طاہرالقادری کے” انقلابی“مطالبات،اسلام آباد ہی جاؤں گا، لاہور میں نہیں اتروں گا،حکومت پر اعتبار نہیں، فوج مذاکرات کرے، اپنی سیکورٹی میں ایئرپورٹ سے لے جائے،فوج کا جواب نہ آیا تو قادری صاحب کا موقف بھی نرم پڑگیا
پیر 23 جون 2014 23:15
لاہور(اُردو پوائنٹ اخبار تازہ ترین۔23جون۔2014ء) مولانا طاہرالقادری کی زخمی کارکنوں کی عیادت کے لیے جناح ہسپتال آمد کے سلسلہ میں لاہور کی انتظامیہ نے ہسپتال اور طاہر القادری کے گھر تک تعینات پولیس کی نفری میں اضافہ کر دیا ہے‘واضح رہے کہ امارات کی پرواز کا رخ اسلام آباد سے لاہور کی جانب موڑ دیا گیا تھا۔ لاہور کے ہوائی اڈے پر اترنے کے بعد طاہرالقادری نے جہاز سے اترنے سے انکار کر دیا تھا۔
لاہور اترنے کے بعد طاہر القادری نے ٹی وی چینلوں کے ساتھ بات کرتے ہوئے کہا تھا کہ وہ جہاز سے اترنے کو تیار ہیں بشرطیکہ ان کی ذاتی گاڑیاں رن وے تک آنے دی جائیں اور ان کے قافلے کے ساتھ میڈیا لائیو کوریج کرے تاکہ وہ محفوظ رہیں۔تاہم بعد میں انھوں نے گورنر پنجاب کی بلٹ پروف گاڑی میں اپنے گھر تک جانے کی ہامی بھر لی۔(جاری ہے)
پنجاب کے وزیر قانون رانا مشہود نے بات کرتے ہوئے کہا کہ حکومت نے دو گھنٹے قبل ہی ڈاکٹر طاہر القادری کے اس مطالبے کو مان لیا تھا کہ ان کی ذاتی گاڑیوں کو رن وے تک لانے دیا جائے تاکہ وہ اپنے گھر جا سکیں۔
لاہور ہوائی اڈے پر جہاز کے اترنے کے بعد پاکستان عوامی تحریک کے کارکنان کی بڑی تعداد ہوائی اڈے پہنچ گئی۔قبل ازیں طاہرالقادری نے کہا تھا کہ وہ لاہور نہیں اتریں گے اور ان کا اصرار تھا کہ ان کو واپس اسلام آباد لے جایا جائے۔یہ ریاستی دہشت گردی کی ایک اور بدترین مثال ہے۔ مسافر اترنا نہیں چاہتے اور میں نہیں اترنا چاہتا۔ جہاز واپس اسلام آباد جائے گا۔ دفاعی ادارے کہاں ہیں اور کیا فوج نہیں دیکھ رہی کہ کیا ہو رہا ہے۔ان کا کہنا تھا کہ جب تک فوجی افسر نہیں آتے وہ جہاز سے نہیں اتریں گے۔ ان کا کہنا تھا کہ وہ فوج کو ماشل لا کے لیے نہیں سکیورٹی کے لیے بلا رہے ہیں۔ امارات ائیرلائنز کی پرواز EK612کوڈاکٹر طاہرالقادری نے مسافر طیارے کو احتجاجی کنٹینر بنادیا اوردھرنا 6 گھنٹے سے زائد تک جاری رہا۔ڈاکٹر طاہرالقادری نے کئی مطالبات کئے۔اسلام آباد ہی جاؤں گا، لاہور میں نہیں اتروں گا،حکومت پر اعتبار نہیں، فوج مذاکرات کرے، اپنی سیکورٹی میں ایئرپورٹ سے لے جائے،فوج کا جواب نہ آیا تو قادری صاحب کا موقف بھی نرم پڑگیا ، سیاسی رہنما ثالثی کیلئے سرگرم ہوگئے ، سیاست کے سب سے بڑے سفارتکار چوہدری شجاعت حسین حرکت میں آئے ، گورنر سندھ ڈاکٹر عشرت العباد اور الطاف حسین کا کردار بھی اہم رہا، بات بیچ کا راستہ نکالنے کی ہو رہی تھی ، آخرکار گورنر پنجاب چوہدری غلام سرور کی دوستی کام آگئی، طاہرالقادری نے گورنر کی گاڑی میں ایئرپورٹ سے گھر جانے پرآمادگی ظاہر کی لیکن شرط رکھی بلٹ پروف، ذاتی سیکیورٹی اور میڈیا کی براہ راست کوریج دی جائے۔متعلقہ عنوان :
مزید اہم خبریں
-
بجلی چوری ، ایف آئی اے فیصل آباد زون کی بڑی کاروائیاں وفاقی وزیرداخلہ محسن رضا نقوی کی ہدایات پر بجلی چوری میں ملوث عناصر کیخلاف کریک ڈائون جاری
-
سپریم کورٹ کا کراچی میں رینجرز ہیڈ کوارٹرزسمیت تمام عمارتوں کے باہر سے رکاوٹیں ہٹانے کا حکم
-
"رینٹ اے پرائم منسٹر"
-
پی ٹی آئی کی تحریکوںملکی معیشت کو ناقابل تلافی نقصان پہنچا،شیری رحمان
-
سپریم کورٹ کا نسلہ ٹاور کی زمین بیچ کر الاٹیز کو معاوضہ ادا کرنے کا حکم
-
اگلے 5 دنوں میں طوفانی بارشوں کے باعث کسانوں کا بے تحاشہ نقصان ہونے کا خدشہ
-
ہم سب کو کسی سے سیاسی انتقام نہ لینے کا عزم کرنا چاہیے، متحد ہوکرملک کو درپیش بھنور سے نکالا جا سکتا ہے، سینیٹراسحٰق ڈار
-
سپیکر قومی اسمبلی سردارایازصادق کی زیر صدارت قومی اسمبلی کی قائمہ کمیٹیوں کی تشکیل کے حوالے سے اجلاس
-
بانی پی ٹی آئی ، پرویزالٰہی ، علی نوازاعوان و دیگرکے خلاف جوڈیشل کمپلیکس توڑپھوڑ کیس کی سماعت
-
مہنگائی کے بوجھ تلے دب جانے والی عوام پر گرمیوں کے آغاز میں ایک اور بجلی بم گرانے کی تیاریاں
-
صدرمملکت سے پاکستان میں آسٹریلیا کے ہائی کمشنرنیل ہاکنز کی ملاقات
-
حکومت کسانوں سے کتنی گندم خریدے گی ابھی اعدادوشمار نہیں بتا سکتا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.