سائنسدانوں نے چاند اور مریخ پر سبزیاں اگانے کے منصوبے پر کام شروع کردیا

اتوار 23 نومبر 2014 00:52

اوسلو(اُردو پوائنٹ اخبار تازہ ترین۔23نومبر۔2014ء) ناروے کے سائنسدان ایک ایسے منصوبے پر کام کرہے ہیں جس کے تحت اب چاند اور مریخ پرسبزیاں اگائی جائیں گی تاکہ خلابازوں کو خلا میں ہی کھانے کی چیزیں میسر ہوسکیں۔دنیا نہایت تیزی سے ترقی کررہی ہے اور آئے دن نت نئی دریافت اور تحقیقات سامنے آرہی ہیں اسی طرح سائنسدانوں کی جانب سے ایک نیا منصوبہ شروع کیا جارہا ہے جس کے تحت خلا میں سبزیاں اگانے پر غور کیا جارہا ہے۔

ناروے کے سائنسدان اسی طرح کے ایک منصوبے پر کام کررہے ہیں جس کے مطابق آئندہ آنے والے سالوں بین الاقوامی خلائی اسٹیشن پر سبزیاں اگائی جائیں گی جن میں ٹماٹر، سویابین، چیری اور دیگر شامل ہیں۔منصوبے کی سربراہ کا کہنا تھا کہ خلا میں پودوں کی نشوونما کے لئے چند بنیادی اقدم کئے جارہے ہیں لیکن یہ نہیں جانتے کہ اس پورے عمل میں کتنا وقت لگے گا یہ صرف ابتدائی قدم ہے جس کی بنیاد پر مستقبل میں ہم چاند اور مریخ پر سبزیوں اوردیگر پودوں کی نشوونما کرسکیں گے۔

(جاری ہے)

منصوبے کے مطابق خلا میں سبزیاں اور دیگر پودوں کی افزائش کا مقصد مستقبل میں خلابازوں کو خلا میں ہی کھانے کی چیزیں فراہم کرنا ہے کیونکہ خلا بازوں کو30 لیٹر پانی اور دیگر خوراک روزانہ کی بنیاد پر زمین سے فراہم کیا جاتا ہے جوایک نہایت ہی مہنگا عمل ہے۔

Facebook Twitter Google + Share on Whatsapp

سائنسدانوں نے چاند اور مریخ پر سبزیاں اگانے کے منصوبے پر کام شروع کردیا

مزید عجیب و غریب خبریں