امریکامیں 2016 کے متوقع انتخابات میں ریپبلکن پارٹی کے امیدوار ٹیڈ کروز کو اسرائیل کی حمایت کرنے پر عوامی ناراضگی کا سامنا
ہفتہ 13 ستمبر 2014 23:30
واشنگٹن(اُردو پوائنٹ اخبار تازہ ترین۔13ستمبر 2014ء) امریکا میں 2016 کے متوقع انتخابات میں ریپبلکن پارٹی کے امیدوار ٹیڈ کروز کو اس وقت عوامی ناراضگی کا سامنا کرنا پڑا جب انہوں نے فنڈ ریزنگ کے لیے منعقدہ ایک تقریب میں اسرائیل کے حق میں کچھ زیادہ لب کشائی کر ڈالی۔اس پر فنڈریزنگ کے لیے ہونے والی تقریب کے دوران ''مسیحیوں کے دفاع میں'' نامی تنظیم کے نوجوان کھڑے ہو کر اپنی ناراضگی کا اظہار کرنے لگے۔
ریپبلکن پارٹی کے آئندہ صدارتی امیدوار مسٹر کروز کو مخالفانہ نعرے، ناراضگی کے علاوہ اس مطالبے کا سامنا کرنا پڑا کہ آپ سٹیج سے نیچے اتر جائیں، ہم مزید نہیں سن سکتے۔واضح رہے ''ان ڈیفینس آف کریسچئینز'' نامی تنظیم ایک غیر منافع بخش ادارہ ہے جو مسیحی کمیونٹی کے مفادات کے تحفظ کے لیے سر گرم ہے۔(جاری ہے)
اس کے پلیٹ فارم سے خطاب کے دوران ٹیڈ کروز کا کہنا تھا ''مجھے یہ کہنے دیا جائے کہ جو اسرائیل سے نفرت کرتے ہیں وہ امریکا سے نفرت کرتے ہیں۔
'' یہ سنتے ہی شرکاء کے ایک گروپ نے کھڑے ہو کر نعرے بازی شروع کر دی اور یہ کہنا شروع کر دیا ''بس کریں بہت ہو گئی، اب سٹیج چھوڑ دیں۔''اس بڑھتی ہوئی نعرہ بازی کے بعد سینیٹر کروز کو کہنا پڑا ''اگر آپ اسرائیل کے ساتھ نہیں کھڑے ہوں گے تو میں آپ لوگوں کے ساتھ کھڑا نہیں ہوں گا۔'' یہ کہہ کر وہ سٹیج چھوڑ کر نیچے اتر گئے۔امریکی ریپبلکن سینیٹر کروز کے اسرائیل کے حق میں ان جارحانہ کلمات اور خیالات کے بعد تقریب میں موجود لبنان کے سفیر اینتونی چیڈڈ نے بھی تقریب کا خاموش بائیکاٹ کیا اور اٹھ کر چلے گئے۔خیال رہے ٹیڈ کروز 1999 میں سابق ریپبلکن صدر جارج ڈبلیو بش کی انتخابی مہم کے انچارج رہے تھے۔ وہ یہود مخالف جذبات کو سننے اور سمجھنے کو تیار نہیں ہیں بلکہ سمجھتے ہیں کہ یہ ایک بدترین چیز ہے۔متعلقہ عنوان :
مزید بین الاقوامی خبریں
-
سات وکٹیں ،انڈونیشیا کی روہمالیا نے ویمن ٹی ٹوئنٹی میں تاریخ رقم کردی
-
عازمین سوشل میڈیا کے ذریعے رابطہ کرنے والی جعلی حج کمپنیوں کے فراڈ کا نشانہ بننے سے بچیں، سعودی وزارت حج
-
ٹک ٹاک کا امریکی صدرکے دستخط کردہ قانون کو چیلنج کرنے کا اعلان
-
فرانس کی طرف سے اسرائیلی آباد کاروں پرپابندیوں کی دھمکی
-
ٹرمپ نے امریکی تعلیم گاہوں میں جنگ مخالف ریلیوں کو بد ترین نفرت کا نام دے دیا
-
غزہ کو امداد کی ترسیل، عارضی بندرگاہ کی تعمیر شروع کر دی گئی ، پینٹاگان
-
ٹک ٹاک کی مالک کمپنی کا ایپ فروخت کرنے سے انکار
-
سڈنی، چاقوحملے میں جاں بحق پاکستانی گارڈ کی نمازجنازہ
-
مسجد نبوی ﷺمیں ایک ہفتہ کے دوران 60 لاکھ زائرین کی آمد
-
گزشتہ سال دنیا کے 28 کروڑ افراد شدید غذائی قلت کا شکار رہے، اقوام متحدہ
-
ملائیشیا کے سابق وزیر اعظم کو انسداد بدعنوانی کی تحقیقات کا سامنا
-
پاکستان کیساتھ مضبوط رشتہ ہے، امریکا نے اختلافات کی خبروں کو مسترد کردیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.