سیکورٹی فورسزسے جھڑپوں میں11شدت پسند ہلاک،چارسیکورٹی اہلکارشہید،فورسزاورشدت پسندوں کے درمیان جھڑپیں میرعلی میں ہوئیں،افسرسمیت چارسیکورٹی اہلکار نے جام شہادت نوش کیا،آئی ایس پی آر
بدھ 21 مئی 2014 22:10
راولپنڈی(اُردو پوائنٹ اخبار تازہ ترین۔21مئی۔2014ء) شمالی وزیرستان میں سیکورٹی فورسزسے جھڑپوں کے دوران 11شدت پسند ہلاک ہوگئے جبکہ اس میں ایک افسرسمیت چارسیکورٹی اہلکاربھی شہید ہوئے،پاک فوج کے شعبہ تعلقات عامہ آئی ایس پی آر کی جانب سے بدھ کو جاری کیے گئے ایک بیان میں کہاگیاکہ شمالی وزیرستان کے علاقے میرعلی میں سیکورٹی فورسزاورشدت پسندوں کے درمیان جھڑپیں ہوئیں ،جھڑپوں کے نتیجے میں 11شدت پسند مارے گئے ،جھڑپوں میں ایک افسرسمیت چارسیکورٹی اہلکار وں نے جام شہادت نوش کیا۔
جاں بحق ہونے والوں میں صوبیدار میجر خالد اور دیگر 3شہیدشامل ہیں ۔ شہید ہونے والے چاروں فوجی جوانوں کا تعلق شوال رائفلز سے ہے ، ان کی نعشوں کو سی ایم ایچ بنوں منتقل کر دیا گیا ہے۔ مقامی ذرائع کے مطابق حکومت نے غیر اعلانیہ آپریشن کا اعلان کر دیا ہے اور کل صبح9سے 12بجے تک میر علی بازار کو مکمل خالی کرنے کا حکم دیا ہے ۔(جاری ہے)
اس سے قبل شمالی وزیرستان کی تحصیل میر علی اور بویا میں جیٹ طیاروں کی بمباری سے غیر ملکیوں اور اہم کمانڈروں سمیت 60 شدت پسند ہلاک جبکہ متعدد زخمی ہو گئے تھے۔
کارروائی میں شدت پسندوں کے کئی ٹھکانے تباہ کرکے شمالی وزیرستان کے تمام علاقوں میں غیر معینہ مدت کے لئے کرفیو نافذ کر دیا گیا اور اس کی خلاف ورزی کرنے والوں کو دیکھتے ہی گولی مارنے کا حکم دیدیا گیا ہے ہلاک ہونے والے دہشت گرد پشاور دھماکے، باجوڑ اور مہمند ایجنسی میں عام شہریوں کے قتل اور فورسز پر حملوں میں ملوث تھے۔جبکہ میرانشاہ اور میر علی میں گن شپ ہیلی کاپٹروں سے شیلنگ بھی کی گئی۔ سکیورٹی ذرائع کے مطابق شمالی وزیرستان میں شدت پسندوں کے خلاف کارروائی گزشتہ شب تقریباً 2 بج کر 45 منٹ پر کی گئی۔ میر علی میں حسو خیل، ایسوڑی، حرمز اور موسکی جبکہ تحصیل بویا کے علاقوں دیگان اور لانڈ محمد خیل میں شدت پسندوں کے ٹھکانوں پر جیٹ طیاروں سے بمباری کی گئی۔ کارروائی میں غیر ملکیوں سمیت درجنوں شدت پسند مارے گئے اور کئی ٹھکانے تباہ ہوئے۔ صبح سویرے میرانشاہ اور میر علی کے مختلف علاقوں پر گن شپ ہیلی کاپٹروں سے شیلنگ بھی کی گئی تاہم اس میں اب تک کسی ہلاکت کی اطلاع نہیں ملی۔متعلقہ عنوان :
مزید اہم خبریں
-
ہمارے سیاسی قیدیوں کی رہائی تک ڈیل ہو گی نہ مفاہمت
-
پنجاب پولیس نے وزیراعلیٰ مریم نواز کے وردی پہننے کوپولیس ڈریس ریگولیشنز کے مطابق قرار دےدیا
-
اپنی رہائی یا وقتی فائدے کیلئے پاکستانیوں کے حقوق سے دستبردار نہیں ہوں گا
-
تحریک انصاف کا 9 مئی کو جلسہ عام کے انعقاد کا فیصلہ
-
کتنے لوگوں کے منہ بند کرلو گے؟ جب ظلم کے خلاف آواز اٹھتی ہے تو ظلم کا خاتمہ ہوتا ہے
-
عدلیہ میں مبینہ مداخلت کے خلاف سوموٹو پر سماعت کیلئے نیا بنچ تشکیل دے دیا گیا
-
نواز شریف عمران خان سے مذاکرات پر آمادہ ہیں، رانا ثنا اللہ
-
اولاد کی خوشی کیلئے اپنی بیوی پر سوتن لانے کا ظلم نہیں کرسکتا، شیر افضل مروت
-
سر دار ایاز صادق سے اراکین قومی اسمبلی کی ملاقات ،قائمہ کمیٹیوں کی تشکیل کے حوالے سے مشاورت
-
وفاقی وزیر عبدالعلیم خان سے برطانوی پولیٹکل قونصلر مس زوئی وئیر کی ملاقات ، دوطرفہ تعلقات پرگفتگو
-
یوسف رضا گیلانی کی زیرصدارت بزنس ایڈوائزی کمیٹی کا اجلاس ،سب کو ساتھ لیکر چلنے کا عزم
-
مریم نوازکے پولیس یونیفارم پہننے پر وہ ٹولہ تنقید کررہا جن کا اپنا لیڈراپنی ہی بیٹی کو تسلیم کرنے کو تیار نہیں‘عظمیٰ بخاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.