خیبر ایجنسی ‘ پاک فضائیہ کے جیٹ طیاروں کی بمباری ‘ چھ دہشتگرد ہلاک ‘ متعدد زخمی

منگل 18 نومبر 2014 16:05

خیبر ایجنسی ‘ پاک فضائیہ کے جیٹ طیاروں کی بمباری ‘ چھ دہشتگرد ہلاک ..

خیبر ایجنسی(اُردو پوائنٹ تاز ترین اخبار۔ 18نومبر 2014ء) وادی تیرہ کے مختلف علاقوں میں پاک فضائیہ کے جیٹ طیاروں کی بمباری میں 6 دہشت گرد ہلاک اور متعدد زخمی ہوگئے ‘ فضائی کارروائی میں دہشت گردوں کے کئی ٹھکانوں کو بھی تباہ کردیا گیا۔

(جاری ہے)

سیکیورٹی ذرائع کے مطابق دہشت گردوں کے خلاف فضائی کارروائیاں وادی تیرہ کے علاقوں ملک دین خیل، طور درہ اور دوا توئی میں کی گئیں جس کے نتیجے میں 6 دہشت گرد ہلاک اور متعدد زخمی ہوئے ‘ جیٹ طیاروں کی بمباری میں دہشت گردوں کے 3 ٹھکانوں کو بھی تباہ کردیا گیا۔

واضح رہے کہ خیبر ایجنسی میں دہشت گردوں کے خلاف سیکیورٹی فورسز کے ”خیبر ون“ کے نام سے جاری آپریشن میں غیر ملکیوں سمیت اب تک سیکڑوں دہشت گردوں کو ہلاک اور ان کے کئی ٹھکانوں کو تباہ کیا جاچکا ہے جبکہ اہم کمانڈروں سمیت 350 دہشت گرد سیکیورٹی فورسز کے سامنے ہتھیار بھی ڈال چکے ہیں-

متعلقہ عنوان :