حکومت کیخلاف گرینڈ الائنس، عوامی تحریک اور (ق) لیگ کے رابطوں کا آغاز
جمعہ 30 مئی 2014 20:09
لندن(اُردو پوائنٹ اخبار تازہ ترین۔30مئی۔2014ء) عوامی تحریک کے سربراہ ڈاکٹر طاہر القادری کا کہنا ہے کہ تھری ڈی کرپٹ سسٹم کا نام جمہوریت رکھ دیا گیا ہے۔ دھاندلی پر مبنی نظام کا خاتمہ کرنا ہوگا جبکہ چودھری برادران کا کہنا ہے کہ طاہر القادری پاکستان واپس آئیں، عوام نے پہلے بھی ساتھ دیا، اب بھی دیں گے۔ لندن میں پاکستان مسلم لیگ (ق) کے رہنمائوں چودھری شجاعت حسین، چودھری پرویز الہیٰ اور عوامی تحریک کے سربراہ ڈاکٹر طاہر القادری نے مشترکہ پریس کانفرنس کی اور صحافیوں کو اپنی ملاقات کے حوالے سے آگاہ کیا۔
پریس کانفرنس سے خطاب میں ڈاکٹر طاہر القادری کا کہنا تھا کہ موجودہ حکمرانوں کا اقتدار میں رہنا غیر آئینی، غیر اخلاقی اور غیر جمہوری ہے۔ حکومت کا خاتمہ عوام پر واجب ہو چکا ہے۔(جاری ہے)
دھاندلی پر مبنی نظام کا خاتمہ کرنا ہوگا۔ ملک بھر میں اختیارات عوام تک تقسیم کئے جائیں لیکن موجودہ حکومت عوام تک اختیارات کبھی تقسیم نہیں کرے گی۔ پاکستان میں عوام کا طرز زندگی بدلنے والا نظام لانے کی ضرورت ہے۔
ان کا کہنا تھا کہ سیاسی جماعتوں کا ابھی الائنس نہیں بنا، صرف رابطوں کا آغاز کیا ہے۔ ہم تحریک انصاف کے چیئرمین عمران خان اور متحدہ قومی موومٹ کے قائد الطاف حسین سے بھی رابطے میں ہیں۔ ابھی یہ تعین کرنا باقی ہے کہ دیگر کن قوتوں سے رابطہ کیا جائے۔ اس موقع پر گفتگو کرتے ہوئے مسلم لیگ (ق) کے سینئر رہنماء چودھری پرویز الہیٰ کا کہنا تھا کہ ہم کسی کیخلاف نہیں بلکہ ملک کی بھلائی کیلئے اکھٹے ہوئے ہیں۔ موجودہ حکومت کی بنیاد ہی دھاندلی پر رکھی گئی ہے۔ عوام کو کرپٹ نظام سے نجات دلانے کیلئے مشترکہ لائحہ عمل طے کرینگے۔ انتخابی اصلاحات ہمارے ایجنڈے کا حصہ ہیں۔ ان کا کہنا تھا کہ موجودہ حکمرانوں نے 3 بار فوج سے لڑائی کی، چوتھی بار لڑنے جا رہے ہیں۔ دنیا میں کبھی کسی وزیر دفاع نے اپنی فوج کو برا نہیں کہا، ہمارے وزیر دفاع اپنی ہی فوج کیخلاف بول رہے ہیں۔ پریس کانفرنس سے خطاب میں چودھری شجاعت حسین کا کہنا تھا کہ موجودہ حکمرانوں کو عوام کی کوئی پرواہ نہیں ہے۔ ''چور کی بجائے چور کی ماں کو پکڑا جائے''۔ اس کرپٹ نظام سے چھٹکارا حاصل کرنا بہت ضروری ہے۔ ڈاکٹر طاہر القادری اس کرپٹ نظام کے خاتمے کیلئے اپنا کردار ادا کریں۔ عوام ان کا بھرپور ساتھ دیں گے۔ ان کا کہنا تھا کہ ملک میں خطرناک حالات پیدا ہو چکے ہیں۔ نظام کو درست کرنے کیلئے انتخابی اصلاحات پر زور دیا جائے۔ صحیح لوگ منتخب ہو کر آئیں تو معاملات حل ہو جائیں گے۔متعلقہ عنوان :
مزید اہم خبریں
-
قومی معیشت کو نقصان پہنچانے والے عناصر کا احتساب ہو گا،ٹوبیکو، کھاد اور سیمنٹ فیکٹریوں میں ٹریک اینڈ ٹریس سسٹم کے معاہدےمیں فراڈ کی کی تحقیقات کے لیے کمیٹی قائم کرنے کا حکم دے دیا ہے ، وزیر اعظم ..
-
پنجاب میں ہمارے گھروں میں بنا وارنٹ چھاپے مارے جا رہے ہیں،عمرایوب
-
الیکشن کمیشن نے آزاد ارکان قومی اسمبلی کی سنی اتحاد کونسل میں شمولیت کو تسلیم کرلیا
-
عمران خان نے2 ججوں کی یقین دہانی پر اپنا دھرنا ختم کیا،فیصل واوڈا کا انکشاف
-
اپنے بڑوں سے بات کریں ،اتنا ظلم نہ کریں ہم آپ کا حصہ نہیں بن سکتے،چیف جسٹس سندھ ہائیکورٹ
-
پاکستان کے ساتھ کوئی کشیدگی نہیں ہے، امریکہ
-
اجتماعی کاوشوں سے معاشی صورتحال بہترہورہی ہے،وزیراعظم شہباز شریف
-
سپریم کورٹ کو سب نے مذاق بنایا ہوا ہے،چیف جسٹس کے سماعت کے دوران ریمارکس
-
وزیر اعلی خیبر پختوانخواہ کی اسلام آباد پر دھاوے کی دھمکی نہایت سنگین معاملہ ہے‘ سعد رفیق
-
پڑوسیوں میں مخاصمانہ رویہ رکھنے والے ممالک کی وجہ پاکستان کو مضبوط دفاعی صلاحیتوں کی ضرورت ہے ، امریکا میں پاکستان کے سفیر مسعود خان کا تقریب سے خطاب
-
لاہور ہائیکورٹ نے فواد چوہدری کو مزید7روز تک گرفتار کرنے سے روک دیا
-
شکار پور ، قبائلی تنازعے پر مسلح افراد کی فائرنگ سے 2خواتین سمیت3افراد جاں بحق
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.