انڈر 19 کرکٹ صر ف رینجنز تک محدود کرنیکا فیصلہ، محکموں کی جونیئر ٹیمیں ختم ہوجائینگی
بدھ 14 مئی 2014 13:06
لاہور (اُردو پوائنٹ تازہ ترین اخبار۔ 14مئی 2014ء) پاکستان کرکٹ بورڈ نے نیا پلان جاری کر دیا ہے جس کے مطابق ڈپارٹمنٹل اور ریجن کی ٹیمیں ایک ساتھ فرسٹ کلاس ٹورنامنٹ کھیلیں گی ، اس سلسلے میں انگلش فرسٹ کلاس ڈھانچے کو ماڈل بنایا گیا ،نئے ٹورنامنٹ میں ٹیموں کی خراب کارکردگی کے بعد تنزلی کردی جائیگی۔ ذرائع کے مطابق گذشتہ سال ریجن اور ڈپارٹمنٹ کے الگ الگ ون ڈے اور فرسٹ کلاس ٹورنامنٹ ہوئے تھے ، اس بار میچوں کی تعداد کم کرکے کوالٹی کرکٹ کو اہمیت دی جارہی ہے۔
ایک جانب پاکستان کرکٹ بورڈ نے ڈپارٹمنٹل ٹیموں کو ختم کرنے کا پلان منسوخ کردیا دوسری جانب ملک میں انڈر19 ڈپارٹمنٹل ٹیموں کو ختم کیا جارہا ہے جبکہ نئے فرسٹ کلاس سیزن میں ڈپارٹمنٹل اور ریجنل ٹیموں کے درمیان انگلش کاؤنٹی کی طرز پر اے اور بی ڈویژن لیگ کرانے کی تجویز ہے۔(جاری ہے)
امکان ہے کہ (آج)جمعے کو پاکستان کرکٹ بورڈ ڈومیسٹک کرکٹ کے بارے میں اپنی میٹنگ میں حتمی فیصلہ کرے گا۔
پی سی بی کے ذرائع کا کہنا ہے کہ فرسٹ کلاس ڈھانچے میں تبدیلی کا ہارون رشید کا پلان بری طرح ناکام ہوگیا۔ ظہیر عباس، اقبال قاسم ، ہارون رشید اور شکیل شیخ پر مشتمل کمیٹی نے ڈپارٹمنٹل ٹیموں کو ختم کرنے کے منصوبے کو مسترد کردیا۔ اب نئے مجوزہ پلان کے تحت انڈر19 ڈپارٹمنٹل ٹیموں کو ختم کردیا جائے گا۔ پی آئی اے اور پورٹ قسم کی انڈر19 ٹیمیں متحرک نہ تھیں اب پی سی بی کی ہدایت پرنیشنل بینک، زرعی ترقیاتی بینک،کے آر ایل اور اسٹیٹ بینک کی ٹیموں کو ختم کیا جارہا ہے۔ نئے سیزن میں ڈپارٹمنٹل انڈر19 ٹیمیں کسی ٹورنامنٹ میں حصہ نہیں لے سکیں گی۔ انڈر19 ٹورنامنٹ کو صرف ریجنز کے لئے مخصوص کردیا گیا ہے۔ ذرائع کے مطابق آئندہ سیزن میں فرسٹ کلاس ٹورنامنٹ میں انگلش کاؤنٹی کے طرز پر اے اور بی ڈویژن لیگ ہوگی۔ اے ڈویڑن میں گذشتہ سال کی ریجن کی چھ ٹاپ ٹیمیں حصہ لیں گی ان کے ساتھ گذشتہ سال کی چھ ڈپارٹمنٹل ٹیمیں ہوں گی۔ بی ڈویژن میں گذشتہ سال کے ڈپارٹمنٹل اور ریجنل ٹورنامنٹ میں آخری نمبروں پر آنے والی چھ چھ ٹیمیں حصہ لیں گی۔ ڈپارٹمنٹل اور ریجن کے ٹورنامنٹ میں الگ الگ نہیں ہوں گے۔ سیزن کے اختتام پر آخری نمبر حاصل کرنے والی ٹیموں کی تنزلی ہوجائے گی۔ دونوں ٹورنامنٹ فرسٹ کلاس ہوں گے۔ پاکستان کرکٹ بورڈ فرسٹ کلاس ڈھانچے کو قانونی حیثیت دینے کے لئے اسے نئے آئین کا بھی حصہ بنائے گا۔ نئے آئین میں چیئرمین کے ساتھ ساتھ منیجنگ ڈائر یکٹر کا نیا عہدہ بھی متعارف کرایا جائیگا۔ ایم ڈی چیئر مین کے بعد سب سے با اثر ہوگا جبکہ چیف آپریٹنگ آفیسر کی پوسٹ ختم کردی جائیگی۔متعلقہ عنوان :
مزید کھیلوں کی خبریں
-
ٹینس اسٹار عشنا سہیل کو ویمن ٹینس میں خدمات پر تمغہ امتیاز سے نواز دیا گیا
-
سعودی عرب میں ہمیشہ محبت ملی، ریٹائرمنٹ کا کوئی اراد ہ نہیں ہے ، لیونل میسی
-
بنگلہ دیش اور سری لنکا کی کرکٹ ٹیموں کے درمیان دوسرا اورآخری ٹیسٹ میچ 30 مارچ سے شروع ہوگا
-
پاکستان نیوزی لینڈ ٹی ٹوئنٹی سیریزکی ٹکٹوں کی فروخت جمعہ سے شروع ہوگی۔
-
ٹینس اسٹارعشنا سہیل کو ویمن ٹینس میں خدمات پر تمغہ امتیاز سے نواز دیا گیا
-
پنجاب کنگزکی نمائندگی کرنے والے سابق انگلش کرکٹرروی بوپارا نے دلچسپ واقعہ شیئرکردیا
-
میامی اوپن ٹینس مینزڈبلز، روہن بھوپنا اورمیتھیو ایبڈن سیمی فائنل میں پہنچ گئے
-
پاکستان اورنیوزی لینڈ کی کرکٹ ٹیموں کے مابین ٹی ٹونٹی سیریزکی ٹکٹوں کی فروخت 29 مارچ سے شروع ہو گی، ترجمان
-
بھارتی انتخابات: کانگریس کا ثانیہ مرزا کو حیدر آباد سے ٹکٹ جاری کرنے پر غور
-
ایشیا اوشیانا ورلڈ جونیئر ٹینس انڈر14 کوالیفائرز میں پاکستان نے اوزبکستان کو شکست دے کر کوارٹر فائنل میں جگہ بنالی
-
کپتان کی تبدیلی کی افواہیں، بابر اعظم کی چیئرمین پی سی بی محسن نقوی سے ملاقات
-
ممبئی انڈینز کے نئے کپتان پانڈیا کو شائقین کی جانب سے شدید تنقید کا سامنا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.