سیکولر قوتوں کا راستہ روکنے اوراسلامی نظام کے نفاذ کیلئے آئینی اور قانونی جدوجہدکی جائے گی
مجلس علماء اسلام پاکستان کا اعلان، 73ء کے آئین کی اسلامی دفعات پرعملدرآمدکیلئے حکمرانوں اور پارلیمانی جماعتوں سے بھی رابطہ کیا جائے گا،مرکزی رہنماؤں کاتقریب سے خطاب
بدھ 10 دسمبر 2014 22:06
ملتان (اُردو پوائنٹ تاز ترین اخبار۔ 10 دسمبر 2014ء) مجلس علماء اسلام پاکستان نے اعلان کیاہے کہ سیکولر قوتوں کا راستہ روکنے اوراسلامی نظام کے نفاذ کیلئے آئینی اور قانونی جدوجہدکی جائے گی، 73ء کے آئین کی اسلامی دفعات پرعملدرآمدکرواتے ہوئے قرآن وسنت کے عملی نظام کے نفاذ کیلئے حکمرانوں اور پارلیمانی جماعتوں سے بھی رابطہ کیا جائے گا۔
(جاری ہے)
ان خیالات کا اظہار مجلس علماء اسلام پاکستان کے امیر ڈاکٹر عبدالرزاق اسکندر، رابطہ کمیٹی کے سربراہ امیرمجلس احراراسلام مولانا عطاء المومن شاہ بخاری، مجلس ختم نبوت کے رہنما مولاناعبدالمجیدلدھیانوی،جے یو آئی س کے رہنمامولانا بشیر شاد، مولانا عبدالرؤف فاروقی،جے یو آئی ف کے رہنمامولانامحمدیوسف خان ،حافظ حسین احمد ،جامعتہ الرشید کراچی کے شیخ الحدیث مفتی محمد ، اہل سنت والجماعت کے سربراہ علامہ محمد احمد لدھیانوی ، قاری حنیف جالندھری، ڈاکٹر خادم حسین ڈھلوں،سید کفیل بخاری، جامعہ بنوری ٹاؤن کراچی کے مفتی امداد اللہ، نے ملتان میں ایک تقریب میں کیا، انہوں نے کہا کہ مجلس علماء اسلام میں شامل ہر جماعت 8 نکاتی ایجنڈے کیلئے بھرپور کردار ادا کرے گی، سیکولر ازم کی حامی جماعتوں کے عزائم ناکام بنانے کیلئے علماء کرام موثر انداز میں کردار ادا کریں گے، ان رہنماؤں نے کہا کہ مجلس علماء اسلام 15 جنوری کو کراچی میں جلسہ عام کے بعد ملک گیر رابطہ مہم شروع کرے گی اور جلسوں کا بھی شیڈول دیا جائے گا، انہوں نے کہا کہ جید علماء ومشائخ عظام کی سرپرستی میں مجلس علماء اسلام اعلیٰ اغراض ومقاصد کیلئے پرامن تحریک کا دائرہ کار وسیع کرے گی، دیگر مسالک کے علماء اور رہنماؤں کو بھی اس میں شامل کیا جائے گا، مجلس علماء اسلام نے ماورائے آئین دینی کارکنوں کے قتل پر احتجاج اور ڈاکٹر خالد محمود سومرو سمیت دیگر علماء کے قتل کی مذمت، قاتلوں کی فوری گرفتاری، اور علماء کرام کے تحفظ کا مطالبہ کیا، تقریب میں مولانا زاہد الراشدی، مولانااللہ وسایا،مولانا عبدالغفار تونسوی، مولانا محمد طیب طاہری،مفتی حبیب الرحمن درخواستی، مولانا زاہد اقبال، مولانا سید معاویہ شاہ بخاری، مولانا محمد عمر قریشی، مفتی محمد اعجاز، مولانا عبدالحئی،شبان احرارکے رہنماسیدعطاء اللہ ثالث،قاری جمیل الرحمان بہلوی،مولانامحمدعمرجھنگوی ،مولاناعبیداللہ احرار ودیگر نے شرکت کی۔
متعلقہ عنوان :
مزید اہم خبریں
-
عدلیہ میں کسی قسم کی مداخلت برداشت نہیں ہوگی
-
عمران خان سمیت اڈیالہ جیل کے تمام قیدیوں سے ملاقاتوں پرپابندی ختم
-
رانا مشعود احمد خان اور ڈاکٹرمختار بھرت وزیراعظم کے کوآرڈینیٹر مقرر
-
وفاقی وزیر داخلہ محسن نقوی کاایک روزہ دورہ پشاور،کمانڈنٹ ایف سی نے ائرپورٹ پراستقبال کیا
-
وفاقی وزیرداخلہ محسن نقوی نے خیبرپختونخوا کے وزیراعلیٰ علی امین گنڈاپور سے ملاقات
-
نادرا سے ڈیٹا چوری سکینڈل،8 افسران معطل ، درجن سے زائد کیخلاف کارروائی کا آغاز
-
پی ٹی آئی نے ججز کے خط کی تحقیقات کیلئے حکومت کے انکوائری کمیشن کو مسترد کردیا
-
تعلیمی اداروں میں موسم بہار کی تعطیلات کا اعلان
-
’چیف جسٹس آف پاکستان نے سخت موقف نہیں اپنایا، تو عدلیہ کی آزادی ایک خواب بن جائے گی‘
-
وفاقی حکومت نے نگران حکومت کی معاشی شرح نمو پر نظرثانی رپورٹ جاری کردی
-
آئی ایم ایف نے بجلی کی قیمت میں 32 روپے کمی کیلئے حکومت کو فارمولہ تجویز کر دیا
-
وفاقی حکومت کا بجلی چوری اور سہولت کاری میں ملوث افسران کیخلاف کاروائی کا فیصلہ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.