جس معیشت کی بنیاد ہی شرح سود میں کمی بیشی پر ہو اس میں بہتری کیسے آسکتی ہے ،سراج الحق،حکومت نے اپنے انتخابی منشور میں کشکول توڑنے کا وعدہ کیا تھا مگر آج پورے ملک کو آئی ایم ایف اور ورلڈ بینک کے رحم وکرم پرچھوڑ دیا گیا،مغربی معاشرہ بظاہر خوبصورت و جاذب نظر آرہا ہے لیکن اندر سے دیمک کی طرح کھوکھلا اور تاریک ہے ،مغربی عوام اپنے نظام سے تنگ آچکے ہیں،مصر میں اسلام دشمن قوتیں مسلمانوں پر مظالم ڈھا رہی ہیں، حکومت پاکستان مصر اور بنگلہ دیش میں ہونیوالے مظالم کیخلاف موثر کردار ادا کرے، خطبہ جمعہ سے خطاب
جمعہ 9 مئی 2014 21:28
پشاور(اُردو پوائنٹ اخبار تازہ ترین۔9مئی۔2014ء) امیر جماعت اسلامی پاکستان و سینئر وزیر خیبرپختونخوا سراج الحق نے کہا ہے کہ جس معیشت کی بنیاد ہی شرح سود میں کمی بیشی پر ہو اس میں بہتری کیسے آسکتی ہے،حکمران سودی معیشت کے خاتمے کیلئے تیار نہیں ۔ حکومت نے اپنے انتخابی منشور میں کشکول توڑنے کا وعدہ کیا تھا مگر آج انہوں نے پورے ملک کو آئی ایم ایف اور ورلڈ بینک کے رحم وکرم پرچھوڑ دیا ہے ۔
غیر ملکی این جی اوز اپنے مقاصد کے حصول کے لیے پاکستان کو فنڈز دیتے ہیں۔ مغربی معاشرہ بظاہر خوبصورت و جاذب نظر آرہا ہے لیکن اندر سے دیمک کی طرح کھوکھلا اور تاریک ہے ۔مغربی عوام اپنے نظام سے تنگ آچکے ہیں اور تیزی سے اسلام کی طرف راغب ہورہے ہیں۔اسلامی اصولوں کے مطابق زندگی میں آسانیاں اور خوشیاں ہیں۔(جاری ہے)
بنگلہ دیش کے عوام کو پاکستان سے محبت کی سزا دی جارہی ہے جب کہ مصر میں اسلام دشمن قوتیں مسلمانوں پر مظالم ڈھا رہے ہیں۔
حکومت پاکستان مصر اور بنگلہ دیش میں ہونے والے مظالم کے خلاف موثر کردار ادا کریں۔وہ جامع مسجد سول سیکٹریٹ پشاور میں خطبہ جمعہ کے موقع پر خطاب اور بعد ازاں میڈیا سے بات چیت کررہے تھے ۔سراج الحق نے بات چیت کر تے ہوئے کہاکہ غلط پالیسیوں کی وجہ سے ہماری صنعت تباہی کے کنارے پہنچ چکی ہے بے روزگاری و مہنگائی میں مسلسل اضافہ ہورہا ہے ، قوم کا بچہ بچہ مقروض ہوچکاہے ۔ہم قرضے لے کر امریکی جنگ لڑ رہے ہیں اگر ہم ملک میں امن چاہتے ہیں تو امریکی جنگ کو خیر باد کہنا ہوگا ۔ جب تک امریکہ کا ایک بھی سپاہی اس خطے میں موجود رہے گا ، امن قائم نہیں ہو گا ۔ امریکہ کو یہاں ٹھہرنے کا مشورہ دینے کے بجائے اسے اس خطے کی جان چھوڑ کر فوری چلے جانے کا کہناچاہیے اور اس سے مزید تعاون ختم کردینا چاہیے ۔انہوں نے کہاکہ پاکستان میں ہر مہینے ہر فرد 870 روپے کرپشن کے لیے ادا کرتے ہیں اور کرپشن کے پیسوں سے اشرافیہ عیاشیاں کرتے ہیں اگر پاکستان میں صرف کرپشن کاخاتمہ ہو جائے تو ہم آئی ایم ایف اور ورلڈ بینک کے محتاج نہیں رہیں گے ۔انہوں نے کہاکہ موجودہ معاشرے میں بدی کرنا آسان اور نیکی کرنا مشکل ہو گیا ہے اس لیے اس نظام کو بدلنا اور اسلامی حکومت کا قیام ناگزیر ہوچکاہے ۔پوری قوم مشکلات سے نکلنے کے لیے ملک میں اسلامی خلافت کے قیام کے لیے ہمارا ساتھ دیں۔متعلقہ عنوان :
مزید قومی خبریں
-
مہنگی مرغی، حکومت کا چوزے کی برآمد پرپابندی عائد کرنے کا فیصلہ
-
نیپرا کی ڈسکوز کے مارچ کے ماہانہ ایف سی اےکے حوالے سےعوامی سماعت مکمل
-
راولپنڈی پولیس کی جرائم پیشہ عناصر کے خلاف کارروائیاں،اشتہاریوں سمیت 12ملزمان گرفتار
-
بچوں کے قتل اورخودکشی کی کوشش میں سزا پانیوالی خاتون کا دماغی معائنہ کروانے کا حکم
-
بختاوربھٹو بھی مریم نواز کی معترف
-
لاہور پیرس ریلی ملکی ثقافت کو فروغ دینے اورپاکستان کے مثبت تشخص کو اجاگر کرنے کا بہترین موقع ہے ، رانا مشہود احمد خان
-
لاہور میں 50 مقامات پر مفت انٹرنیٹ سروس کا آغاز
-
ملک کو نوجوان نسل سے بڑی توقعات وابستہ ہیں،طالبات وخواتین مستقل مزاجی سے کام کریں گی تو قدم قدم پر کامیابی ان کا مقدر ہو گی،گورنر پنجاب
-
الیکشن کمیشن، ضمنی انتخاب میں قومی اسمبلی کے اراکین کی کامیابی کا نوٹیفکیشن جاری
-
لاہور پیرس ریلی ملکی ثقافت کو فروغ دینے اورپاکستان کے مثبت تشخص کو اجاگر کرنے کا بہترین موقع ہے ، رانا مشہود احمد خان
-
وفاقی وزیرعطا تارڑ نے اعجاز احمد حفیظ کو اپنا کوارڈینیٹر مقرر کردیا
-
9 مئی کیس، بانی پی ٹی آئی کی عبوری ضمانت کی درخواست پر وکلاء کے دلائل طلب
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.