خیبر پختونخوا چیمبرآف کامرس اینڈ انڈسٹری کی این ایل سی امان گڑھ ڈرائی پورٹ کو ایکسپورٹ ‘ گاڑیوں اور امپورٹ اورینٹڈ ڈرائی پورٹ ڈکلیئر کرنے کی تجویز
جمعرات 11 ستمبر 2014 17:15
پشاور ( اُردو پوائنٹ اخبار تازہ ترین۔11ستمبر۔2014ء)خیبر پختونخوا چیمبرآف کامرس اینڈ انڈسٹری کے صدر زاہداللہ شنواری نے این ایل سی امان گڑھ ڈرائی پورٹ کو ایکسپورٹ ‘ گاڑیوں اور امپورٹ اورینٹڈ ڈرائی پورٹ ڈکلیئر کرنے کی تجویز پیش کی ہے اور کہا ہے کہ نیشنل لاجسٹک سیل اس حوالے سے وزارت تجارت سے نوٹیفیکیشن ایشو کروائے جبکہ این ایل سی کے لیفٹیننٹ کرنل محمد جہانگیر نے کہا ہے کہ این ایل سی نے نیٹو ایساف کنٹینرز سکینڈل سے متعلق کلیئرنس رپورٹ نیب کے حوالے کردی ہے ۔
این ایل سی امان گڑھ ڈرائی پورٹ پر مال کی کلیئرنس کرانے پر فریٹ کی مد میں 10فیصدرعایت اور ڈیمریج میں ریلیف دینے کے لئے تیار ہے ۔ تفصیلات کے مطابق خیبر پختونخوا چیمبر کے صدر زاہداللہ شنواری کی زیر صدارت اہم اجلاس چیمبر ہاؤس میں منعقد ہوا ۔(جاری ہے)
اجلاس میں این ایل سی کے لیفٹیننٹ کرنل محمد جہانگیر ‘ این ایل سی کے اسسٹنٹ مینجر مارکیٹنگ منہاج اکرام ‘ چیمبر کے سینئر نائب صدر محمد شفیق ‘ ایگزیکٹو ممبران فواد اسحق ‘ عابد اللہ ‘ محمد آصف خان ‘ سعد خان ‘ شجاع محمد اور فیض محمدفیضی ‘صدر گل ‘ نعمان الحق ‘ امتیاز احمد علی اور افغان ٹرانزٹ ٹریڈ سے متعلقہ کاروباری افراد بھی موجود تھے ۔
خیبر پختونخوا چیمبر کے صدر زاہداللہ شنواری نے اجلاس سے خطاب کرتے ہوئے کہا کہ نیٹو ایساف کنٹینرز سکینڈل میں این ایل سی کے کردار سے متعلق بزنس کمیونٹی کے تحفظات ہیں اور وہ چاہتی ہے کہ این ایل سی اپنے طور پر نیب سے معاملات طے کرے کیونکہ اس وجہ سے صوبے کی بزنس کمیونٹی شدید متاثر ہو رہی ہے ۔ انہوں نے کہا کہ این ایل سی امان گڑھ ڈرائی پورٹ پر افغان ٹرانزٹ ٹریڈ کے علاوہ امپورٹرز اور ایکسپورٹرز کو سہولیات فراہم کرے تو کاروباری افراد یقینا این ایل سی کے ساتھ کاروبار کریں گے۔ انہوں نے کہا کہ ریلوے کی عدم فعالیت کی وجہ سے صوبے کی امپورٹ اور ایکسپورٹ کا عمل متاثر ہوا ہے اور اگر این ایل سی اس حوالے سے موثر اور بزنس کمیونٹی کی مشاورت سے اقدامات اٹھائے تو صوبے کی معیشت کو فروغ مل سکتا ہے ۔ انہوں نے کہا کہ امان گڑھ ڈرائی پورٹ کو کمرشل بنیادوں پر چلایا جائے ۔ لیفٹیننٹ کرنل محمد جہانگیر نے اجلاس کو بتایا کہ این ایل سی کے لیفٹیننٹ کرنل محمد جہانگیر نے کہا ہے کہ این ایل سی نے نیٹو ایساف کنٹینرز سکینڈل سے متعلق کلیئرنس رپورٹ نیب کے حوالے کردی ہے اور امید ہے کہ اس رپورٹ سے کنٹینرز سکینڈل سے متاثرہ بارڈر کسٹمز ایجنٹس کو ریلیف ملے گا۔ انہوں نے کہا کہ این ایل سی پختونخوا کی بزنس کمیونٹی کو ہر ممکن ریلیف فراہم کرنے کے لئے تیار ہے ۔ انہوں نے بتایا کہ امان گڑھ ڈرائی پورٹ پر امپورٹرز اور ایکسپورٹرز کو تمام بنیادی سہولیات فراہم کی جائیں گی ۔ این ایل سی کے اسسٹنٹ منیجر مارکیٹنگ منہا ج اکرام نے بتایا کہ این ایل سی امان گڑھ ڈرائی پورٹ پر ون ونڈو سسٹم متعارف کرایا جائے گا جس سے کاروباری افراد کو ایک ہی جگہ تمام تر سہولیات مہیا ہوں گی۔ انہوں نے خیبر پختونخوا چیمبر کے صدر کی جانب سے امان گڑھ ڈرائی پورٹ کو ایکسپورٹ اور امپورٹ اورینٹیڈ ڈرائی پورٹ ڈکلیئر کرنے کی تجویز سے اتفاق کیا اور یقین دلایا کہ این ایل سی اس حوالے سے اقدامات اٹھائے گی۔مزید تجارتی خبریں
-
برائلرگوشت اورفارمی انڈوں کے نرخ
-
بینک الفلاح کو رواں سال کی پہلی سہ ماہی میں 9.9ارب روپے کا خالص منافع
-
بجلی کی قیمت میں 2روپے 94پیسے فی یونٹ مزید اضافے کا امکان
-
موبائل فونز کی مقامی تیاری کے بعد قیمتوں میں نمایاں کمی
-
ملک میں سیمنٹ کی ریٹیل قیمتوں میں معمولی کمی ریکارڈ
-
ایل این جی کی درآمدات میں جاری مالی سال کے پہلے نوماہ میں دو فیصد کا اضافہ
-
موبائل فونز کی درآمدات میں جاری مالی سال کے پہلے نو ماہ میں 121 فیصد کا نمایاں اضافہ
-
برائلر گوشت کی قیمت میں مزید14روپے کلو کمی
-
انٹربینک میں روپے کے مقابے ڈالر کی قدر278.45روپے پر بدستور برقرار رہی جبکہ اوپن مارکیٹ میں ڈالر 5پیسے مہنگا
-
ملکی صرافہ مارکیٹوں میں سونے کی قیمت تاریخ کی بلند ترین سطح پر پہنچ چکی ہے
-
پاکستان سٹاک ایکسچینج میں تیزی کا نیاریکارڈقائم، انڈکس 692.49 پوائنٹس(0.97) اضافہ کے بعد72051.89پوائنٹس پربند
-
پاکستان سٹاک ایکسچینج میں تیزی،100 انڈیکس 703 پوائنٹ اضافے کے ساتھ 72 ہزار63پوائنٹس کی بلند ترین سطح پر پہنچ گیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.