ملالہ کا پورٹریٹ آج نیویارک میں نیلامی کے لئے پیش کیا جارہا ہے

بدھ 14 مئی 2014 13:02

نیو یارک(اُردو پوائنٹ تازہ ترین اخبار۔ 14مئی 2014ء) برطانوی مصور کا بنایا ہوا ملالہ یوسف زئی کا پورٹریٹ آج نیویارک میں نیلامی کے لئے پیش کیا جارہا ہےجس سے حاصل ہونے والی رقم بچیوں کی تعلیم پر خرچ کی جائے گی۔ ’’گرل ریڈنگ‘‘ کے عنوان سے ملالہ یوسفزئی کا یہ پورٹریٹ 2013 میں برطانوی مصور جوناتھن ییو نے تخلیق کیا تھا۔

(جاری ہے)

اس پورٹریٹ کی نیلامی آج ہوگی، نیویارک کے معروف نیلام گھر کرسٹیز کی ایسوسی ایٹ نائب صدر سارا پریٹچرڈ کا کہنا ہے کہ ملالہ ہوسفزئی کم عمر اور اور باوقار ہیں۔ ان کا عزم ان کی آنکھوں سے جھلکتا ہے اور اس سلسلے میں ان کا پورٹریٹ بہت واضح ہے،اس لئے نیلام گھر کی انتظامیہ کو امید ہے کہ ملالہ یوسفزئی کے اس پورٹریٹ کی نیلامی سے 60 سے 80 ہزار ڈالر تک رقم حاصل ہوجائے گی۔ اس نیلامی سے ملنے والی رقم کو بچیوں کی تعلیم کے لئے قائم کئے گئے ملالہ فنڈ میں جائے گی۔

واضح رہے کہ ملالہ یوسف زئی نے سوات میں طالبان کی جانب سے بچیوں کے اسکول جانے سے روکنے پر علم احتجاج بلند کیا تھا جس پر طالبان نے 2012 میں حملہ کرکے انہیں زخمی کردیا تھا۔

Facebook Twitter Google + Share on Whatsapp

ملالہ کا پورٹریٹ آج نیویارک میں نیلامی کے لئے پیش کیا جارہا ہے

متعلقہ عنوان :

مزید کھیلوں کی خبریں