اوگراکی منظوری کے بغیر مارکیٹنگ کمپنیوں نے ایل پی جی کی قیمت 20 روپے فی کلو تک بڑھا دی

ہفتہ 12 جولائی 2014 21:28

لاہور(اُردو پوائنٹ اخبار تازہ ترین۔12جولائی۔2014ء) آئل اینڈ گیس ریگولیٹری اتھارٹی (اوگرا)کی منظوری کے بغیر مارکیٹنگ کمپنیوں نے ایل پی جی کی قیمت 20 روپے فی کلو تک بڑھا دی ہے، ڈیلرز نے اضافے کے خلاف احتجاج کا اعلان کر دیا۔تفصیلات کے مطابق ایل پی جی کو متوسط اور غریب طبقہ متبادل فیول کے طور استعمال کرتا ہے۔ خاص طور پر رکشا اور چھوٹی کمرشل سواری کے لیے تو ایل پی جی لازم ہو کر رہ گیا تھا۔

(جاری ہے)

مگراسے بھی مہنگا کر کے ان سے دور کیا جارہا ہے۔ رکشا والوں کا کہنا ہے کہ وہ 70 روپے کلو والی گیس 120 روپے میں خریدنے پر مجبور ہیں۔ایل پی جی ڈیلرز ایسوسی ایشن کا کہنا ہے کہ اوگرا کی منظوری کے بغیر ایل پی جی کی قیمت بڑھانا غیر قانونی ہے مارکیٹنگ کمپنیاں کروڑوں روپے کمانے پر تلی ہوئی ہیں۔ماہرین کا کہنا ہے کہ اوگرا کی چشم پوشی کے باعث سستی ایل پی جی مہنگی بیچی جارہی ہے۔حکومت مصنوعی مہنگائی کے ذمہ داروں کے خلاف کارروائی کر کے قیمتوں کو واپس لائے۔

Facebook Twitter Google + Share on Whatsapp

اوگراکی منظوری کے بغیر مارکیٹنگ کمپنیوں نے ایل پی جی کی قیمت 20 روپے فی کلو تک بڑھا دی

متعلقہ عنوان :

مزید تجارتی خبریں