پنگریو گرڈا سٹیشن سے منسلک شہروں ا ور 500سے زائد دیہاتوں میں بجلی کی اچانک اور بار بار ٹرپنگ کا سلسلہ شدت اختیار کر گیا
بدھ 24 دسمبر 2014 23:19
پنگریو ( اُردو پوائنٹ اخبار تازہ ترین۔24دسمبر 2014ء) پنگریو گرڈا سٹیشن سے منسلک شہروں ا ور پانچ سو سے زائد دیہاتوں میں بجلی کی اچانک اور بار بار ٹرپنگ کا سلسلہ شدت اختیار کر گیا ہے جس کی وجہ سے صارفین کی لاکھوں روپے مالیت کی الیکٹرانک اشیاء جل گئی ہیں جبکہ حیسکو کی کروڑوں روپے کی مالیت کی تنصیبات میں بھی فنی خرابی پیدا ہو نے کا خدشہ پیدا ہو گیا ہے حیسکو انچارج نے کہا ہے کہ تیس سال پرانی بجلی کی تاریں اور دیگر آلات تبدیل نہ ہو نے کے باعث ٹرپنگ ہورہی ہے اور یہ فرسودہ و پرانے آلات عوام کے ساتھ ساتھ حیسکو عملے کی جانوں کے لئے بھی خطرہ بن گئے ہیں اس ضمن میں پنگریو شہر اور ملحقہ قصبوں و دیہاتوں میں بجلی کی بار بار اور اچانک ٹرپنگ کے باعث صارفین شدید پریشانیوں کا شکار ہو گئے ہیں کیونکہ ان کی لاکھوں روپے مالیت کی الیکٹرانک اشیاء جن میں ریفریجریٹرم فریزر، واٹر پمپ بلب، ٹیوب لائٹس، ہیٹر، ٹیلی ویزن، گیزر، اسٹیبلائیزر شامل ہیں جل گئے ہیں بجلی کی ٹرپنگ کے ساتھ ہی وولٹیج اچانک بڑھ جاتے ہیں جس کی وجہ سے الیکٹرانک اشیاء جل جاتی ہیں بجلی کی سپلائی میں ٹرپنگ کا سلسلہ گزشتہ کئی روز سے جاری ہے معلوم ہو اہے کہ اس ٹرپنگ کے باعث پنگریو گرڈ اسٹیشن کی کروڑوں روپے مالیت کی او سی بی اور دیگر قیمتی تنصیبات کو بھی نقصان پہنچ رہا ہے جس کی وجہ سے یہ تنصیبات بھی جل جانے اور ان میں فنی خرابیاں پیدا ہو نے کا خدشہ پیدا ہو گیا ہے علاقے میں سولہ تا اٹھارہ گھنٹوں تک ہو نے والی بجلی کی غیر اعلانیہ لوڈ شیڈنگ کے ساتھ ساتھ اب اچانک اور بار بار ہو نے والی ٹرپنگ کے باعث ہو نے والے نقصان نے حیسکو صارفین کو مشتعل کر دیا ہے اور صارفین نے اس کی ذمہ داری حیسکو حکام پر عائد کی ہے حیسکو صارفین کی بڑی تعداد نے پریس کلب پہنچ کر بجلی کی بار بار ٹرپنگ اور اس سے صارفین کے قیمتی بجلی کے آلات جلنے کے خلاف سخت احتجاج کیا صارفین نے کہا کہ ایک طرف تو پنگریو گرڈ اسٹیشن کی حدود میں بجلی کی طویل غیر اعلانیہ لوڈ شیڈنگ کی جارہی ہے تو دوسری طرف دن میں درجنوں بار ہو نے والی ٹرپنگ کے باعث صارفین کو زبردست نقصان ہو رہا ہے اور صارفین کے بھاری مالیت کے الیکٹرک آلات جل گئے ہیں حیسکو کا عملہ شکایات کے باوجود اس مسئلے کو حل کر نے کے لئے تیار نہیں ہے جس کی وجہ سے صارفین میں حیسکو عملے اور حکام کے خلاف سخت غم وغصہ پایا جاتا ہے ان صارفین نے اعلان کیا کہ اگر یہ سلسلہ فوری طور پر ختم نہ ہو اتو پنگریو شہر میں شٹر ڈاؤن ہڑتال کی جائے گی اور حیسکو حکام کے خلاف احتجاجی تحریک چلائی جائے گی دریں اثناء اس بارے حیسکو آپریشن پنگریو کے انچارج محمد ملاح سے رابطہ کیا گیا تو انہوں نے بتایا کہ پنگریو شہر اور ملحقہ علاقوں میں بجلی کی تاریں اور انسولیٹر وغیرہ تیس سال پرانے ہیں جو کہ تبدیل نہیں کئے گئے یہ آلات اپنی مدت پوری کر چکے ہیں ان فرسودہ آلات کے باعث بار بار ٹرپنگ ہوتی ہے انہوں نے کہا کہ ہم نے پنگریو شہر اور ملحقہ دیہاتوں وقصبوں میں بوسیدہ اور خطرناک آلات تبدیل کر نے کے لئے سمری حیسکو ہیڈ کواٹر تک بھجوا دی تھی مگر وہاں سے اس حوالے سے کوئی قدم نہیں اٹھایا جا رہا جس کی وجہ سے ٹرپنگ کا مسئلہ پیش آرہا ہے اور بوسیدہ و فرسودہ آلات کے باعث عوام کے ساتھ ساتھ حیسکو عملے کی جانوں کو بھی ہر وقت خطرات لاحق رہتے ہیں۔
متعلقہ عنوان :
مزید مقامی خبریں
-
ضمنی انتخابات میں کامیابی گجرات کے عوام کی چوہدری شجاعت حسین سے والہانہ محبت اور اعتماد کا عملی ثبوت ہے۔ خواجہ رمیض حسن
-
صوبائی محتسب پنجاب کی ہدایت پر مختلف صوبائی محکموں نے 13درخواست گزار افراد کے زیر التواء 1کروڑ 36لاکھ سے زائد کے واجبات ادا کر دیئے
-
روٹی کی قیمت میں کمی کے احکامات کو پوری طرح نافذ کروائیں گے تندور مالکان قیمت اور وزن کا خیال رکھیں ورنہ سخت قانونی کاروائی کیلئے تیار رہیں ڈی سی جہلم کی مختلف تندور وں کی چیکنگ کے دوران وارننگ
-
پنجاب بھر میں صحت کی بہترین سہولیات فراہم کرنے کیلئے اربوں روپے خرچ کئے جارہے ہیں، سیکرٹری صحت پنجاب علی جان خان
-
نانبائی ایسوسی ایشن کو سرکاری ریٹ پر روٹی نان کی فروخت یقینی بنانا ہو گا، عوام کو ریلیف فراہم کرنا ہم سب کی زمہ داری ہے، ڈپٹی کمشنر جہلم
-
عید الفطر کے بعد بھی پرائس کنٹرول کا کام تیزی سے جاری رکھا جائے تاکہ عوام کو خود ساختہ مہنگائی سے بچایا جا سکے ، ڈپٹی کمشنر جہلم
-
بلوچستان پاکستان کا مستقبل اور گوادر معیشت کے سفر میں اہم سنگ میل ثابت ہوگا۔ خواجہ رمیض حسن
-
HBK کے تعاون سے پشاور پریس کلب رمضان سپورٹس گالا اختتام پزیر
-
پاکستان میں مذہبی انتشار اور انتہا پسندی کی کوئی گنجائش نہیں۔ خواجہ رمیض حسن
-
پاکستان سمیت دنیا بھر میں بسنے والی مسیحی برادری کو ایسٹر کی مبارکباد پیش کرتے ہیں۔خواجہ رمیض حسن
-
ضلع جہلم میں نئے ترقیاتی منصوبوں پر جامع رپورٹ پنجاب حکومت کو منظوری کے لیے بھیجی جائے گی جس میں عوامی فلاح کے ہر منصوبہ کو مدنظر رکھنا ضروری ہے ڈی سی جہلم
-
کالا باغ ڈیم کی تعمیر سستی اور بھرپور بجلی بنانے کی صلاحیت رکھتے ہوئے کامیاب ترین منصوبہ ثابت ہوگا۔ رہنما مسلم لیگ ق
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.