حکومت اگر سنجیدہ ہے تو مذاکرات کیلئے بیٹھے: عمران خان

بدھ 3 دسمبر 2014 21:03

اسلام آباد(اُردو پوائنٹ اخبار تازہ ترین۔3دسمبر۔2014ء) عمران خان کہتے ہیں کہ حکومت سنجیدہ ہے تو تحریک انصاف بھی مذاکرات کیلئے تیار ہے۔ جوڈیشل کمیشن کے کام شروع کرنے تک پلان سی نہیں رکے گا۔ اسلام آباد میں دھرنے کے شرکاء سے خطاب کرتے ہوئے عمران خان نے کہا کہ طاہر القادری کے جانے کے بعد حکومت مذاکرات سے مُکر گئی۔

(جاری ہے)

مذاکراتی ٹیم نے وزیراعظم کے استعفے سے بھی انکار کیا تھا لیکن اگر اب بھی حکمران سنجیدہ ہیں تو مذاکرات کیلئے تیار ہیں۔

حکومت اگر سیریس ہے تو مذاکرات کیلئے بیٹھے۔ عمران خان نے کہا کہ کوئی غلط فہمی میں نہ رہے، جوڈیشل کمیشن کے کام شروع ہونے تک پلان سی نہیں رکے گا۔ سردی اور گرمی کی پرواہ نہیں ہے۔ انصاف لئے بغیر واپس نہیں جائیں گے۔ الیکشن کمیشن کے بیانات مانیٹر کر رہے ہیں۔ دھاندلی کے ذمہ داروں جیلوں میں ڈلوائیں گے۔ چیئرمین تحریک انصاف نے کہا کہ قوم اُٹھ کھڑی ہوئی ہے۔ کرپشن کرنے والوں کو بے نقاب کرتے رہیں گے۔