کافروں کے ملک کا سفر حرام ہے۔۔۔۔ سعودی عالم کا فتویٰ
جمعرات 8 مئی 2014 14:37
ریاض(اُردو پوائنٹ تازہ ترین اخبار۔ 8مئی 2014ء) سعودی عرب کے ایک مذہبی پیشوا کا یہ فتویٰ کہ بیرون ملک سفر کرنا ممنوع ہے، سعودی مملکت میں ایک تنازعہ کی صورت اختیار کرگیا ہے۔ العربیہ ڈاٹ نیٹ کی رپورٹ کے مطابق ایک خاتون کالم نگار نے اس فتوے کو ’’انتہا پسند بیکٹیریا‘‘ قرار دیا ہے۔
جیل میں قید القائدہ کے اراکین کی اصلاح پر مبنی سعودی عرب کے منصاح پروگرام میں شامل شیخ عبداللہ السالم نے لندن سے شایع ہونے والے اخبار الحیات میں یہ بیان دیا۔
انہوں نے کہا کہ ’’شدید ضرورت اور شرائط کے سوا بیرون ملک سفر شریعت میں حرام ہے۔‘‘شیخ السالم نے کہا کہ ان شرائط میں سب سے پہلی تو یہ ہے کہ بیرون ملک جانے والے شخص کو مضبوط مومن ہونا چاہیٔے اور یہ رعایت مذہبی کاموں کے لیے ہے، نہ کہ ذاتی خواہشات کے لیے۔
(جاری ہے)
انہوں نے مزید کہا کہ جس شخص کو اندیشہ ہو کہ وہ حرام کاموں میں ملؤث ہوسکتا ہے، تو اس کو شدید ضرورت کے علاوہ بیرون ملک سفر نہیں کرنا چاہیٔے۔ شیخ نے اخبار کو بتایا کہ خدا اس بات کو پسند نہیں کرتا کہ مسلمان کافروں کے ساتھ زندگی گزاریں، دیگر مسلم ممالک کا سفر اتنا قابلِ اعتراض نہیں ہے۔ تعلیمی اور کاروباری مقاصد کے لیےبھی غیر مسلم ممالک میں جانے سے گریز کرنا چاہیٔے۔
ان کے الفاظ تھے ’’انتہائی ضرورت کے سوا کاروبار اور تعلیم کی غرض سے کافروں کی سرزمین کا سفر حرام ہے۔‘‘ لیکن اسی اخبار کو مکہ کی مذہبی پولیس کے سابق سربراہ شیخ احمد بن قاسم الغامدی نے بتایا کہ سفر میں سب کے لیے ہی فوائد اور مواقع موجود ہیں، ان میں امام اور مذہبی پیشوا بھی شامل ہیں۔
انہوں نے کہا کہ سفر سے ذہنی وسعت پیدا ہوتی ہے۔ انہوں نے قرآن کی آیت کا حوالہ دیا جس میں ایسے لوگوں کی تعریف کی گئی ہے، جو سفر کرتے ہیں اور زمین کو دریافت کرتے ہیں۔
سعودی عرب کی ایک معروف کالم نگار بدریہ البشر نے شیخ السالم کے بیان کو انتہا پسند بیکٹیریا قرار دیا۔
الحیات میں شایع ہونے والے اپنے اداریے میں بدریہ البشر نے لکھا کہ شیخ السالم کا یہ تبصرہ شاہ عبداللہ کے اسکالرشپ پروگرام کا ایک منظم حملہ ہے، جس کے ذریعے ہزاروں طالبعلموں کو ہر سال اپنی اعلٰی تعلیم مکمل کرنے کے لیے مغربی ممالک میں بھیجا جاتا ہے۔ بدریہ نے یاد دلایا کہ اس اسکالرشپ پروگرام نے سعودی مملکت میں کچھ شدت پسندوں کو پریشان کر رکھا ہے، جو سمجھتے ہیں کہ تعلیم یافتہ سعودی ان کے کنٹرول میں نہیں رہیں گے۔
انہوں نے کہا کہ لاکھوں کی تعداد میں سعودی شہری جن میں حکام اور مذہبی شخصیات بھی شامل ہیں ہر سال لندن، اسپین اور آسٹریلیا سمیت مختلف مقامات کا سفر کرتے ہیں۔
متعلقہ عنوان :
مزید اہم خبریں
-
ہمارے سیاسی قیدیوں کی رہائی تک ڈیل ہو گی نہ مفاہمت
-
پنجاب پولیس نے وزیراعلیٰ مریم نواز کے وردی پہننے کوپولیس ڈریس ریگولیشنز کے مطابق قرار دےدیا
-
اپنی رہائی یا وقتی فائدے کیلئے پاکستانیوں کے حقوق سے دستبردار نہیں ہوں گا
-
تحریک انصاف کا 9 مئی کو جلسہ عام کے انعقاد کا فیصلہ
-
کتنے لوگوں کے منہ بند کرلو گے؟ جب ظلم کے خلاف آواز اٹھتی ہے تو ظلم کا خاتمہ ہوتا ہے
-
عدلیہ میں مبینہ مداخلت کے خلاف سوموٹو پر سماعت کیلئے نیا بنچ تشکیل دے دیا گیا
-
نواز شریف عمران خان سے مذاکرات پر آمادہ ہیں، رانا ثنا اللہ
-
اولاد کی خوشی کیلئے اپنی بیوی پر سوتن لانے کا ظلم نہیں کرسکتا، شیر افضل مروت
-
سر دار ایاز صادق سے اراکین قومی اسمبلی کی ملاقات ،قائمہ کمیٹیوں کی تشکیل کے حوالے سے مشاورت
-
وفاقی وزیر عبدالعلیم خان سے برطانوی پولیٹکل قونصلر مس زوئی وئیر کی ملاقات ، دوطرفہ تعلقات پرگفتگو
-
یوسف رضا گیلانی کی زیرصدارت بزنس ایڈوائزی کمیٹی کا اجلاس ،سب کو ساتھ لیکر چلنے کا عزم
-
مریم نوازکے پولیس یونیفارم پہننے پر وہ ٹولہ تنقید کررہا جن کا اپنا لیڈراپنی ہی بیٹی کو تسلیم کرنے کو تیار نہیں‘عظمیٰ بخاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.