اسلام آباد میں کریک ڈائون ،تحریک انصاف کے درجنوں کارکن گرفتار

جمعہ 19 ستمبر 2014 11:28

اسلام آباد(اُردو پوائنٹ اخبار تازہ ترین۔19ستمبر 2014ء) اسلام آباد کے مختلف علاقوں میں پولیس نے کریک ڈائون کر کے تحریک انصاف کے درجنوں کارکنوں کو گرفتار کر لیا ۔ گرفتار ہونے والوں میں صوابی ہسپتال کے تین ڈاکٹر بھی شامل ہیں ۔ پولیس نے کریک ڈائون کرکے اسلام آباد میں مختلف مقامات سے تحریک انصاف کے درجنوں کارکنوں گرفتار کرکے تھانوں میں منتقل کر دیا ہے ۔

(جاری ہے)

پولیس نے پمز ہسپتال کے قریب نوری سٹاپ ،آئی ایٹ، راول ڈیم چوک پر ناکے لگائے اور دھرنے سے واپس آنے والے متعدد کارکنوں کو گرفتار کرلیا ۔ کارکنوں کو قیدیوں کی گاڑیوں میں ڈال کر مختلف تھانوں کی حوالات میں بند کر دیا گیا ہے ۔ کارکنوں کی پہچان ان کے چہروں پر بنے پارٹی ٹیٹو اور جھنڈوں سے کی جا رہی ہے ۔ گرفتار ہونے والوں میں صوابی ہسپتال کے تین ڈاکٹروں سمیت بے گناہ شہری بھی شامل ہیں ۔