلاف فیصلے کمیٹی میں نہیں ہوسکتے ۔ہر سیاسی جماعت کے اپنے خیالات ہیں وہ ایک صفحے پر نہیں آسکتیں ۔
سیاسی جماعتوں اور حکومت کو فوج کو فری ہینڈ دینا چاہیے ۔دہشت گردوں کو ہر کونے ہرجگہ سے مارنا ہے اور ان کو ہر صورت شکست دینی ہے ۔ایک انٹرویو میں انہوں نے کہا کہ دہشت گردی کیخلاف جنگ میں خوف کو ترک کرنا ہوگا ، بروقت اور دلیرانہ فیصلے کیے جائیں ۔پرویز مشرف نے کہا کہ جنرل راحیل شریف دہشت گردی کے خلاف جنگ کے لیے پوری طرح تیار ہیں ۔(جاری ہے)
جنرل راحیل شریف اور فوج پوری طرح تیار نظر آرہی ہے ۔
اب دیکھتے ہیں کہ کمیٹی کیا کرتی ہے ۔ایک سوال کہ آیا نواز شریف اس وقت دہشت گردی کی جنگ میں کامیاب اور اہل وزیر اعظم ثابت ہوں گے ؟ انہوں نے کہا کہ وہ کسی فرد کے بارے میں کوئی تبصرہ نہیں کریں گے ۔انہوں نے کہا کہ کمیٹی میں ان کے فیصلے نہیں ہوں گے ۔گورننس بہت بڑی چیز ہے ۔حکومت کا کام معیشت ٹھیک کرنا اور عوام کو خوشحالی دینا ہے ۔دہشت گردوں کو مارنا فوج اور پولیس کا کام ہے ۔انہوں نے کہا کہ فوجی عدالتیں لازمی ہونی چاہئیں ۔حالات غیر معمولی ہیں اور ان میں غیر معمولی اقدامات کرنے ہوں گے ۔مخدوم امین فہیم کے حوالے سے پوچھے گئے سوال کے جواب میں پرویز مشرف نے کہا کہ امین فہیم سے دوستی رہی ہے ۔جب میں صدر تھا تو وہ مجھ سے ملا کرتا تھا ۔ان سے ملاقات ایک سوشل کال تھی ۔ملاقات سے پیپلزپارٹی میں تہلکہ مچ گیا ۔مزید تبصرہ نہیں کروں گا ۔عمران خان کے حوالے سے پوچھے گئے سوال کے جواب میں انہوں نے کہا کہ عمران خان کے دھرنے سے بہت کچھ حاصل ہوا ہے لیکن مکمل حاصل نہیں ہوا ۔عمران خان کو سوچنا چاہیے کہ کیا وہ سولو فلائٹ کے ذریعے نظام بدل سکتے ہیں ۔ غداری کیس کے حوالے سے ایک سوال کے جواب میں پرویز مشرف کا کہنا تھا کہ آرٹیکل چھ کا دھبہ آرمی پر لگے گا ، سابق صدر نے کہا کہ غداری کیس عدالت میں زیر سماعت ہے اِس لیے وہ مزید تبصرہ نہیں کر سکتے ۔متعلقہ عنوان :
مزید اہم خبریں
-
طویل عرصے بعد پی ٹی آئی لاہور اور پنجاب کے دیگر شہروں میں جلسے کرنے میں کامیاب
-
گندم کٹائی مہم کا افتتاح، مریم نواز نے گندم کی کچی فصل ہی کاٹ دی
-
اپوزیشن کا آصفہ بھٹو کی حلف برداری پر شور شرابے سے لگتا یہ ایک نہتی لڑکی سے خوفزدہ ہیں
-
وزیراعظم کی افغان ٹرانزٹ ٹریڈ کی آڑ میں اسمگلنگ میں ملوث افسران کو عہدے سے فوراً ہٹانے اور محکمانہ کارروائی کرنے کی ہدایت
-
امارات میں ایئرپورٹ پر پھنسے بیشتر مسافر وطن واپس پہنچ گئے، خواجہ آصف
-
عالمی مالیاتی اداروں کے حکام کا پاکستان کو آئی ایم ایف کا مختصر مدت کا پروگرام لینے کا مشورہ
-
عوام سے درخواست ہے کہ 21اپریل کو پی ٹی آئی امیدواروں کو ووٹ کاسٹ کریں
-
سعودی کمپنیوں کو تربیت یافتہ آئی ٹی ماہرین بھیجنے کے خواہاں ہیں،وزیر اعلیٰ مریم نواز سے ڈیجیٹل کوآپریشن آرگنائزیشن کے وفد کی ملاقات
-
وفاقی وزیر پٹرولیم ڈاکٹر مصدق ملک کی اماراتی سفیر حمد عبید الزعابی سے ملاقات ،باہمی دلچسپی کے امور پر گفتگو
-
صدرزرداری نے ساتویں بارپارلیمنٹ سے خطاب کرکے تاریخ رقم کی
-
سپیکر قومی اسمبلی نے ایوان میں باجا بجانے اور شور کرنے پر جمشید دستی اور اقبال خان کی رکنیت معطل کردی
-
اسٹیبلشمنٹ کو عمران خان سے بات کرنا ہوگی لیکن فی الحال کہیں برف نہیں پگھلی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.