نجم سیٹھی ایک مرتبہ پھرچیئرمین پی سی بی کے عہدے پر بحال
جمعہ 11 جولائی 2014 12:27
اسلام آباد(اُردو پوائنٹ تازہ ترین اخبار۔11جولائی 2014ء) سپریم کورٹ نے پی سی بی گورننگ بورڈ کا نوٹی فکیشن معطل کردیا جس کے بعد ایک مرتبہ پھر نجم سیٹھی چیئرمین پی سی بی کے عہدے پر بحال ہوگئے۔ جسٹس انور ظہیر جمالی اور جسٹس ثاقب نثار پر مشتمل 2 رکنی بنچ نے چیئرمین پی سی بی تقرر کیس کی سماعت کی۔ دوران سماعت اٹارنی جنرل سلمان اسلم بٹ نے عدالت کو بتایا کہ ہم نے پی سی بی کا نیا آئین موزوں طریقے سے بنایا ہے جبکہ وزیراعظم نے کہا ہے کہ گورننگ باڈی کو چلنے دیا جائے اور جو عبوری سیٹ اپ بنا ہے اسے جوں کا توں رکھا جائے جس پر جسٹس ثاقب نثار نے ریمارکس دیتے ہوئے کہا کہ کیا وزیراعظم کو من مانی کرنے کا اختیار حاصل ہے، آپ عدالت کو نیچا دکھانا چاہتے ہیں، عدالت میں کیس چل رہا ہے اور آپ نے پی سی بی کا آئین جاری کردیا اور کس قانون کے تحت نیا آئین بنایا گیا۔
(جاری ہے)
اس موقع پر اٹارنی جنرل اور ججز کے درمیان جملوں کا تبادلہ جاری رہا، جسٹس ثاقب نے تجویز دی کہ نجم سیٹھی اور ذکااشرف دونوں کو ہی گورننگ باڈی میں شامل کرلیا جائے تو کیا خیال ہے جس پر اٹارنی جنرل کا کہنا تھا کہ پی سی بی کے آئین میں اس چیز کی گنجائش نہیں تاہم اس موقع پر موجود ذکا اشرف کے وکیل امتیاز صدیقی نے کہا کہ ایسے سیٹ اپ پر ہم راضی ہیں۔
سماعت کے دوران سابق نجم سیٹھی بھی عدالت میں موجود تھے، جسٹس انور ظہیر جمالی نے کہا کہ ذکا اشرف اور نجم سیٹھی دونوں کو گورننگ باڈی میں شامل کرلیں اور جو اکثریت حاصل کرلے وہ چیئرمین پی سی بی بن جائے جس پر نجم سیٹھی کا کہنا تھا کہ یہ میرا یا ذکا اشرف کا معاملہ نہیں، مجھے یہ عہدہ لینے میں کوئی دلچسپی نہیں بلکہ وزیراعظم کے کہنے پر تذبذب کے ساتھ یہ عہدہ قبول کیا، اگر میری وجہ سے معاملہ حل ہوتا ہے تو مجھے عہدہ چھوڑنے پر کوئی اعتراض نہیں۔
اس موقع پر جسٹس جمالی نے کہا کہ نجم سیٹھی سے پوچھ لیتے ہیں کیا وہ رضاکارانہ طور پر عہدہ چھوڑنے کے لئے راضی ہیں جس پر نجم سیٹھی نے فوراً عذر پیش کرتے ہوئے کہا کہ وزیراعظم چاہتے ہیں کہ میں پی سی بی میں رہوں،اگر وزیراعظم نے کہا تو میں پی سی بی کے انتخابات بھی لڑوں گا۔طویل سماعت کے بعد عدالت نے پی سی بی گورننگ بورڈ کا نوٹی فکیشن معطل کرتے ہوئے سماعت پیر تک کیلئے ملتوی کردی جبکہ نجم سیٹھی ایک مرتبہ پھر چیئرمین پی سی بی کے عہدے پر بحال ہوگئے۔
مزید اہم خبریں
-
غزہ سیز فائر مذاکرات، مصری وفد اسرائیل میں
-
مہنگائی میں 1 فیصد سے زائد کمی کے باوجود بیشتر اشیاء مہنگی ہو گئیں
-
سینئر صوبائی وزیر مریم اورنگزیب کی ورلڈ فوڈ پروگرام کی کنٹری ڈائریکٹر کوکویوشییامہ سے ملاقات
-
حکومت گندم خریداری سے ہاتھ کھینچ چکی، کسان کو3900 روپے فی من قیمت نہیں مِل رہی
-
سعودی عرب کی پہلی بار ’مس یونیورس‘ مقابلے میں ممکنہ شرکت
-
وزیراعظم شہبازشریف نے ٹیکس چوری روکنے کا ٹریک اینڈ ٹریس سسٹم فراڈ قراردیدیا
-
توانائی پر پاک ایران تعاون موجود ہے، اپنی ضروریات کیلئے امریکا سے بھی رابطے میں ہیں،پاکستان
-
ملٹی سیکٹورل سموگ ایکشن پلان پر آئندہ ہفتے سے عملدرآمد شروع ہوجائے گا
-
وزیراعظم 28 اپریل کو سعودی عرب میں عالمی اقتصادی فورم اور4 مئی کو گیمبیا میں او آئی سی سربراہی اجلاس میں شرکت کریں گے،ترجمان دفتر خارجہ ممتاز زہرہ بلوچ کی ہفتہ وار پریس بریفنگ
-
شہداء کے اہلخانہ میرے دل کے بہت قریب ہیں ، ایک شہید کا داماد ہوں، وزیرداخلہ محسن نقوی
-
قوم کو غلامی کی زنجیروں میں جکڑنے والوں سے کوئی ڈیل نہیں کروں گا
-
ہماری آزادی میں ایک جنگل کا بادشاہ حائل ہے
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.