تحریک انصاف کی کھلاڑی ن لیگ کے متوالوں پر ٹوٹ پڑی

پیر 8 دسمبر 2014 23:07

فیصل آباد(اُردو پوائنٹ اخبار تازہ ترین۔8دسمبر۔2014ء) فیصل آباد میں پی ٹی آئی کی خاتون کارکن ڈنڈے اٹھا کر نون لیگ والوں پر ٹوٹ پڑی اور کئی کی پٹائی بھی کر ڈالی۔جسے سمجھا تھا رضیہ اسی نے اٹھا لیا ڈنڈا۔ پی ٹی آئی والوں نے فیصل آباد میں احتجاج کیا تو نون لیگ والے بھی میدان میں آگئے۔

(جاری ہے)

اسی دوران تحریک انصاف کی حامی خاتون متوالوں میں گھری لیکن ہمت نہیں ہاری۔ شیر والے خود کو سمجھتے تھے دلیرلیکن کبھی کبھی سیر پر سوا سیر بھی میدان میں آجاتا ہے۔ بس پھر کیا تھا جو آگے آیا اس نے ڈنڈا کھایا،کئی افراد خاتون کو سمجھانے آگے بڑھے لیکن بپھری خاتون نے دوچار مظاہرین کی ٹھکائی کرکے ہی دم لیا ۔