وزیراعظم نااہلی کیس، تحریک انصاف کی لارجر بینچ تشکیل دینے کی سفارش
منگل 21 اکتوبر 2014 16:24
اسلام آباد(اُردو پوائنٹ اخبار تازہ ترین۔21اکتوبر 2014ء) تحریک انصاف نے وزیر اعظم کی نااہلی سے متعلق کیس میں جسٹس جواد ایس خواجہ کو بنچ سے الگ کرنے اور لارجر بینچ تشکیل دینے کے لیے اپیل دائر کر دی ، جسٹس قاضی فائزعیسیٰ نے کہا ہے کہ چیف جسٹس اس درخواست پر پہلے ہی فیصلہ دے چکے ہیں۔ سپریم کورٹ کے جسٹس جواد ایس خواجہ کی سربراہی میں تین رکنی بنچ نے وزیر اعظم کی نااہلی سے متعلق تحریک انصاف کی درخواست کی سماعت کی ۔ اسحاق خاکوانی کے وکیل عرفان قادر نے جسٹس جواد ایس خواجہ کو بنچ سے الگ کرنے اور لارجر بینچ تشکیل دینے کے لیے اپیل دائر کر دی۔ جسٹس قاضی فائز عیسٰی نے ریمارکس دیئے کہ آپ کی درخواست پر تو چیف جسٹس فیصلہ دے چکے ہیں۔ عرفان قادر نے کہا کہ چیف جسٹس کے سامنے جسٹس جواد کی بنچ سے علیحدگی سے متعلق درخواست نہیں تھی ۔
(جاری ہے)
میری پٹیشن میں عوامی اہمیت اور بنیادی حقوق سے متعلق نکات شامل ہیں۔
ان کا کہنا تھا کہ ماضی میں جن ریگولر بینچوں کے پاس وزیر اعظم کا کیس آیا، انہوں نے لارجر بینچ تشکیل دینے کا کہا ، یوسف رضا گیلانی اور ذوالفقار علی بھٹو کے کیسز میں بھی لارجر بنچ بنے۔ جسٹس جواد نے ریمارکس دیئے کہ ہمیں کیس کو سمجھنے دیں، کیا پتہ ہم ہی لارجر بنچ بنانے کی سفارش کر دیں۔ عرفان قادر نے کہا کہ بنچ سے علیحدگی کا معاملہ چیف جسٹس کے دائرہ اختیار میں نہیں آتا ، یہ اپیل عدالت میں سنی جائے۔ جسٹس جواد نے ریمارکس دیئے کہ درخواست گزاروں کی جانب سے ایسے مطالبات آتے رہتے ہیں ، میرے حوالے سے تو ایسے مطالبات زیادہ ہی کیے جاتے ہیں ، کیا پتہ آپ کی اپیل پراس وقت تک فیصلہ بھی ہو جائے۔ کیس کی مزید سماعت جمعرات تک ملتوی کر دی گئی ہے۔متعلقہ عنوان :
مزید اہم خبریں
-
وزیر اعظم شہبازشریف کی ملکی برآمدات کو مزید مسابقتی بنانے کے حوالے سے فوری اقدامات کرنے کی ہدایت
-
تجارت اور کاروبار میں آسانی کے حوالے سے پالیساں بناتے ہوئے نجی شعبے سے مشاورت کو یقینی بنایا جائے، وزیراعظم کی ہدایت
-
لاہور ہائیکورٹ نے پنجاب حکومت کو طالب علموں کو پیر تک الیکٹرک بائیکس تقسیم کرنے سے روک دیا
-
آئی کیوب قمر نے کامیابی کے ساتھ چاند کے مدار سےپہلی تصویر بھیج دی
-
جرمن کارکنوں نے پچھلے برس 1.3 بلین گھنٹے اوور ٹائم کیا، زیادہ تر بلامعاوضہ
-
اسلام آباد ہائیکورٹ کا سیل کئے گئے تندورڈی سیل اورگرفتارلوگوں کو رہا کرنے کا حکم
-
سموگ پر قابو پانے کیلئے وزیراعلیٰ پنجاب کی سربراہی میں خصوصی کمیٹی قائم
-
کراچی کور میں فوجی افسران کو ستارہ امتیاز ملٹری، تمغہ امتیاز ملٹری، تمغہ بسالت سے نوازا گیا
-
ملکی ترقی میں نجی شعبے اور صنعت کا کردار انتہائی اہم ہے،وزیراعظم شہباز شریف
-
حکومت میں ہوتے ہوئے پی ٹی آئی سے بات کرنے کو تیار ہیں،رانا ثناءاللہ
-
وزیر منصوبہ بندی احسن اقبال کی چین کی نیشنل انرجی ایڈمنسٹریشن کے چیئرمین سے ملاقات
-
مریم نواز نے پنجاب کے طلبہ کیلئے لیپ ٹاپ سکیم کی منظوری دیدی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.