پاکستانی قوم متحد ہے، بھارت غلط فہمی میں نہ رہے: سیاسی رہنماء
بدھ 8 اکتوبر 2014 17:41
اسلام آباد(اُردو پوائنٹ اخبار تازہ ترین۔8اکتوبر۔2014ء) سیاسی رہنماؤں نے بھارتی جارحیت کی مذمت کرتے ہوئے حکومت سے موثر جواب دینے کا مطالبہ کیا ہے تاہم اُن کا یہ بھی کہنا ہے کہ بھارت کسی غلط فہمی میں نہ رہے، اُس کے خلاف تمام قوم متحد ہے۔بھارت نے چند روز سے سرحد پر توپوں کے منہ کھول رکھے ہیں جس سے کئی گھرانوں میں صف ماتم بچھ چکی ہے۔ سیاسی رہنماؤں نے بھارتی جارحیت کی مذمت کی ہے تاہم اُن کا یہ بھی کہنا ہے کہ مشکل کی اس گھڑی میں سیاسی جماعتیں اختلافات بھلا کر متحد ہیں۔
افواج پاکستان اور پاکستانی قوم ہر جارحیت کا مقابلہ کرنے کی صلاحیت رکھتی ہے۔ وزیر اعلیٰ پنجاب محمد شہباز شریف نے ورکنگ باؤنڈری پر بھارتی اشتعال انگیزی کے باعث سیالکوٹ اور شکر گڑھ کے سرحدی علاقوں میں قیمتی انسانی جانوں کے ضیاع پر افسوس کا اظہار کیا ہے۔(جاری ہے)
وزیراعلیٰ پنجاب کا کہنا تھا کہ پرامن اور معصوم شہریوں پر بھارت کی طرف سے بلااشتعال فائرنگ قابل مذمت ہے۔
بھارتی فوجوں کی جارحیت کسی طرح بھی قابل قبول نہیں ہے۔ وزیراعلی پنجاب نے اس موقع پر شہداء کے لواحقین سے ہمدردی اور اظہار تعزیت کیا جبکہ شہداء کے درجات کی بلندی کے لئے دعائے مغفرت بھی کی۔ وزیراعلی نے انتظامیہ کو ہدایت کی کہ ان افسوسناک واقعات میں زخمی ہونے والے افراد کو ہسپتالوں میں ہر ممکن طبی سہولتیں فراہم کی جائیں۔ تحریک انصاف کے رہنماء شاہ محمود قریشی نے بھارتی جارحیت کی مذمت کی ہے۔ انہوں نے کہا کہ دفتر خارجہ غفلت کی نیند سے جاگے اور پاکستان کو خارجہ پالیسی تبدیل کرنا ہوگی۔ عوامی مسلم لیگ کے سربراہ شیخ رشید احمد نے بھارتی جارحیت کو سازش قرار دے دیا ہے۔ سیاسی رہنماؤں کے بیانات اس بات کے عکاس ہیں کہ مشکل کی اس گھڑی میں پوری قوم ایک ہے۔ جماعت الدعوۃ کے امیر ھافظ محمد سعید نے کہا ہے کہ بھارت کے مقابلے میں پاکستانی قوم سیسہ پلائی ہوئی دیوار ہیں۔ سرحد پر بھارتی جارحیت ناقابل برداشت ہے۔ انشا اللہ تعالیٰ ہم بھارت سے بدلہ لیں گے۔ بھارت کی جارحیت جاری رہی تو اس کی اینٹ سے اینٹ بجا دیں گے۔متعلقہ عنوان :
مزید اہم خبریں
-
جرمنی میں الیکٹرک کارکی رجسٹریشن میں کمی
-
وفاقی وزارت خزانہ نے مارچ کی ماہانہ آؤٹ لک رپورٹ جاری کردی
-
خیبر پختونخوا کی چوبیس سرکاری یونیورسٹیاں وائس چانسلر سے محروم
-
پاکستان اپنے فلسطینی بھائیوں کے ساتھ کھڑا رہے گا اور ہر فورم پر ان کے لئے آواز بلند کرے گا، صدر مملکت آصف علی زرداری سے فلسطین کے سفیر احمد جواد ربیع کی ملاقات
-
گزشتہ تین روز میں سونے کی فی تولہ قیمت میں 5 ہزار 400 روپے بڑا اضافہ ہوگیا
-
سوشل میڈیا کا بھوت اور بچوں کی ذہنی صحت
-
صدرمملکت آصف علی زرداری سے ایران کے سفیر کی ملاقات
-
امریکی صدر جو بائیڈن کا وزیراعظم شہبازشریف کو خط ، وزارت عظمیٰ کا منصب سنبھالنے پر نومنتخب حکومت کے لئے نیک تمنائوں کا اظہار
-
وزیراعلی مریم نوازنے محمد نواز شریف کسان کارڈ کی منظوری دیدی ،5 لاکھ کاشتکارو ں کو آسان شرائط پر 150 ارب کا قرضہ دیا جائیگا
-
پشاور بی آر ٹی کے کنٹریکٹر نے عالمی ثالثی عدالت میں حکومت کیخلاف 57 ارب روپے کا دعوی کردیا
-
نوازشریف کو پانامہ کیس میں اقامہ پرسزا دینا غلطی تھی، ہمشیرہ بانی پی ٹی آئی
-
آئی ایم ایف نے پاکستان کی معاشی پیشرفت کو حوصلہ افزا قرار دے دیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.