تجارتی پالیسی میں اصلاحات کے ذریعے شفافیت، استحکام اور کشادگی لائیں گے، آٹو پالیسی جلد ای سی سی کو منظوری کے لیے پیش کردی جائے گی؛وزیر تجارت خرم دستگیر
منگل 23 دسمبر 2014 19:12
اسلام آباد( اُردو پوائنٹ تازہ ترین اخبار۔ 23 دسمبر 2014ء)وفاقی وزیر تجارت خرم دستگیر خان نے کہا ہے کہ وزیر اعظم نوازشریف کے ویژن کے مطابق تجارتی پالیسی میں اصلاحات کے ذریعے شفافیت، استحکام اور کشادگی لائیں گے۔ملکی آٹو انڈسٹری کے فروغ کے لیے آٹو پالیسی جلد ہی ای سی سی کو منظوری کے لیے پیش کردی جائے گی جس میں وزارت تجارت کی سفارشات شامل ہیں، آٹو پالیسی ملک میں نئی سرمایہ کاری، مینوفیکچرنگ کے فروغ اور صارفین کے لیے سستی گاڑیوں کو یقینی بنائے گی۔
ان خیالات کا اظہار وفاقی وزیر نے پاکستان میں موجود جاپانی کمپنیوں کے سربراہان سے ملاقات کے دوران کیا، پاکستان میں متعین جاپان کے سفیر، وزارت صنعت و پیداوار، انجینئرنگ ڈیولپمنٹ بورڈ، ایف بی آر اور وزارت تجارت کے نمائندوں نے بھی اجلاس میں شرکت کی۔(جاری ہے)
وفاقی وزیر نے کہا کہ پاکستان جاپان سے محض تجارت کا خواہاں نہیں بلکہ جاپان سے جدید ٹیکنالوجی کے ٹرانسفر میں بھی دلچسپی رکھتا ہے۔
اس موقع پر جاپانی سرمایہ کاروں نے سرمایہ کاری کے فروغ کے لیے آٹو پالیسی اور ٹیکس سے متعلق اپنی سفارشات پیش کیں۔ وفاقی وزیر نے کہا کہ استعمال شدہ گاڑیوں کی درآمد میں شفافیت لائیں گے، ملکی ٹیکس نظام کو سہل بنایا جائے گا تاکہ سرمایہ کاروں کو سہولت میسر ہو۔ اجلاس میں ٹیکس اور آٹو پالیسی سے متعلق 2 ورکنگ گروپ بنائے گئے جو تمام تفصیلات کے جائز ے کے بعد پالیسی میں اپنی رپورٹ پیش کریں گے۔مزید تجارتی خبریں
-
انٹر بینک میں ایک ہفتے کے دوران ڈالر کی قدر بڑھ گئی جبکہ اوپن مارکیٹ ڈالر سستا ہو گیا
-
ملکی صرافہ مارکیٹوں میں سونا سستا ہو گیا
-
کاٹن مارکیٹ میں گزشتہ ہفتہ کے دوران روئی کے بھاؤ میں مندی کا عنصر غالب رہا
-
100 اور1500 روپے ما لیت کے انعا می با نڈزکی قرعہ اندازی 15 مئی کو ہو گی
-
سونے کی فی تولہ قیمت میں1600 روپے کمی ریکارڈ
-
سونے کی عالمی سطح پر قیمت میں اضافہ، مقامی مارکیٹ میں سستا ہوگیا
-
سونے کی فی تولہ قیمت 1600 روپے کم ہو کر 2 لاکھ 38 ہزار روپے ہوگئی،آل سندھ صرافہ جیولرز ایسوسی ایشن
-
برائلر گوشت کی قیمت مستحکم، فارمی انڈے مہنگے
-
گزشتہ 3 دنوں سے جاری 3 فیصد کریکشن کے بعد پاکستان اسٹاک مارکیٹ سے مندی کے بادل چھٹ گئے اور جمعہ کو زبردست تیزی کا رجحان غالب آگیا جس کی وجہ سے مارکیٹ ایک بار پھرنہ
-
انٹر بینک میں روپے کے مقابلے ڈالر مہنگا ہو گیا تاہم اوپن مارکیٹ میں ڈالر کی قدر گھٹ گئی
-
ملکی صرافہ مارکیٹوں میں سونے کی قیمتوں میں کمی
-
پاکستان سٹاک ایکسچینج میں کاروباری ہفتہ کے اختتام پر تیزی کارحجان، انڈکس 1244.45 پوائنٹس(1.76فیصد) اضافہ کے بعد71902.09 پوائنٹس پربند
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.