جے یو آئی ف کوحکومت میں شامل ہونے کی پیشکش نہیں کی، وزیر اعلی بلوچستان
جمعہ 12 دسمبر 2014 23:04
کوئٹہ(اُردو پوائنٹ اخبار تازہ ترین۔12دسمبر۔2014ء) بلوچستان اسمبلی کے اجلاس میں حکومت اور اپوزیشن کے الزامات کی نشتر بازی جاری رہی جمعہ کو ہونیوالے بلوچستان اسمبلی کے اجلاس میں خطاب کرتے ہوئے وزیراعلیٰ بلوچستان ڈاکٹرعبدالمالک بلوچ نے کہاہے کہ میں اس بات کی سختی سے تردید کرتاہوں کہ میں نے مسلم لیگ (ق)کونکالنے کی خاطرجمعیت علماء اسلام (ف)کوحکومت میں شامل ہونے کی پیشکش کی تھی مولوی امیرزمان اورگل محمددمڑمیرے پاس آئے تھے کہ ہماری نئی قیادت صوبائی حکومت میں شامل ہوناچاہتی ہیں میں نے واضح کیاکہ میں اپنے دوستوں سے مشاورت کے بعد کوئی فیصلہ کروں گااس بات پراپوزیشن لیڈرمولاناعبدالواسع نے کہاکہ جمعیت نے نہیں بلکہ ڈاکٹرعبدالمالک بلوچ نے ہمیں اپنی حکومت شامل ہونے کی دعوت دی اورکہاکہ میں مسلم لیگ (ق)سے تنگ ہوں انہیں نکال کرآپ لوگوں کواپنے ساتھ لاناچاہتاہوں اس بات پروزیراعلیٰ اپوزیشن لیڈرکے درمیان ایک دوسرے پرسخت جملوں کاتبادلہ ہوااوردونوں اپنے اپنے موقف پرقائم رہے ڈاکٹرعبدالمالک بلوچ نے امن وامان پربحث سمیٹتے ہوئے کہاکہ گزشتہ دنوں ایک بیان آیاتھاجس میں مجھ پرالزام لگایاتھاکہ میں نے جمعیت (ف)کوحکومت میں شامل ہونے کی دعوت دی اورمسلم لیگ (ق) کونکالنے کی بات کی ہے میں اس بات کی سختی سے تردیدکرتاہوں اورواضح کرتاہوں کہ مولوی امیرزمان اورمولوی گل محمددمڑ میرے پاس آئے تھے اورکہاکہ تھاکہ ہماری نئی قیادت حکومت میںآ ناچاہتی ہے میں نے کہاکہ میں دوستوں کے ساتھ مشاورت کرکے فیصلہ کروں گااس دوران گل محمددمڑنے کھڑے ہوکرکہاکہ مولوی امیرزمان نہیں بلکہ مجھے اوررحمت اللہ کاکڑ کوبلاکرآپ نے چائے پلائی اورکہاکہ میں مسلم لیگ (ق) سے تنگ ہوں وزیراعظم بھی انہیں پسند نہیں کرتے لہٰذا آپ ہمارے پاس حکومت میں شامل ہوجائیں مولوی عبدالواسع نے کہاکہ یہ بات سراسرجھوٹ ہے ہم نے کوئی پیشکش نہیں کی بلکہ ڈاکٹرعبدالمالک بلوچ کی جانب سے پیشکش کی گئی تھی اس دوران دونوں اپنے اپنے موقف پرقائم رہے ڈاکٹرعبدالمالک بلوچ نے کہاکہ میں انتہائی ذمہ داری سے اورحلف اٹھاکربیان دے رہاہوں اس دوران کئی ارکان کھڑے ہوگئے اورایوان میں شووغوغاشروع ہوگیامسلم لیگ (ق) کی رکن اسمبلی ڈاکٹررقیہ ہاشمی نے کہاکہ(ق) لیگ اہم جماعت ہے اوروہ الیکشن لڑکرایوان میںآ ئی ہے کوئی ق لیگ کی کھینچاتانی نہ کرے مولوی عبدالواسع اورگل محمددمڑ مسلسل بولتے رہے جس پر اسپیکرنے ان کے مائیک بندکردئیے۔
متعلقہ عنوان :
مزید اہم خبریں
-
مارکیٹ میں گندم کے نرخ 3 ہزار سے نیچے گر گئے
-
6 ججز کے خط پر اب تک اٹھائے جانیوالے اقدامات ناکافی، غیرمؤثر اور عدلیہ کے مستقبل کیلئے نہایت خطرناک ہیں
-
عام تعطیل کا اعلان
-
آسمانی بجلی اور طوفانی بارشوں نے تباہی مچا دی، متعدد افراد جاں بحق
-
وزیر اعظم نے کابینہ ڈویژن کے سرکاری کاغذات لیک ہونے کا نوٹس لے لیا
-
علی امین گنڈاپور کو چاہیے مستقل اڈیالہ جیل میں ہی شفٹ ہو جائیں
-
اسٹیٹ بینک کی جانب سے مقامی مارکیٹ سے 4 ارب ڈالرز سے زائد خریدے جانے کا انکشاف
-
پاکستان کو غزہ کی بڑھتی ہوئی صورتحال پر گہری تشویش ہے،وفاقی وزیردفاع خواجہ آصف
-
طالب علموں کو پتا ہونا چاہیے کہ کونسی حکومت ہائرایجوکیشن کے لئے مخلص ہے، گورنرپنجاب
-
قومی اسمبلی اجلاس، وزراء کی عدم شرکت پر اسپیکر قومی اسمبلی سردار ایاز صادق برہم
-
ایران کی صدر کے دورہ سے متعلق اپوزیشن کو اعتماد میں لیں گے،اسحاق ڈار
-
آزاد ویزہ پالیسی کا حامی ہوں ،چاہتا ہوں سکھوں کے لئے پاکستان کے ویزے آسان کردیئے جائیں ، محسن نقوی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.