سرگودھا ،پاکستان ریلوے کا 2مزید عید اسپیشل ٹرینیں چلانے کا فیصلہ
ہفتہ 11 اکتوبر 2014 23:22
سرگودھا (اُردو پوائنٹ اخبار تازہ ترین۔11اکتوبر 2014ء) پاکستان ریلوے نے 2مزید عید اسپیشل ٹرینیں چلانے کا فیصلہ کیا ہے۔ وزیر ریلوے خواجہ سعد رفیق کی ہدایت پر یہ فیصلہ مسافروں کی کثیر تعداد کے باعث کیا گیا ہے۔ واضح رہے کہ پاکستان ریلویز عیدالاضحی پر 14اسپیشل ٹرینیں چلا چکی ہے ۔ اب 15 ویں اسپیشل ٹرین اتوار 12اکتوبر کی صبح 9:00 بجے کراچی سے روانہ ہوکر(براستہ ملتان، فیصل آباد) 13اکتوبر سہ پہر 4:45لاہور پہنچے گی جبکہ 16ویں عید اسپیشل ٹرین 13اکتوبر لاہور سے سہ پہر 5:30 بجے روانہ ہوکر(براستہ فیصل آباد، ملتان) اگلے روز سہ پہر 3:45 بجے کراچی کینٹ پہنچے گی ۔
ان خیالات کا اظہار جنرل منیجر آپریشنز محمد جاوید انورنے پریس کانفرنس کے دوران کیاان کی معاونت ایڈیشنل جنرل منیجر مکینکل رانا ابرار انور، ایڈیشنل جنرل منیجر ٹریفک محمود حسن ،چیف مارکیٹنگ منیجر زبیر شفیع غوری، چیف کمرشل منیجر خالد خورشید کنورنے کی۔(جاری ہے)
انہوں نے کہا کہ 15اکتوبر سے جو نیا ٹائم ٹیبل جاری کیا جائے گا اس میں مختلف ٹرینوں کے مختلف اسٹیشنوں پر سٹاپوں میں اضافہ کیا گیا ہے اور دو نئی ٹرینیں بحال کرنے کا فیصلہ بھی کیا ہے جس میں موسیٰ پاک لاہور اور ملتان کے درمیان 19اور20کی رات 12:30 بجے چلائی جائے گی۔
اس کے علاوہ مہران ایکسپریس جو کہ کراچی سے میرپورخاص کے درمیان اس ماہ کے آخر تک چلائی جائے گی۔پیپلز پارٹی کے کراچی میں جلسہ کے حوالے سے دواسپیشل ٹرینیں راولپنڈی اور لاہور سے کراچی کیلئے 17اکتوبر سے چلائی جائیں گی اور دو مزید ٹرینوں کیلئے سکھر اور لاڑکانہ سے بھی ڈیمانڈ بھجوائی ہے جس پر ہوم ورک ہورہا ہے۔ جنرل منیجر آپریشنز محمد جاوید انور نے بتایا کہ یکم جولائی 2014 سے 30ستمبر 2014تک ریلوے نے 6ارب 33کروڑ روپے کی آمدن حاصل کی ہے جوکہ پچھلے سال کی اسی تین ماہ میں پانچ ارب 20کروڑ کے مقابلے میں 21.8فیصدزائد ہے۔ عید پر کرایوں میں کمی کو لوگوں نے پسند کیاجس کی وجہ سے ریلوے کی آمدن میں بھی اضافہ ہوا۔ ڈائریکٹر انفارمیشن اینڈ ٹیکنالوجی کی پوسٹ کیلئے اُمیدواران کے انٹرویو ہوچکے ہیں اور بہت جلد قابل اُمیدوار کو اس پوسٹ پر تعینات کردیا جائے گا۔فریٹ سیکٹر میں پاکستان ریلویز نے یکم جولائی تا 30ستمبر 2014 تک 32830ویگنیں لوڈ کیں جو کہ گزشہ مالی سال کے اسی دورانیے کے مقابلے میں 17937ویگنیں زائد ہیں۔ایک سوال کے جواب میں انہوں نے کہا کہ پاکستان ریلوے میں بوگیوں کو آگ لگنے کے 25واقعات میں سے 16سکھر ڈویژن میں اور باقی دیگر ڈویژنوں میں رونماہوئے ہیں۔آج بھی جیکب آباد میں کھڑی ٹرین کی دوکوچز کو آگ لگانے کی کوشش کو ریلوے کی طرف سے بروقت کاروائی کرتے ہوئے ناکام بنادیا گیا ۔مزید تجارتی خبریں
-
پاکستان سٹاک ایکسچینج میں تیزی کانیاریکارڈقائم،انڈیکس 619.79 پوائنٹس کے اضافہ کے بعد 70909.90 پوائنٹس پربند
-
ملکی صرافہ مارکیٹوں میں جمعہ کے روز سونا مزید مہنگا ہو گیا
-
انٹربینک میں جمعہ کو روپے کے مقابلے ڈالر سستا ہو گیا تاہم اوپن مارکیٹ میں ڈالر کی قدر بڑھ گئی
-
پاکستان میں پولٹری کے شعبہ نے تیزی سے ترقی کی ہے ،ڈاکٹرسجاد ارشد
-
ٹریکٹروں کی فروخت میں جاری مالی سال کے پہلے 9 ماہ میں سالانہ بنیادوں پر 66 فیصداضافہ
-
پاکستان سٹاک ایکسچینج میں مسلسل دوسرے روز مندی کارحجان،کے ایس ای 100 انڈیکس 43.20 پوائنٹس کی کمی کے بعد 70290.11 پوائنٹس پربند
-
لاہور:برائلر گوشت کی قیمت 699روپے فی کلو تک پہنچ گئی
-
انٹر بینک اور اوپن مارکیٹ میں روپے کے مقابلے ڈالر مہنگا
-
سونے کی قیمتوں کا کمی کا رجحان
-
اٹک سیمنٹ نے 1.27 ملین ٹن سالانہ کی نصب صلاحیت کے ساتھ ایک نئی پیداواری لائن کے اضافے کا اعلان
-
بینکوں کے ڈیپازٹس، قلیل مدت کے قرضوں اورسرمایہ کاری میں مارچ کے دوران سالانہ بنیاد پر اضافہ ہوا،سٹیٹ بینک
-
پاکستان سٹاک ایکسچینج میں تیزی،100 انڈیکس51 پوائنٹس اضافہ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.