افریقی ممالک کا بوکوحرام اورشدت پسند تنظیموں کے خلاف جنگ چھیڑنے کا اعلان،پیرس میں بوکوحرام سے نمٹنے کے لیے منعقد ہ اجلاس میں شرکاء کا انسداددہشت گردی کے لیے اقدامات کرنے پر اتفاق،بوکوحرام ’مغربی اور وسطی افریقہ کے لیے بڑا خطرہ ، القاعدہ اور دیگر دہشت گرد تنظیموں سے ہیں،فرانسیسی صدر… علاقائی طاقتیں صورتحال کا مردانہ وار مقابلہ کریں گی،چاڈ صدر
اتوار 18 مئی 2014 15:09
پیرس(اُردو پوائنٹ اخبار تازہ ترین۔18مئی۔2014ء) مغربی اور وسطی افریقہ کو دہشت گرد تنظیموں سے درپیش خطرات پر بات چیت کے لیے پیرس میں منعقدہ سربراہی کانفرنس میں افریقی رہنما اسلامی شدت پسند تنظیم بوکوحرام کے خلاف جنگ کے آغاز پر متفق ہوگئے ،غیرملکی خبررساں ادارے کے مطابق اس اجلاس کے میزبان فرانس کے صدر فرانسوا اولاند نے کہا کہ افریقہ کی علاقائی طاقتوں نے اس گروپ کے خلاف خفیہ معلومات کے تبادلے اور تعاون کا عزم ظاہر کیا ہے، اجلاس کے آغاز پر فرانسیسی صدر نے بوکوحرام کو ’مغربی اور وسطی افریقہ کے لیے بڑا خطرہ قرار دیا اور کہا کہ اس کے روابط شمالی افریقہ میں القاعدہ اور دیگر دہشت گرد تنظیموں سے ہیں،اجلاس کے بعد فرانسوا اولاند کا کہنا تھا کہ شرکا عالمی اور علاقائی حکمتِ عملی پر متفق ہوگئے ہیں،سربراہی اجلاس میں نائجیریا کے صدر گْڈ لک جوناتھن کے علاوہ بنی، کیمرون، نائیجر، اور چاڈ کے سربراہانِ مملکت شریک ہوئے جبکہ برطانیہ، امریکہ اور یورپی یونین کے نمائندے بھی وہاں موجود تھے،چاڈ کے صدر ادریس دیبی کا کہنا تھا کہ علاقائی طاقتیں صورتحال کا مردانہ وار مقابلہ کریں گی اور بوکوحرام کے خلاف مکمل جنگ چھیڑ دیں گی،اجلاس سے قبل پیرس میں موجود برطانوی وزیرِ خارجہ ولیم ہیگ نے بتایا کہ کیمرون اور نائجیریا کو خفیہ معلومات کے تبادلے کے سلسلے میں اہم کردار ادا کرنا ہوگا،ان کا کہنا تھا کہ یہاں بہت سی سرحدیں ہیں جہاں بلاروک ٹوک آمدورفت جاری رہتی ہے ہمارے تمام اقدامات کا پہلا مقصد مغوی لڑکیوں سے متعلق ہے لیکن اس کے لیے کیمرون اور نائجیریا جیسے ممالک کو مل کر کام کرنے کی ضرورت ہے۔
مزید بین الاقوامی خبریں
-
اصفہان کی سیٹلائٹ تصاویر سے نقصان واضح نہیں، امریکی میڈیا
-
پانڈا ڈپلومیسی، چین 2 پانڈا امریکا بھیجے گا
-
امریکہ رفح میں اسرائیلی فوجی آپریشن کی حمایت نہیں کر سکتا، بلنکن
-
روس کا سپرسونک بمبار طیارہ گر کر تباہ
-
ٹرمپ کیخلاف عدالتی کارروائی، ایک شخص کی عدالت کے باہر خود سوزی
-
وائٹ ہائوس کا ایران پر اسرائیلی حملے پر تبصرے سے گریز
-
بارشوں کا 75 سالہ ریکارڈ ٹوٹ جانے کے باوجود صرف 24 گھنٹوں میں متحدہ عرب امارات کے متاثرہ علاقے کلیئر ہو گئے
-
ایران : اصفہان میں دھماکوں کی آوازیں اسرائیل نے میزائل حملہ کیا‘ امریکی میڈیا کا دعوی
-
یہ کوئی عام الیکشن نہیں، جمہوریت اور دستور کو بچانا ہے، راہول گاندھی
-
مکیش امبانی نے برطانیہ کا مشہوراسٹوک پارک خرید لیا
-
ایمریٹس ایئرلائن کا دبئی سے فلائٹ آپریشن مکمل بحال
-
شکاگو،حاملہ لڑکی کو قتل کرنے والی خاتون کو 50 سال قید کی سزا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.