Live Updates

یومیہ 40 لاکھ خرچ سے متعلق عمران خان کا دعویٰ جھوٹا ہے، وزیراعظم ہاؤس

ہفتہ 28 جون 2014 14:44

یومیہ 40 لاکھ خرچ سے متعلق عمران خان کا دعویٰ جھوٹا ہے، وزیراعظم ہاؤس

اسلام آباد(اُردو پوائنٹ تازہ ترین اخبار۔8 2جون 2014ء) وزیراعظم ہاؤس نے پاکستان تحریک انصاف کے چیرمین عمران خان کی جانب سے یومیہ 40 لاکھ روپے خرچ کی سختی سے تردید کرتے ہوئے اسے جھوٹ پر مبنی بیان قرار دیا ہے۔ وزیراعظم ہاؤس کی جانب سے جاری ایک بیان میں کہا گیا ہے کہ عمران خان کی جانب سے وزیراعظم ہاؤس پر روزانہ 40 لاکھ روپے استعمال کرنے کے الزام میں کوئی صداقت نہیں ہے، وزیراعظم ہاؤس کا روزانہ کا خرچ 10 لاکھ روپے ہے۔

(جاری ہے)

وزیراعظم ہاؤس کے ذرائع کے مطابق سال 13-2012 میں وزیراعظم ہاؤس کے اخراجات 43 کروڑ80 لاکھ تھے، 14-2013 میں یہ اخراجات 38 کروڑ 70 لاکھ جب کہ 15-2014 کے لئے وزیراعظم ہاؤس کے اخراجات 36 کروڑ 70 لاکھ روپے رکھے گئے ہیں۔ موجودہ حکومت نے وزیراعظم ہاؤس کے اخراجات میں 7 کروڑ روپے کی کمی کی ہے۔ ان اخراجات میں وزیراعظم ہاؤس کے سیکیورٹی اسٹاف کی تنخواہوں کے ساتھ ساتھ غیر ملکی شخصیات کی آمد پر آنے والے اخراجات بھی شامل ہیں۔

واضح رہے کہ تحریک انصاف کے سربراہ عمران خان نے الزام عائد کیا تھا کہ وزیراعظم ہاؤس کا روزانہ کا خرچہ 40 لاکھ روپے ہے۔

Live عمران خان سے متعلق تازہ ترین معلومات

متعلقہ عنوان :