تحریک انصاف کی اسلام آباد میں جلسے کی تیاریاں مکمل، چارٹر آف ڈیمانڈ پیش
ہفتہ 10 مئی 2014 21:57
اسلام آباد(اُردو پوائنٹ اخبار تازہ ترین۔10مئی۔2014ء) اسلام آباد میں تحریک انصاف کے جلسے کے لیے ریڈزون کو کنٹینرز لگا کر سیل کر دیا گیا۔ سیکورٹی کے لیے رینجرز اور پولیس اہلکار تعینات ہوں گے۔ پی ٹی آئی کے گیارہ مئی کے احتجاجی جلسے کے پیش نظر ریڈ زون آنے والے تمام راستوں پر ساٹھ سے زائد کنٹینرز لگا کر سیل کر دیا گیا ہے۔ ڈی چوک پر کنٹینرز کی ایک دیوار بنائی گئی ہے۔
سیکورٹی کے لئے تین حصار بنائے گئے ہیں جبکہ ریڈ زون میں داخلے پر مکمل پابندی ہو گی۔ سی سی ٹی وی کیمروں کے ذریعے جلوس کی مانیٹرنگ کی جائے گی۔ دو ہیلی کاپٹر بھی جلسہ گاہ کی فضائی نگرانی کریں گے۔ 700 میٹر لمبے پنڈال میں آنے والے شرکاء کو واک تھرو گیٹ سے گزرنا ہو گا۔ خواتین کے داخلے کے لئے الگ راستہ رکھا گیا ہے۔(جاری ہے)
ریڈ زون کی سیکورٹی کیلئے رینجرز اور پولیس اہلکار تعینات ہونگے۔
دوسرے صوبوں سے بھی ساڑھے چار ہزار نفری طلب کی گئی ہے۔ ذرائع کے مطابق زبردستی ریڈ زون میں داخل ہونیوالوں کو طاقت کے زریعے روکا جائیگا۔ احتجاجی جلسے کے باعث اسلام آباد کے اہم تجارتی مرکز بلیو ایریا اور ریڈزون میں تجارتی سرگرمیاں دو روز تک معطل رہیں گی۔ دوسری جانب تحریک انصاف کی اعلیٰ سطح کی کمیٹی کا اجلاس عمران خان کی زیر صدارت بنی گالہ میں ہوا۔ آٹھ رکنی کمیٹی نے چارٹر آف ڈیمانڈ کا جائزہ لیا۔ تحریک انصاف کی کمیٹی نے طویل مشاورت کے بعد نو نکاتی چارٹر آف ڈیمانڈ کی منظوری دے دی۔ الیکشن کمیشن کی تشکیل نو کی جائے انتخابی عمل میں اصلاحات لائی جائیں ، الیکشن کمیشن کو سیاسی وابستگی سے پاک کیا جائے ، چیف الیکشن کمشنر اور چاروں ممبران کی تقرری کا عمل غیرسیاسی بنایا جائے ، آئندہ انتخابات بائیومیڑک سسٹم کے تحت کرائے جائیں ، 4 حلقوں میں انگوٹھوں کی تصدیق کرائی جائے۔ عمران خان چارٹر آف ڈیمانڈز پر عملدرآمد کے لیے تحریک کا آغاز کریں گے جس کے تحت ملک بھر میں ہفتہ وار احتجاجی مظاہروں کا اعلان کیا جائے گا۔متعلقہ عنوان :
مزید اہم خبریں
-
عدلیہ میں کسی قسم کی مداخلت برداشت نہیں ہوگی
-
عمران خان سمیت اڈیالہ جیل کے تمام قیدیوں سے ملاقاتوں پرپابندی ختم
-
رانا مشعود احمد خان اور ڈاکٹرمختار بھرت وزیراعظم کے کوآرڈینیٹر مقرر
-
وفاقی وزیر داخلہ محسن نقوی کاایک روزہ دورہ پشاور،کمانڈنٹ ایف سی نے ائرپورٹ پراستقبال کیا
-
وفاقی وزیرداخلہ محسن نقوی نے خیبرپختونخوا کے وزیراعلیٰ علی امین گنڈاپور سے ملاقات
-
نادرا سے ڈیٹا چوری سکینڈل،8 افسران معطل ، درجن سے زائد کیخلاف کارروائی کا آغاز
-
پی ٹی آئی نے ججز کے خط کی تحقیقات کیلئے حکومت کے انکوائری کمیشن کو مسترد کردیا
-
تعلیمی اداروں میں موسم بہار کی تعطیلات کا اعلان
-
’چیف جسٹس آف پاکستان نے سخت موقف نہیں اپنایا، تو عدلیہ کی آزادی ایک خواب بن جائے گی‘
-
حکومت کا تعلیمی نصاب میں ماحولیاتی بہتری کے مضامین شامل کرنے کا فیصلہ
-
وفاقی حکومت نے نگران حکومت کی معاشی شرح نمو پر نظرثانی رپورٹ جاری کردی
-
آئی ایم ایف نے بجلی کی قیمت میں 32 روپے کمی کیلئے حکومت کو فارمولہ تجویز کر دیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.