زرغون گیس فیلڈ سے 63 کلومیٹر لمبی گیس پائپ لائن بچھا لی گئی ، کوئٹہ کے صارفین کیلئے آئندہ پندرہ سال کے کافی ہوگی، منیجنگ ڈائریکٹرماڑی پٹرولیم گیس کمپنی لمیٹڈ

کوئٹہ (اُردو پوائنٹ تازہ ترین اخبار۔26 اگست 2014ء) ماڑی پٹرولیم گیس کمپنی لمیٹڈ کے منیجنگ ڈائریکٹر لیفٹیننٹ جنرل (ر) ندیم احمد نے کہا ہے کہ زرغون گیس فیلڈ سے کوئٹہ سے سوئی سدرن گیس کمپنی لمیٹڈ 63 کلومیٹر لمبی گیس پائپ لائن بچھائی گئی ہے جو کوئٹہ کے صارفین کیلئے آئندہ پندرہ سال کے کافی ہوگی ان خیالات کا اظہار انہوں نے زرغون گیس فیلڈ کے افتتاح کے موقع پر خطاب کے دوران کیا اس موقع پر ماڑی پٹرولیم کمپنی کے سینئر عہدیداران زرغون گیس فیلڈ میں کام کرنے والے اسٹاف کے علاوہ علاقے کے معتبرین اور قبائلی عمائدین بھی موجود تھے اس موقع پر خطاب کرتے ہوئے لیفٹیننٹ جنرل (ر) ندیم احمد نے کہا کہ ہم وفاقی و صوبائی حکومت سوئی سدرن گیس کمپنی فرنٹیئر اور علاقے کے معتبرین کے شکرگزار ہیں جن کی شب و روز محنت اور کاوشوں سے آج بھی کوئٹہ کو زرغون فیلڈ سے گیس کی فراہمی یقینی بنانے کے قابل ہوئے ہیں ان سب نے اپنا موثر اور عملی کردار ادا کرتے ہوئے ہمارے ساتھ ہرممکن تعاون کیا انہوں نے کہاکہ زرغون گیس فیلڈ سے کوئٹہ تک سوئی سدرن گیس کمپنی لمیٹڈ کی 63 کلومیٹر لمبی گیس پائپ لائن بچھائی گئی ہے جس سے یومیہ 20 ایم ایم ایس سی ایف ضروریات کو پورا کیا جاسکے گا اور یہ گیس آئندہ 15 سال کیلئے کوئٹہ کے عوام کیلئے کافی ہوگی انہوں نے کہا کہ ماڑی پٹرولیم کمپنی علاقے میں عوام کی فلاح و بہبود کیلئے 43 ملین روپے خرچ کر چکی ہے جبکہ 47 ملین روپے کمپنی کی جانب سے جاری منصوبوں پر خرچ کیلئے مختص کئے گئے ہیں جس سے بلاشبہ علاقے کی عوام کی طرز زندگی میں نمایاں تبدیلی آئے گی انہوں نے کہا کہ ہمارے یہ امر باعث مسرت ہے کہ ماڑی پٹرولیم پاکستان بھر میں عوام کی فلاح و بہبود کیلئے کام کرنے والی 478 کمپنیوں میں سے پہلے نمبر پر ہے ۔