دھاندلی ثابت ہوئی تو اسمبلی تحلیل کر دیں گے،حکومت کا تحریک انصاف کو جواب ،جوڈیشل کمیشن کا تقرر چیف جسٹس کریں،سربراہ کمیشن چیف جسٹس خود ہوں تو بھی خوشی ہوگی ،نگران حکومت کا قیام آئینی طریقہ کار کے مطابق ہوگا،بحران حل کے معاہدے پر مسلم لیگ ن اور تحریک انصاف دستخط کرینگے اعلان پارلیمنٹ میں کیا جائیگا ، چھ نکاتی مسودے کامتن
جمعہ 5 ستمبر 2014 20:51
اسلاآباد (اُردو پوائنٹ اخبار تازہ ترین۔5ستمبر 2014ء) حکومت کی جانب سے تحریک انصاف کو بھجوائے جانے والا چھ نکات پرمشتمل تحریری جواب کہا گیا ہے کہ وزیراعظم استعفیٰ نہیں دینگے جوڈیشل کمیشن میں دھاندلی ثابت ہوگئی تو قومی اسمبلی تحلیل کر دی جائیگی جوڈیشل کمیشن کا تقرر چیف جسٹس کریں سربراہ کمیشن چیف جسٹس خود ہوں تو بھی خوشی ہوگی نگران حکومت کا قیام آئینی طریقہ کار کے مطابق ہوگا بحران حل کے معاہدے پر مسلم لیگ ن اور تحریک انصاف دستخط کریں گے اعلان پارلیمنٹ میں کیا جائیگا ۔
جمعہ کو میڈیا کو جاری کیے گئے حکومت کے تحریری جواب میں کہاگیاہے کہ انتخابات میں دھاندلی کی تحقیقات کیلئے کمیشن بنانے اور متعلقہ اداروں پر مشتمل کمیٹی کامطالبہ تسلیم کرتے ہیں جوڈیشل کمیشن کا تقرر چیف جسٹس کریں اوراگر سربراہ کمیشن چیف جسٹس خود ہوں تو بھی خوشی ہوگی۔(جاری ہے)
جواب میں کہا گیا کہ کمیشن دھاندلی ثابت کردے تو قومی اسمبلی تحلیل ہوگی۔
حکومتی جواب میں کہا گیا کہ کمیشن کو سپریم کونسل کی ضرورت نہیں ، کمیشن کوضابطہ دیوانی اور فوجداری اختیارات ہوں گے۔ جوڈیشل کمیشن تیس دن میں کام مکمل کرے اوراس کی رپورٹ عام ہونی چاہئے۔ نگران حکومت کا قیام آئینی طریقہ کار کے مطابق ہوگا۔نگران حکومت کے قیام میں مشاورت کا حق پی ٹی آئی کو تبھی ہوگا جب وہ اسمبلی سے مستعفی نہیں ہوگی الیکشن کمیشن ممبران کی تبدیلی رائج آئینی طریقے سے ہی ممکن ہے۔ طریقے میں تبدیلی کیلئے انتخابی اصلاحات کمیٹی میں تعاون کرنا ہوگا، بحران حل کے معاہدے پر مسلم لیگ ن اور تحریک انصاف دستخط کریں گے تاہم اس کا اعلان پارلیمنٹ میں کیا جائے گا۔ حکومتی جواب میں دھاندلی سے متعلق تحریک انصاف کے الزامات کو مسترد کیا گیا ہے اور کہا گیا ہے کہ آج اور انیس سو ستتر کے حالات مختلف ہیں۔ ان الیکشن کو تمام جماعتوں نے تسلیم کیا ہے اور سب نے حلف اٹھایا ہے۔مسودے میں کہا گیا کہ یہ پی ٹی آئی کی جانب سے پیش کردہ تحریری مطالبات کا شق وار جواب ہے۔ ادھر جمعے کی شام سیاسی جماعتوں کے جرگے سے ملاقات کے بعد پاکستان تحریکِ انصاف کے سینئر رہنما شاہ محمود قریشی نے کہا ہے کہ انھیں حکومت کا جواب مل گیا ہے جس کا جواب تحریری شکل میں ہی دیا جائیگا۔صحافیوں سے گفتگو کرتے ہوئے کہا کہ انھوں نے زبانی وعدوں کا حشر دیکھ لیا ہے۔ اب سب کچھ تحریری شکل میں ہو گا۔انھوں نے کہا کہ چین کے صدر کو پاکستان کا دورہ ملتوی نہیں کرنا چاہیے اور ہم انھیں یقین دلاتے ہیں کہ پاکستان چین کی دوستی میں رکاوٹ نہیں بنیں گے۔اس موقع پر جرگے کے رکن اور پیپلز پارٹی کے رہنما رحمان ملک نے میڈیا سے بات کرتے ہوئے کہا ہے کہ چین کے صدر کا دورہ ملتوی ہوا تو یہ افسوسناک بات ہوگی اور اس کے ذمہ دار حکومت، تحریکِ انصاف اور عوامی تحریک ہیں۔رحمان ملک نے کہا کہ سیاسی جماعتیں چاہتی ہیں کہ اسلام آباد کو جلد از جلد خالی ہونا چاہیے۔ سراج الحق کا کہنا ہے کہ اسلام آباد کا موسم ٹھنڈا مگر جذبات بہت گرم ہیں اور اگر کوئی ایک فریق انا کے خول سے باہر آگیا تو معاملات حل ہوجائیں گے.مزید اہم خبریں
-
ترقی پذیر ممالک میں توانائی کی منتقلی کو تیز کرنے کے لئے فنانسنگ اور سرمایہ کاری کو متحرک کرنے کے لئے بین الاقوامی تعاون کو بڑھایا جانا چاہئے، پاکستانی سفیر برائے متحدہ عرب امارات
-
وزیر خارجہ محمد اسحاق ڈار کو جمہوریہ چیک کے وزیر خارجہ کا ٹیلی فون، باہمی دلچسپی کے علاقائی اور عالمی امور پر روابط اور بات چیت کو بڑھانے پر اتفاق
-
موسم گرما کی مناسبت سے اسکولوں کے نئے اوقات کار کا اعلان
-
نوازشریف، آصف زرداری اورعمران خان اگرمل بیٹھیں تو مسائل حل ہوسکتے ہیں
-
خلیجی ممالک میں ریکارڈ توڑ بارشوں کا باعث بننے والے سسٹم نے بلوچستان پہنچ کر تباہی مچا دی
-
شاہد خاقان عباسی اچھے آدمی ہیں،انہیں پارٹی میں بیٹھ کر اپنی بات کرنی چاہیئے
-
وفاقی وزیر نجکاری سے ترک سفیر کی ملاقات، ملکی وعالمی صورتحال پر تبادلہ خیال
-
وزیرخزانہ کی مشرق وسطی و شمالی افریقہ کے وزراء و گورنرز کی ایم ڈی آئی ایم ایف سے ملاقات میں شرکت
-
صدر مملکت سے ترک سفیر کی ملاقات، دو طرفہ تعاون مزید بڑھانے پر زور
-
موسمیاتی خطرات سے نمٹنے کے لئے زیادہ فعال اور ذمہ دارانہ عالمگیر مالیاتی تحفظ کا نظام ضروری ہے، وزیرخزانہ محمداورنگزیب
-
وزیرخارجہ محمد اسحاق ڈار سے پاکستان میں چین کے سفیر کی ملاقات
-
ترقی پذیر ممالک میں توانائی کی منتقلی کو تیز کرنے کے لئے فنانسنگ اور سرمایہ کاری کو متحرک کرنے کے لئے بین الاقوامی تعاون کو بڑھایا جانا چاہئے، فیصل نیازترمذی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.