متحدہ کیلئے دروازے کھلے ہیں،بلاول کی بات پر ناراض نہیں ہونا چاہیے،زرداری

پیر 17 نومبر 2014 23:06

لندن (اُردو پوائنٹ اخبار تازہ ترین۔17نومبر۔2014ء) پیپلزپارٹی کے شریک چیئرمین آصف زرداری نے کہا ہے کہ بلاول نے جلسوں میں اپنی رائے کا اظہار کیا، ایم کیو ایم کو ناراض نہیں ہونا چاہیے،اگر ایم کیو ایم لندن میں مجھ سے ملنا چاہے تو انکو میرے ایڈریس کا پتا ہے،انھوں نے یہ باتیں لندن میں میڈیا سے گفتگو کرتے ہوئےکہیں،اس سوال کے جواب پر کہ کیا آپ متحدہ قومی موومنٹ کی قیادت سے ملاقات کرینگے؟سابق صدر نے کہا کہ اگر ایم کیو ایم کی قیادت لندن میں مجھے سے ملنا چاہے تو انکو میرے ایڈریس کا پتا ہے،بطور اتحادی ہم ایک دوسرے کی توقعات کو پورے نہیں کرسکے،گورنر سندھ کے ذریعے متحدہ قومی موومنٹ سے رابطے میں تھے،متحدہ قومی موومنٹ کیلیے ہمارے دروازے کھلےہیں۔

(جاری ہے)

ایک سوال پر انھوں نے مزید کہا کہ عمران خان نامناسب بات کرتے ہیں، اپنے سیاسی مخالفین کے لیےایسی زبان استعمال نہیں کرسکتا،جو کچھ وہ بول رہے ہیں وہ انکی شخصیت اور مائنڈ سیٹ کی عکاسی کرتی ہے،آصف زرداری نے کہا کہ وزیراعظم نوازشریف کی نہیں،جمہوری نظام کی حمایت کرتے ہیں۔ہم چاہتے ہیں کہ پارلیمنٹ اپنی مدت پوری کرے۔