سابق وزیراعظم یوسف رضا گیلانی اور امین فہیم کے ناقابل ضمانت وارنٹ گرفتاری جاری

جمعرات 29 مئی 2014 16:35

کراچی(اُردو پوائنٹ تازہ ترین اخبار۔ 29مئی 2014ء) انسداد بدعنوانی کی خصوصی عدالت نے سابق وزیراعظم یوسف رضا گیلانی اور سابق وزیرتجارت مخدوم امین فہیم کے وارنٹ گرفتاری جاری کردیئے۔

(جاری ہے)

وفاقی تحقیقاتی ادارے (ایف آئی اے) کی جانب سے ٹریڈ ڈویلوپمنٹ اتھارٹی کیس میں سابق وزیراعظم یوسف رضا گیلانی اور مخدوم امین فہیم کے خلاف اربوں روپے کی کرپشن کے واضح ثبوت ملے جس پر پیپلزپارٹی کے دونوں رہنماؤں کو نوٹسز جاری کئے گئے لیکن انہوں نے کوئی جواب نہیں دیا تاہم آج ایف آئی اے نے کراچی کی انسداد بدعنوانی کی خصوصی عدالت کے جج محمد عظیم کے روبرو دونوں کا 25 سے زائد مقدمات میں ملوث ہونے کا چالان جمع کرایا جس پرعدالت نے سابق وزیراعظم اور سابق وزیر تجارت کے ناقابل ضمانت وارنٹ جاری کردیئے۔

عدالت کی جانب یوسف رضا گیلانی اور امین فہیم کی گرفتاری کا حکم کے بعد وفاقی تحقیقاتی ادارے نے عدالتی فیصلے پر عمل درآمد کےلئے ایف آئی اے کے ڈائریکٹر سندھ زون اور ڈپٹی ڈائریکٹر کرائم سرکل کی سربراہی میں دو کمیٹیاں تشکیل دی دیں جو یوسف رضا گیلانی اور امین فہیم کی گرفتاری کےلئے اندرون سندھ اور ملتان میں کارروائی کریں گی۔