انتخابی اصلاحات کیلئے اتحاد بن رہا ہے، مسلح افواج سے اظہار یکجہتی کیلئے آج پنجاب کے 8اضلاع میں ریلیاں نکالی جائینگی ‘ پرویز الٰہی
ہفتہ 17 مئی 2014 16:49
لاہور ( اُردو پوائنٹ تازہ ترین اخبار۔ 17مئی 2014ء) مسلم لیگ (ق) کے سینئرمرکزی رہنما اور سابق نائب وزیراعظم چودھری پرویزالٰہی نے کہا ہے کہ حارث منظور نے 9 سال کی عمر میں او لیول کا عالمی اعزاز حاصل کر کے پاکستان کے حکمرانوں کو تعلیم پر توجہ دینے کا سبق دیا ہے، حارث منظور 13 سال کی عمر میں بیرسٹر بن کر پاکستان اور امت مسلمہ کیلئے ایک اور اعزاز حاصل کرنا چاہتا ہے اس کی بیرسٹری کی تعلیم کے تمام اخراجات پاکستان مسلم لیگ برداشت کرے گی۔
وہ یہاں اپنی رہائش گاہ پر کمسن طالبعلم اور اس کے والد رائے ناصر منظور سے ملاقات کے موقع پر میڈیا سے گفتگو کر رہے تھے۔ سینئر نائب صدر محمد بشارت راجہ بھی ان کے ہمراہ تھے۔ حارث کے والد نے اس کے تعلیمی شیڈول سے تفصیلاً آگاہ کیا۔(جاری ہے)
رائے ناصر منظور کی جانب سے سرکاری سطح پر تعلیم کے شعبہ کو نظرانداز کئے جانے کی نشاندہی پر چودھری پرویزالٰہی نے کہا کہ ہم نے پنجاب میں اپنی حکومت کے دوران ایجوکیشن سیکٹر ریفارمز پروگرام کے تحت غریب، عام اور سپیشل بچوں کو سرکاری سطح پر زیادہ سے زیادہ تعلیمی سہولتیں فراہم کیلئے انقلابی اقدامات کیے لیکن شہباز شریف نے ہمارا پروگرام بند کر دیا جس سے تعلیم کا فروغ اور معیار متاثر ہوا، وہ تعلیمی ایمرجنسی کا پروپیگنڈہ کر رہے ہیں لیکن انہوں نے صوبہ میں 5 ہزار پرائمری سکول بند کر دئیے جبکہ دانش سکول پروگرام بھی فلاپ ہو گیا، نئے ٹیچر بھرتی نہیں کیے گئے۔
چودھری پرویزالٰہی نے کہا کہ ہرصوبہ کیلئے الگ تعلیمی نصاب قومی مفاد اور یکجہتی کے منافی ہے، دنیا بھر میں کہیں ایسا نہیں ہے، علاقائی زبانوں کو ضرور اہمیت دینی چاہئے لیکن قومی زبان اردو کو اس کا مقام ملنا چاہئے۔ انہوں نے کہا کہ پنجاب میں جعلی ریکارڈ بنانے کیلئے میلوں ٹھیلوں پر اربوں روپے ضائع کر دئیے گئے کتنا بہتر ہوتا کہ یہی رقم تعلیم پر خرچ کی جاتی۔ انتخابی دھاندلی اور اس پر احتجاج کے بارے میں سوال پر انہوں نے کہا کہ ہم نے دھاندلی کے بارے میں ثبوت پہلے ہی پیش کردئیے ہیں، انتخابی اصلاحات کیلئے اپوزیشن جماعتوں کا اتحاد بن رہا ہے جو اس بات پر متفق ہیں کہ مینڈیٹ چوری کیا گیا ہے۔ انہوں نے کہا کہ چیف الیکشن کمشنر کے استعفیٰ کے بعد الیکشن کمیشن کے دیگر ارکان کے باقی رہنے کا بھی کوئی اخلاقی جواز نہیں اسی لیے ان کے استعفوں کا مطالبہ کیا جا رہا ہے۔ جی او آر میں بیٹھی انتخابی دھاندلی میں ملوث شخصیت کے بارے میں پوچھا گیا تو انہوں نے کہا کہ اسے تلاش کرنا آپ کا کام ہے۔ انہوں نے مزید کہا کہ دنیا میں ایسی کوئی مثال نہیں کہ ووٹنگ ختم ہونے کے بعد کوئی امیدوار خود ہی اپنی کامیابی کا اعلان کرتے ہوئے مزید اکثریت کا مطالبہ کرے، اس کا مطلب ہے کہ نواز شریف ووٹر سے نہیں ریٹرننگ افسروں سے واضح اکثریت مانگ رہے تھے۔ انہوں نے کہا کہ مسلح افواج سے اظہار یکجہتی کیلئے آج (اتوار )کو پنجاب کے 8 مزید اضلاع میں پاکستان مسلم لیگ کی ریلیاں صبح 10 سے 2 بجے کے دوران نکالی جائیں گی۔متعلقہ عنوان :
مزید اہم خبریں
-
وزیراعظم سے ملاقات کے بعد چیف جسٹس نے فل کورٹ کااجلاس دوبارہ طلب کرلیا
-
غزہ کے عوام پر اسرائیل کی مسلط کردہ جنگ بلا روک ٹوک جاری ، فلسطینی عوام کو بھوک اور نسل کشی کا سامنا ہے، ترجمان دفترخارجہ
-
پنجاب اسمبلی اجلاس ،اپوزیشن کے شورشرابے میں مالی سال 2023-24ءکے بجٹ کی منظوری
-
عطاتارڑ کی این ای127،سمیع اللہ خان کی پی پی 145سے کامیابی کا نوٹیفکیشن چیلنج
-
وسطی کرم میں کوئلے کی کان میں گیس بھرنے سے 4مزدور جاں بحق ہوگئے
-
پاکستان نے اسرائیل کو ہتھیاروں کی فراہمی پر پابندی کی حمایت کردی
-
توانائی بحران سے نمٹنے میں پاکستان کی مدد ترجیح ہے، امریکا
-
پاکستان سمیت دنیا بھر کے مسلمان فلسطین کی جانب مارچ کریں،حماس
-
لاہورڈیفنس میں کار کی ٹکر سے 6افراد کی ہلاکت کاکیس، تمام ملزمان کو دوبارہ طلبی کے نوٹس جاری
-
دہشت گردوں اور ان کے سہولت کاروں کو انصاف کے کٹہرے میں لایا جائے گا، دفترخارجہ
-
بھارت سے تجارتی تعلقات سے متعلق تاجروں کی درخواست کا جائزہ لیا جا رہا ہے.ترجمان دفتر خارجہ
-
پنجاب کائٹ فلائنگ آرڈیننس میں دہشتگردی کی دفعات شامل کرنے کی تجویز
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.