فرنٹیر کور بلوچستان کا آپریشن، 10 شر پسند ہلاک

اتوار 8 جون 2014 15:52

کوئٹہ(اُردو پوائنٹ اخبار تازہ ترین۔8جون۔2014ء) فرنٹیر کور بلوچستان کا سندھ، پنجاب اور بلوچستان کے مشترکہ سرحدی علاقے گندیاری میں شر پسندوں کے خلاف سرچ آپریشن، 10 شر پسند ہلاک، 3 ٹھکانے تباہ، بھاری مقدار میں اسلحہ و گولہ بارود برآمد کر لیا گیا۔فرنٹیر کور بلوچستان کے ترجمان کے مطابق خفیہ اطلاع پر ایف سی بمبور رائفل کے جوانوں نے سرچ آپریشن میں حصہ لیا۔

(جاری ہے)

آپریشن کے دوران شدید فائرنگ کے تبادلے میں 10 شر پسند ہلاک ہوئے ہیں۔ ایف سی جوانوں نے شر پسندوں کے 3 ٹھکانوں سے بھاری مقدار میں گولہ بارود، اسلحہ، بارودی سرنگیں اور دیسی ساختہ بم برآمد کر کے انہیں تباہ کر دیا ہے۔ آپریشن کے دوران مارے جانیوالے افراد کا تعلق کالعدم تنظیموں سے ہے۔ آئی جی ایف سی میجر جنرل اعجاز شاہد کا کہنا ہے کہ دہشت گردوں اور جرائم پیشہ افراد کی بیخ کنی تک صوبائی حکومت کے احکامات کے مطابق ٹارگٹڈ آپریشن کیا جا رہا ہے تا کہ صوبے میں امن و امان کا قیام ہر صورت بر قرار رکھا جا سکے۔

Facebook Twitter Google + Share on Whatsapp

فرنٹیر کور بلوچستان کا آپریشن، 10 شر پسند ہلاک

متعلقہ عنوان :

مزید اہم خبریں