الطاف حسین سے اظہار یکجہتی کیلئے ایم کیو ایم کے کراچی سمیت سندھ بھر میں دھرنے
بدھ 4 جون 2014 11:42
کراچی(اُردو پوائنٹ تازہ ترین اخبار۔ 4جون 2014ء) ایم کیو ایم کے قائد الطاف حسین کی گرفتاری کے خلاف کارکنوں اور ہمدردوں کی جانب سے کراچی سمیت سندھ بھر میں مظاہروں اور دھرنوں کا سلسلہ دوسرے روز بھی جاری ہے۔ الطاف حسین سے اظہار یک جہتی کے لئے کراچی میں نمائش چورنگی پر ایم کیو ایم کے کارکنوں کی جانب سے دھرنا دیا جا رہا ہے، مظاہرین کا کہنا ہے کہ جب تک الطاف حسین کو رہا نہیں کر دیا جاتا ان سے اظہار یک جہتی کا سلسلہ جاری رہے گا جب کہ حیدرآباد، سکھر سانگھڑ، میرپور خاص، جامشورو، شہداد پور اور ٹنڈوجام میں الطاف حسین سے اظہار یک جہتی کے لئے بھی مظاہرے کئے جا رہے ہیں۔
کراچی
سمیت سندھ کے مختلف شہروں میں آج بھی ہڑتال کا سماں ہے، صبح سویرے کھلنے والی دکانیں، ہوٹل، تمام کاروباری اور تجارتی مراکز اور متعدد پٹرول پمپس بھی بند ہیں جب کہ سڑکوں پر ٹرانسپورٹ نہ ہونے کے برابر ہے۔(جاری ہے)
میڑک، انٹر اور ٹیکنیکل بورڈ نے کراچی کے حالات کے پیش نظر آج ہونے والے تمام پرچے ملتوی کر دیئے ہیں جب کہ جامعہ کراچی، وفاقی اردو، سرسید اور جناح یونی ورسٹی نے آج تدریسی عمل بند اور تمام پرچے ملتوی کرنے کا اعلان کیا ہے۔
چیرمین سندھ تاجر اتحاد جمیل میمن کا کہنا ہے کہ آج کراچی کے تمام کاروباری مراکز بند رہیں گے جب کہ کراچی ٹرانسپورٹ اتحاد اور موٹر سائیکل رکشہ ڈرائیورز ایسوسی ایشن نے بھی حالات دیکھ کر گاڑیاں سڑکوں پر لانے کا اعلان کیا ہے۔
واضح رہے کہ گزشتہ روز لندن میں اسکارٹ لینڈ یارڈ نے ایم کیو ایم کے قائد الطاف حسین کو ان کی رہائش گاہ سے منی لانڈرنگ کیس میں گرفتار کر کے ان سے تحقیقات کیں تھیں اور پھر انھیں سخت سیکیورٹی میں میڈیکل چیک اپ کے لئے اسپتال منتقل کر دیا تھا۔
الطاف حسین کی گرفتاری کی خبر کے ساتھ ہی کراچی سمیت سندھ کے مختلف شہروں میں کاروباری مراکز، دکانیں اورپیٹرول پمپس بند ہوگئے تھے جب کہ اندرون سندھ بھی بڑی تعداد میں کارکنان الطاف حسین کے حق میں نعرے لگاتے ہوئے باہر نکل آئے تھے۔متعلقہ عنوان :
مزید اہم خبریں
-
بلوچستان میں طوفانی بارشوں کے باعث ڈیم ٹوٹ گیا
-
پولٹری:کارپوریٹ سیکٹر میں ملک کی دوسری جبکہ روزانہ کی بنیاد پر کیش فلو کے لحاظ سے پاکستان کی سب سے بڑی انڈسٹری تنازعات کا شکارکیوں؟
-
ملکی زرمبادلہ ذخائر میں مزید اضافہ ہو گیا
-
پاکستان میں سیمی کنڈکٹر انڈسٹری کے لئے بڑی صلاحیت موجود ہے.عطاءتارڑ
-
وزیراعظم نے بجلی کے ترسیلی نظام اور تقسیم کار کمپنیوں کی بہتری کیلئے ترجیحی پلان مرتب کرکے آئندہ ہفتے پیش کرنے کی ہدایت کردی
-
بین الاقوامی سرمایہ کاری کے منصوبوں کو پایہ تکمیل تک پہنچانے کیلئے عالمی شہرت یافتہ ماہرین کی خدمات لی جائیں.شہباز شریف
-
اسرائیل پر حملے کا جواب ‘امریکا اور برطانیہ نے ایران پر نئی پابندیاں عائدکردیں
-
جماعت اسلامی فارم 47 کے تحت مسلط حکومت کے خلاف بڑی تحریک برپا کرے گی
-
لاہور ہائی کورٹ نے فواد چوہدری کو 36 کیسز میں عبوری ضمانت کی درخواست دائر کرنے کے لیے 7 دن کی مہلت دیدی
-
روپے کی قدر میں کمی:دنیا بھر میں بحران کا شکار قرض پروگرام لینے والے ممالک کے لیے کرنسی کی قدرمیں کمی شرط ہوتی ہے.محمد اورنگزیب
-
بدترین معاشی حالات اور شہریوں کی قوت خرید میں کمی سے کاروں اور دیگر گاڑیوں کی فروخت میں تنزلی
-
متحدہ عرب امارات اور دیگر خلیجی ممالک میں طوفانی بارشوں سے ماحولیاتی سائنسدانوں میں نئی بحث چھڑگئی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.