دہشت گردوں کا واحد علاج مکمل خاتمہ ہے،دہشت گردی کو 100 فیصد ختم کیاجائیگا ‘صدر ممنون حسین
ہفتہ 20 دسمبر 2014 17:02
پشاور(اُردو پوائنٹ تازہ ترین اخبار۔ 20 دسمبر 2014ء) صدر مملکت ممنوں حسین نے کہا ہے کہ دہشت گردوں کا واحد علاج مکمل خاتمہ ہے،دہشت گردی کو 100 فیصد ختم کیاجائیگا ،گونر ہاؤس پشاور میں گفتگو کرتے ہو ئے ممنوں حسین نے پشاور سانحہ کی مذمت کرتے ہوئے کہاکہ کوئی بھی مسلمان کسی دوسرے مسلمان کا اس طرح قتل نہیں کرسکتا،دہشت گردی کے خلاف پوری قوم متحد ہوگئی ہے،قوم متفق ہے کہ دہشت گرد رعایت کے مستحق نہیں دہشتگردی کے واقعات خرابیاں دور کرنے کا موقع بنتے ہیں۔
انہوں نے دہشتگردی کے خاتمے کیلئے موثر قانون سازی کی ضرورت پر زور دیتے ہو ئے کہا کہ پاکستان دہشت گردی سے متاثر ہونیوالا ملک ہے ۔ صدر ممنون حسین نے کہا کہ حکومت اس لعنت پر قابو پانے کے لئے ہر ممکن اقدام اٹھا رہی ہے اور جلد اس پر مکمل قابو پالیا جائے گا۔(جاری ہے)
انہوں نے کہا کہ دہشت گردی کے خلاف پوری قوم متحد ہے ۔صدر مملکت نے کہاکہ پاکستان اور افغانستان دہشت گردی کے خاتمے کے لئے ایک دوسرے سے مکمل تعاون کر رہے ہیں اور افغان صدر اشرف غنی خطے سے دہشت گردی کے خاتمے کا مصمم ارادہ رکھتے ہیں۔
آپریشن ”ضرب عضب“ کے حوالے سے صدر ممنون حسین نے کہا کہ دہشت گردوں کے خلاف آپریشن اس ارادے کے ساتھ شروع کیا گیا کہ اسے پایہ تکمیل تک پہنچایا جائے اور ایک بھی دہشت گرد کو نہ چھوڑا جائے جبکہ سانحہ پشاور کے بعد اب اس میں کوئی کمی نہیں رکھی جائے گی اور دہشت گردوں کے خلاف بھرپور کارروائی ہوگی۔اس سے پہلے صدر مملکت کو فاٹا اور خیبر پختونخوا میں قیام امن کے حوالے سے بریفنگ دی گئی ‘ دورہ سی ایم ایچ کے دوران صدر ممنون حسین نے سانحہ پشاور میں زخمی ہونے والے بچوں کی عیادت کی۔ ممنون حسین نے بچوں کو جرات اور حوصلے پر خراج تحسین پیش کیا۔متعلقہ عنوان :
مزید اہم خبریں
-
ہمارے سیاسی قیدیوں کی رہائی تک ڈیل ہو گی نہ مفاہمت
-
پنجاب پولیس نے وزیراعلیٰ مریم نواز کے وردی پہننے کوپولیس ڈریس ریگولیشنز کے مطابق قرار دےدیا
-
اپنی رہائی یا وقتی فائدے کیلئے پاکستانیوں کے حقوق سے دستبردار نہیں ہوں گا
-
تحریک انصاف کا 9 مئی کو جلسہ عام کے انعقاد کا فیصلہ
-
کتنے لوگوں کے منہ بند کرلو گے؟ جب ظلم کے خلاف آواز اٹھتی ہے تو ظلم کا خاتمہ ہوتا ہے
-
عدلیہ میں مبینہ مداخلت کے خلاف سوموٹو پر سماعت کیلئے نیا بنچ تشکیل دے دیا گیا
-
نواز شریف عمران خان سے مذاکرات پر آمادہ ہیں، رانا ثنا اللہ
-
اولاد کی خوشی کیلئے اپنی بیوی پر سوتن لانے کا ظلم نہیں کرسکتا، شیر افضل مروت
-
سر دار ایاز صادق سے اراکین قومی اسمبلی کی ملاقات ،قائمہ کمیٹیوں کی تشکیل کے حوالے سے مشاورت
-
وفاقی وزیر عبدالعلیم خان سے برطانوی پولیٹکل قونصلر مس زوئی وئیر کی ملاقات ، دوطرفہ تعلقات پرگفتگو
-
یوسف رضا گیلانی کی زیرصدارت بزنس ایڈوائزی کمیٹی کا اجلاس ،سب کو ساتھ لیکر چلنے کا عزم
-
مریم نوازکے پولیس یونیفارم پہننے پر وہ ٹولہ تنقید کررہا جن کا اپنا لیڈراپنی ہی بیٹی کو تسلیم کرنے کو تیار نہیں‘عظمیٰ بخاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.