نواز شریف ملک میں ترقی و خوشحالی اور عمران خان ترقی کا عمل روکنا چاہتے ہیں ‘ وزیر اطلاعات پرویز رشید
پیر 11 اگست 2014 13:43
اسلام آباد (اُردو پوائنٹ اخبار تازہ ترین۔11اگست۔2014ء) وفاقی وزیر اطلاعات و نشریات سینیٹر پرویزرشید نے کہا ہے کہ نواز شریف ملک میں ترقی و خوشحالی اور عمران خان ترقی کا عمل روکنا چاہتے ہیں ‘ نوجوانوں کو عمران خان اور طاہر القادری کے پروپیگنڈے سے ورغلایانہیں جاسکے گا ‘معیشت کے تمام اشاریئے مثبت ہیں ‘ رکاوٹیں پیدا کی گئیں تو ملک کی ترقی کا عمل رْک جائیگا ‘ عمران خان کو انتخابی عمل کے ذریعے اقتدار میں آنے کیلئے دوہزار اٹھارہ تک انتظار کرنا چاہیے۔
ایک انٹرویووزیر اطلاعات نے کہاکہ یہ فیصلہ لوگوں کو کرنا ہے کہ وہ عمران خان کی راہ اختیار کرکے ترقی کا عمل روکنا چاہتے ہیں یا ملکی ترقی اور خوشحالی کیلئے وزیراعظم نواز شریف کا راستہ اختیار کرتے ہیں ۔(جاری ہے)
ایک سوال کے جواب میں پرویز رشید نے امید ظاہر کی کہ نوجوانوں کو عمران خان اور طاہر القادری کے پروپیگنڈے سے ورغلایانہیں جاسکے گا۔ اْنہوں نے کہا کہ لوگوں نے ان کا بائیکاٹ کردیااور اب وہ دونوں تنہا کھڑے ہیں ۔
وزیراطلاعات نے کہا کہ جب حکومت نے اقتدار سنبھالا تو اس کو دو بڑے مسائل درپیش تھے ۔ دہشتگردی اور توانائی کی قلت ۔ تاہم حکومت نے ان مسائل سے نمٹنے کیلئے فوری اقدامات کئے ۔پرویز رشید نے کہا کہ شمالی وزیرستان سے دہشتگردوں کا صفایا کرنے کیلئے فوجی آپریشن شروع کیاگیاہے ۔اْنہوں نے کہا کہ آپریشن ضرب عضب کے مثبت نتائج حاصل ہوئے ہیں اور لوگوں نے پرامن ماحول میں عیدالفطر منائی ۔توانائی کی کمی پر قابو پانے کے بارے میں وزیراطلاعات نے کہا کہ بجلی پید اکرنے کیلئے کئی بڑے منصوبے شروع کئے گئے ہیں ۔ اْنہوں نے کہا کہ چین کے ساتھ دس ہزار چار سو میگاواٹ کے کئی اور منصوبوں پر حال ہی میں دستخط ہوئے ہیں ۔ اْنہوں نے کہا کہ یہ منصوبے چین کے سرمائے سے شروع کئے جائیں گے ۔اْنہوں نے کہا کہ حکومت نے اقتصادی شعبے میں کامیابیاں حاصل کی ہیں جنہیں عالمی سطح پر تسلیم کیاگیاہے اور دنیا میں پاکستان کی ساکھ بہتر ہوئی ہے بیرون ملک سے بھجوائی جانے والی رقوم میں اضافہ ہوا ہے اور غیر ملکی زرمبادلہ کے ذخائر پندرہ ارب ڈالر کے قریب پہنچ گئے ہیں ۔ اْنہوں نے کہا کہ معیشت کے تمام اشاریئے مثبت ہیں اور اگر رکاوٹیں پیدا کی گئیں تو ملک کی ترقی کا عمل رْک جائے گا۔وزیراطلاعات نے ایک بیان میں کہاکہ عمران خان کو انتخابی عمل کے ذریعے اقتدار میں آنے کیلئے دوہزار اٹھارہ تک انتظار کرنا چاہیے ۔متعلقہ عنوان :
مزید اہم خبریں
-
پابند سلاسل خواتین کیلئے ریلی نکالنا چاہتے ہیں، یہ قیدی وین کے دروازے کھولے کھڑے ہیں، عمرایوب
-
پڑوسیوں میں مخاصمانہ رویہ رکھنے والے ممالک کی وجہ پاکستان کو مضبوط دفاعی صلاحیتوں کی ضرورت ہے ،سردار مسعود خان
-
مذہبی سیاحت کو فروغ دے کر سکھوں سمیت مذہبی مقامات پر غیر ملکیوں کو راغب کیا جاسکتا ہے ، وفاقی وزیر داخلہ محسن نقوی
-
سینٹ ، صدر کے مشترکہ اجلاس سے خطاب پر شکریہ ادا کرنے کی تحریک منظور
-
منفی پروپیگنڈا، ترقی و خوشحالی کیلئے کام کرنے سے نہیں روک سکتا، آرمی چیف
-
وزیر صحت خواجہ سلمان رفیق سے کنگ ایڈورڈ میڈیکل یونیورسٹی میں برطانیہ کی معروف جامعات کے وفد کی ملاقات
-
بینک دولتِ پاکستان کی زری پالیسی کمیٹی کا اجلاس 29 اپریل کو ہوگا
-
کل ہمارے یوم تاسیس پر پولیس کیک بھی اٹھا کر لے گئی تھی،بیر سٹر گوہر
-
پاکستانی کمپنی کو یو اے ای کی کمپنی سے بڑا آرڈر مل گیا
-
جوڈیشل عدالت نے محمود خان اچکزئی کے ناقابل ضمانت وارنٹ گرفتاری جاری کر دئیے
-
غزہ پالیسی: امریکی محکمہ خارجہ کی ایک ترجمان مستعفٰی
-
نادرا کی جانب سے 3 کروڑ اسمارٹ کارڈز کی خریداری میں بے ضابطگیوں کا انکشاف
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.