قیمتوں میں کمی پر پٹرول نایاب،شہری مشکلات سے دوچار،انتظامیہ کی سخت کارروائی

ہفتہ 1 نومبر 2014 12:54

لاہور/گوجرانوالہ/ حافظ آباد/ میانوالی(اُردو پوائنٹ اخبار تازہ ترین۔یکم نومبر 2014ء)پٹرول سستا ہونے کے باوجود کئی شہروں میں پرانی قیمت پر فروخت جاری ہے ، متعدد پٹرول سٹیشنز نے فروخت بند کر دی ، شہریوں کو شدید مشکلات کا سامنا ہے، حافظ آباد اور میانوالی میں پچیس پٹرول سٹیشنز مالکان کو جرمانہ کر دیا گیا۔ پٹرول کی قیمتوں میں اضافے کا اعلان ہوتے ہی پٹرول پمپ مالکان پٹرول فوری مہنگا کر دیتے ہیں ۔

(جاری ہے)

اس مرتبہ حکومت نے پٹرول کی قیمتوں میں نمایاں کمی کی تو ملک کے مختلف شہروں میں پٹرول ہی غائب ہوگیا کہیں پرانی قیمت پر فروخت جاری اور کہیں٘ پٹرول کی فروخت ہی بند کر دی گئی ۔ لاہور میں پٹرول نایاب ہونے سے شہری خوار ہونے لگے ۔ کوئٹہ میں بھی شہری پٹرول کے حصول میں شدید مشکلات کا شکار ہیں ۔ دوسری طرف پنجاب میں انتظامیہ نے بھی نئی رعایتی قیمت پر پٹرول فروخت نہ کرنے والے پٹرول سٹیشنز کے خلاف کارروائی شروع کر دی ہے ۔ لاہور میں تین ، فیصل آباد میں پانچ پٹرول سٹیشنز بند کر دئیے گئے ۔ میانوالی میں پرانی قیمت پر پٹرول فروخت کرنے پر گیارہ ، حافظ آباد میں چودہ پٹرول سٹیشنز مالکان کو جرمانہ کردیاگیا۔

Facebook Twitter Google + Share on Whatsapp

قیمتوں میں کمی پر پٹرول نایاب،شہری مشکلات سے دوچار،انتظامیہ کی سخت کارروائی

مزید اہم خبریں