فٹبال کی شائق سعودی خاتون پر تنقید
بدھ 8 اکتوبر 2014 22:11
دبئی(اُردو پوائنٹ اخبار تازہ ترین۔8اکتوبر۔2014ء) متحدہ عرب امارات میں کھیلے جانے والے ایک فٹبال میچ کی ایک ویڈیو کلپ یو ٹیوب پر چار لاکھ مرتبہ دیکھا جا چکا ہے تاہم اس کی وجہ کوئی شاندار گول نہیں بلکہ ایک خاتون تماشائی ہے۔فٹبال سٹیڈیم میں سعودی خاتون تماشائی کی موجودگی کچھ سعودی مردوں کو پسند نہیں آئی اور انھوں نے سعودی ٹیم کے میچ ہارنے کے بعد اپنا غصہ سوشل میڈیا پر اس معاملے پر نکالا ہے۔
یہ میچ ایشیائی چیمپئنز لیگ کا سیمی فائنل تھا جس میں سعودی عرب کے کلب الہلال کو متحدہ عرب امارات کی ٹیم العین نے ایک کے مقابلے میں دو گول سے ہرایا۔اس میچ کی ایک ویڈیو کلپ میں کیمرے کی نظر سعودی فٹبال ٹیم کی حامی اس خاتون پر بھی پڑتی ہے جنھوں نے مکمل طور پر ایک سیاہ عبایا اور نقاب پہنا ہوا ہے۔(جاری ہے)
سعودی عرب میں خواتین کے فٹ بال میچوں میں شرکت کرنے پر پابندی عائد ہے لیکن یہ میچ متحدہ عرب امارات میں ہوا جس کی وجہ سے یہ خاتون دیگر افراد کے ساتھ اپنی ٹیم کو کھیلتا دیکھ سکیں۔
نو سو سے زائد ناراض مردوں نے اس ویڈیو میں دکھائی دینے والی اس خواتین پر تنقید کی کیونکہ وہ ہزاروں مردوں کے ساتھ اس سٹیڈیم میں تھیں۔ایک مرد نے لکھا: ’خواتین کو فٹبال میں کوئی دلچسپی نہیں ہے، تو پھر سٹیڈیم میں جا کر ایک لائیو میچ دیکھنے کی کیا ضرورت ہے؟‘ایک اور مرد نے کہا: ’اس خاتون کا کوئی شوہر نہیں ہے؟ اس کی جگہ گھر کے اندر ہے۔‘خواتین کے سٹیڈیم جا کر میچ دیکھنے کے خلاف کئی لوگ ہیں جو کہتے ہیں کہ ان کا وہاں آنا غیر اخلاقی طرزِ عمل کی حوصلہ افزائی کرتا ہے۔لینا المینہ ایک سابق کھلاڑی ہیں جو سعودی عرب میں لڑکیوں کے کھیل کی حمایت کرتی ہیں۔ وہ کہتی ہیں کہ وہ اس سوچ کےخلاف ہیں کہ خواتین کو ہراساں ہونے سے بچنے کے لیے گھر میں بیٹھنا چاہیے۔وہ کہتی ہیں: ’خواتین کو بازاروں اور سڑکوں پر ہراساں کیا جاتا ہے، تو مجھے نہیں سمجھ آتی کہ وہ سٹیڈیمز میں کیوں نہیں آسکتیں۔ مجھے ایک مرد کی بری نظر کی وجہ سے سزا کیوں ملے؟‘لیکن لینا یہ بھی کہتی ہیں کہ شاید اب مردوں کے رویے میں تبدیلی آ رہی ہے۔سعودی عرب میں مقامی ذرائع ابلاغ کے مطابق حکومت شائقین خواتین کے لیے سٹیڈیمز میں الگ حصوں کی تعمیر پر غور کر رہی ہے۔متعلقہ عنوان :
مزید بین الاقوامی خبریں
-
آسڑیلین پاکستانی نینشل ایسوی ایشن اپنا کے زیر اہتمام عید کے موقع پرقیونسلنڈ میں سال 2023 میں سماجی ،معاشرتی اور مذہبی خدمات پر اپنا عید ایوارڈ دیے
-
حماس قیادت دوحا میں رہے گی، قطرکا دو ٹوک پیغام
-
ایران چند ہفتوں میں جوہری ہتھیار تیار کرسکتا ہے،آئی اے ای اے
-
امریکہ، طالب علموں سے زیادتی کرنے والی 25 خواتین اساتذہ گرفتار
-
روس اورچین نے باہمی تجارت کیلئے ڈالرکا استعمال ختم کردیا
-
امریکی سینیٹ نے ٹک ٹاک پر پابندی کے لئے قانون سازی کی منظوری دے دی
-
ایپل کا آن لائن ایونٹ کے انعقاد کا اعلان
-
ٹیسلا نے 4 ماہ قبل بنائی گئی یو ایس گروتھ ٹیم کو فارغ کردیا
-
ایرانی صدر ابراہیم رئیسی پاکستان سے سری لنکا کے دورے پر پہنچ گئے
-
شہزادہ ولیم اور کیٹ مڈلٹن کو نئی شاہی ذمہ داریاں سونپ دی گئیں
-
بھارت کا میڈیا عوام کے مسائل اجاگر کرنے کے بجائے مودی کے گن گاتا ہے،راہول گاندھی
-
تارکین وطن کے حوالہ سے صورتحال پر مغرب میں خانہ جنگی کا خدشہ ہے، ایلون مسک
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.