کراچی میں مختلف پرتشدد واقعات کے دوران پولیس اہلکار سمیت 6 افراد جاں بحق

ہفتہ 7 جون 2014 16:03

کراچی(اُردو پوائنٹ تازہ ترین اخبار۔ 7جون 2014ء) شہر قائد میں حکومتی دعوؤں اور پولیس و رینجرز کی جانب سے دکھائی جانے والی کارکردگیوں کے باوجود ٹارگٹ کلنگ تھمنے کا نام ہی نہیں لے رہی یہی وجہ ہے کہ آج بھی شہر کے مختلف علاقوں میں پولیس اہلکار سمیت5 افراد کو موت کی نیند سلادیا گیا۔ مطابق لیاقت آباد میں فاتارگٹ کلرز کی فائرنگ سے ایک شخص زخمی ہوگیا تاہم وہ طبی امداد کی فراہمی سے پہلے ہی دفم توڑ گیا۔

کورنگی میں فائرنگ سے ایک شخص ہلاک جبکہ ایک زخمی ہوگیا۔ لیاری ایکسپریس وے پر ایک ایمبولنس پر فائرنگ سے ڈرائیور کی زندگی کا خاتمہ کردیا گیا جس کی شناخت راحیل کے نام سے ہوئی ہے۔ نامعلوم موٹر سائیکل سواروں نے ایم اے جناح روڈ کے قریب گارڈن ہیڈکوارٹر پولیس لائن سے ڈیوٹی ختم کرکے گھر جانے والے پولیس اہلکار یوسف شمیم کی جان لےلی۔

(جاری ہے)

اسٹیل ٹاون موڑ پر نامعلوم افراد نے ایک ٹرک پرفائرنگ کردی جس سےڈرائیور بشیر ہلاک اورکلینر عبیداللہ زخمی ہوگیا،اس کے علاقہ ملیر میں جناح اسکوائر کے قریب بھی نامعلوم شخص کو موت کے گھاٹ اتار دیا گیا۔

دوسری جانب پولیس اور رینجرز نے مختلف علاقوں سےلیاری گینگ وار کے 4 ملزمان سمیت 90 مشتبہ افراد کو حراست میں لے کر ان کے قبضے سے اسلحہ برآمد کرنے کا دعویٰ کیا ہے۔