نجم سیٹھی نے بطور چیئرمین پاکستان کرکٹ بورڈ کو الوداع کہہ دیا

ہفتہ 26 جولائی 2014 12:35

لاہور(اُردو پوائنٹ تازہ ترین اخبار۔26جولائی 2014ء) نجم سیٹھی نے بطور چیئرمین پاکستان کرکٹ بورڈ کو الوداع کہہ دیا، جمعہ قذافی اسٹیڈیم میں بطورسربراہ ان کا آخری روز تھا،اب وہ بطورگورننگ بورڈ اہم رکن سرگرم ہونگے۔

(جاری ہے)

گذشتہ روز انھوں نے تمام اسٹاف سے ملاقاتیں کیں، اس موقع پر نجم سیٹھی کا کہنا تھا کہ بورڈ میں چیئرمین کی حیثیت سے ان کا دور ختم ہو گیا تاہم اب وہ گورننگ بورڈ میں رہ کر نئے عہدیداروں کو مفید مشورے دیں گے۔

واضح رہے کہ نجم سیٹھی نے اپنے ایک سالہ دور میں کئی نشیب وفراز دیکھے، انھوں نے چند روز قبل سپریم کورٹ میں پی سی بی چیئرمین کے لئے الیکشن نہ لڑنے کا اعلان کرکے سب کو حیران کردیا تھا۔