قوم کو مبارکباد پیش کرتا ہوں کہ ان کے مقدربدلنے کا وقت قریب آگیا ہے، طاہرالقادری
جمعہ 15 اگست 2014 17:55
جہلم(اُردو پوائنٹ تازہ ترین اخبار۔ 15اگست 2014ء) پاکستان عوامی تحریک کے سربراہ ڈاکٹر طاہرالقادری کا کہنا ہے کہ انقلاب مارچ عوام کا ٹھاٹھے مارتا سمندر بن چکا ہے اور اس میں شامل عوام اپنی قوت سے حکمرانوں کو گھٹنے ٹیکنے پر مجبور کردیں گے۔ انقلاب مارچ کے جہلم پہنچنے پر پریس کانفرنس کرتے ہوئے ڈاکٹر طاہرالقادری نے کہا کہ وفاق اور پنجاب حکومت کے حکم پر ماڈل ٹاؤن کا اذیت ناک محاصرہ کیا گیا تھا جس کے باعث کارکنان وہاں قید تھے اور اس ریاستی ظلم و جبر کے اذیت ناک رویے کے باعث کارکنان نے انتہائی پریشانی،بھوک پیاس اور بنیادی ضرورتوں سے محروم رہ کر دن گزارے۔
انہوں نے کہا کہ عوامی تحریک کا انقلاب مارچ جس عظیم الشان سے نکلا ہے اس کی ملکی تاریخ میں مثال نہیں ملتی اور اب یہ مارچ نہ صرف عوامی تحریک کا ہے بلکہ یہ پاکستان کے کروڑوں عوام کا ٹھاٹھے مارتا سمندر بن چکا ہے۔(جاری ہے)
ڈاکٹرطاہرالقادری نے کہا کہ انقلاب مارچ اپنی پوری قوت کے ساتھ پرامن طریقے سے رواں دواں ہے اور جو ریاستی عناصر اس تحریک پر تشدد اور دہشت گردی کا الزام لگا کر اس کی پر امن تاریخ کو مسخ کرنا چاہتے تھے وہ شرمسار ہوگئے ہیں کیونکہ ہم نے ثابت کردیا ہے کہ اس تحریک سے بڑھ کر پاکستان میں کوئی پر امن مظاہرہ نہیں ہوسکتا۔
ان کا کہنا تھا کہ کارکنان نے 10 دن قیدو بند کی صعوبتیں کاٹیں لیکن اس کے باوجود وہ پر امن رہے اور مارچ کے دوران تشدد کا معمولی واقعہ بھی رونما نہیں ہوا جس کے بعد یہ بات ثابت ہوگئی ہے کہ اتنے پر امن مظاہرے کی مثال پاکستان کی تاریخ میں نہیں ملتی۔عوامی تحریک کے سربراہ کا کہنا تھا کہ انقلاب مارچ مخصوص جماعت یا کارکنوں کے لئے نہیں بلکہ ان ترسے ہوئے کروڑوں عوام کے لیے ہے جو عدل وانصاف،روٹی،کپڑا اور مکان سمیت بنیادی ضرورتیں سے بھی محروم رہے۔
انہوں نے کہا کہ وہ قوم کو مبارکباد پیش کرتے ہیں ان کے مقدربدلنے کا وقت قریب آگیا ہے،اب ظلم کی تاریک رات ختم ہونے میں چند دن رہ گئے ہیں، عوام اپنی امن کی قوت کے ساتھ حکمرانوں کو گھٹنے ٹیکنے پر مجبور کردیں گے۔طاہرالقادری کا کہنا تھا کہ تحریک پاکستان کی کا خواب اب شرمندہ تعبیر ہونے والا ہے اور وہ وقت قریب ہے کہ جن لوگوں کی امیدوں کے چراغ بجھ گئے تھے وہ پھر سے جل جائیں گے، انقلاب کے ذریعے ملک میں وہ حقیقی، عوامی جمہوریت آئے گی جس کا وعدہ قائد اعظم نے کیا تھا۔
انہوں نے کہا کہ ملک میں کرپشن کا خاتمہ کیا جائے گا اور سرکاری ادارے شفاف وغیر سیاسی ہوں گے۔ ثالثی سے متعلق سوال پر طاہرالقاری کا کہنا تھا کہ الطاف حسین سمیت کسی کا ثالثی میں کوئی کردار نہیں اورنہ ہی حکومت سے ایسا کوئی خفیہ معاہدے طے پایا ہے جسے منظر عام پر نہ لایا جاسکے۔مزید اہم خبریں
-
ہیلری کلنٹن کیساتھ کام کرنے پر ملالہ یوسف زئی کو تنقید کا سامنا
-
190 ملین پاؤنڈز کیس: عمران خان کی درخواست ضمانت پر سماعت 29 اپریل تک ملتوی
-
پاکستان الیکٹرک گاڑیوں ں تیاری میں اپنی صلاحیتوں کو بڑھانے کے لیے بین الاقوامی کمپنیوں کے ساتھ تعاون کوفروغ دے رہا ہے، رپورٹ
-
پاکستان اور ایران کا آزاد تجارتی معاہدے کو جلد حتمی شکل دینے، دوطرفہ تجارت پانچ سال میں 10 ارب ڈالر تک بڑھانے پر اتفاق ، ایران کے صدر ڈاکٹر سیّد ابراہیم رئیسی کے دورے کے اختتام پر مشترکہ بیان جاری
-
تاجروں کا معاشی استحکام کیلئے وزیراعظم کو عمران خان سے بات چیت کا مشورہ
-
غزہ کے لیے امداد، عارضی امریکی بندرگاہ کی تعمیر کا آغاز بہت جلد
-
عمران خان نے سنی اتحاد کونسل کے سربراہ حامد رضا کو پبلک اکاﺅنٹس کمیٹی کے چیئرمین کے عہدے کے لیے نامزد کردیا
-
پاکستان کی چینی کاروباری اداروں کو پاکستان میں سرمایہ کاری کی دعوت
-
وزیرقانون کی بین الاقوامی پارلیمنٹرین کانگریس کے وفد سے ملاقات،وزیر قانون کو تنظیم کے کام اور مشن بارے آگاہ کیا
-
وزیراعظم نے مختلف شعبوں میں نمایاں کارکردگی دکھانے والے نوجوانوں سے مزار قائد پر پاکستان کی خدمت کرنے کا حلف لیا
-
تجارت سے متعلق ڈیٹا کی نگرانی اور تجزیہ کی درستگی کو بڑھانے کیلئے ڈیجیٹل ٹولز کا استعمال ضروری ہے، جام کمال خان
-
چیئرمین سینیٹ سے امریکی سفیر کی ملاقات، دوطرفہ تعلقات پر گفتگو
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.