وزیراعظم نوازشریف کی زیرصدارت مسلم لیگ ( ن) کا مشاورتی اجلاس جاری

پیر 4 اگست 2014 16:56

اسلام آباد(اُردو پوائنٹ تازہ ترین اخبار۔4اگست 2014ء) وزیراعظم نواز شریف کی زیر صدارت مسلم لیگ (ن) کا مشاورتی اجلاس جاری ہے جس میں ملکی سیاسی صورتحال سمیت عمران خان کے آزادی مارچ اور ڈاکٹر طاہرالقادری کے انقلاب مارچ پر تبادلہ خیال کیا جارہا ہے۔

(جاری ہے)

ملکی تیزی سے بدلتی موجودہ سیاسی صورتحال کے پیش نظر وزیراعظم نواز شریف کی جانب سے طلب کردہ پارٹی کے ہنگامی اجلاس میں وفاقی وزیرداخلہ چوہدری نثار، وزیر اطلاعات پرویز رشید، وزیر دفاع خواجہ آصف، وزیر منصوبہ بندی احسن اقبال، وزیر ریلوے خواجہ سعد رفیق، وزیراعلی پنجاب شہبازشریف،عرفان صدیقی،راجاظفرالحق اور حمزہ شہباز سمیت دیگر رہنما شریک ہیں۔

اجلاس کے دوران 14 اگست کو ہونے والے تحریک انصاف کے آزادی مارچ اور عوامی تحریک کے انقلاب مارچ سے متعلق حکومتی حکمت عملی بھی طے کی جائے گی۔

واضح رہے کہ پاکستان تحریک انصاف اور عوامی تحریک کی جانب سے 14 اگست کو اسلام میں لانگ مارچ اور آزادی مارچ کے اجتماعات سے قبل حکمران جماعت حکمت عملی طے کرنے میں مصروف ہے۔