سندھ اسمبلی نے ڈاکٹر ارباب غلام رحیم کی چھٹی کی درخواست مسترد کردی ، وہ اپنا پاسپورٹ سندھ اسمبلی میں جمع کرادیں تاکہ یہ پتہ چل سکے کہ وہ سندھ اسمبلی کے اجلاسوں کے دوران کتنی بار بیرون ملک رہے ،ڈپٹی اسپیکر کی رولنگ
پیر 5 مئی 2014 21:21
کراچی (اُردو پوائنٹ اخبار تازہ ترین۔5مئی۔2014ء) سندھ اسمبلی نے پیر کو سابق وزیر اعلیٰ سندھ اور پاکستان مسلم لیگ (ن) کے رکن ڈاکٹر ارباب غلام رحیم کی چھٹی کی درخواست مسترد کردی ۔ڈپٹی اسپیکر سیدہ شہلا رضا نے ایک رولنگ کے ذریعہ انہیں ہدایت کی کہ وہ اپنا پاسپورٹ سندھ اسمبلی میں جمع کرادیں تاکہ یہ پتہ چل سکے کہ وہ سندھ اسمبلی کے اجلاسوں کے دوران کتنی بار بیرون ملک رہے اور کتنے دن وہاں رہے ۔
ڈپٹی اسپیکر نے قانون کے مطابق کارروائی کرنے کا اعلان بھی کیا ۔ڈاکٹر ارباب غلام رحیم نے اپنی رخصت کی درخواست میں کہا کہ ذاتی وجوہ کی بناء پر بیرون ملک جارہے ہیں ۔سینئر وزیر برائے تعلیم نثار احمد کھوڑو نے اس درخواست کی مخالفت کی اور کہا کہ ڈاکٹر ارباب غلام رحیم جھوٹ بول رہے ہیں ۔(جاری ہے)
وہ سندھ اسمبلی کے اجلاس کے دوران ملک میں ہوتے ہیں اور ان کی سیاسی سرگرمیوں کی خبریں آرہی ہوتی ہیں ۔
انہوں نے کہا کہ اگر کوئی رکن مسلسل 40اجلاسوں میں غیر حاضر رہے تو وہ نااہل ہوجاتا ہے ۔وزیر بلدیات و اطلاعات شرجیل انعام میمن نے کہا کہ اس بات کی تحقیقات ہونی چاہیے کہ وہ اسمبلی اجلاس میں کیوں نہیں آتے اور اگر انہں نے اسمبلی کے ساتھ جھوٹ بولا ہے تو ان کے خلاف کارروائی ہونی چاہیے ۔ارباب رحیم پر آئین کے آرٹیکلز 62اور 63کا اطلاق ہوتا ہے ۔ڈپٹی اسپیکر نے چھٹی کی درخواست ایوان میں پیش کی اور ارکان نے ”نو“ کہہ کر چھٹی کی درخواست کے خلاف ووٹ دیا اور یہ درخواست مسترد کردی ۔ڈپٹی اسپیکر نے کہا کہ ڈاکٹر ارباب غلام رحیم اپنا پاسپورٹ اسمبلی سیکرٹریٹ میں جمع کرادیں تاکہ یہ دیکھا جاسکے کہ وہ کب بیرون ملک گئے اور کتنے دن رہے ۔وہ رواں پارلیمانی سال کے 100دنوں میں سے 99دن اجلاس میں نہیں آئے ۔میں قواعد کے مطابق ان کے خلاف کارروائی کروں گی ۔انہیں منتخب کرنے والوں کو بھی سوچنا چاہیے کہ ان کا نمائندہ اسمبلی میں ان کے مسال حل کرنے کے لیے بیرون ملک بیٹھنے کے لیے نہیں ۔متعلقہ عنوان :
مزید قومی خبریں
-
بین الاقوامی مالیاتی فنڈ کے ساتھ نئے پروگرام کیلئے مئی تک خدوخال پراتفاق رائے کی امید ہے، بین الاقوامی ڈیٹ مارکیٹ میں واپسی کیلئے پاکستان نے ریٹنگ کی بین الاقوامی ایجنسیوں کے ساتھ بات چیت شروع ..
-
سپریم کورٹ نے جاسوسی کے مبینہ ملزم محمد دین کی درخواست ضمانت خارج کردی
-
بانی پی ٹی آئی کی تین مقدمات میں عبوری ضمانت میں توسیع
-
رمضان شوگر مل کیس: حمزہ شہباز کی ایک روزہ حاضری معافی کی درخواست منظور
-
چیف جسٹس پاکستان سانحہ ماڈل ٹاؤن کے شہدا کے ورثا کو انصاف دلوائیں : خرم نوازگنڈاپور
-
نوازشریف کے دیرینہ ساتھی مرزا آصف بیگ انتقال کرگئے
-
اوکاڑہ گھریلو ملازمہ مبینہ زیادتی کے بعد قتل
-
عوام بے خوابی سے بچنے کیلئے چائے کا بائیکاٹ کریں،عبد الرحیم جانو
-
لانڈھی دھماکا، وزیر ِداخلہ سندھ کا پولیس کیلئے انعام و اسناد کا اعلان
-
لانڈھی دھماکے کا زخمی دم توڑ گیا، دوسرا وینٹی لیٹر پر منتقل
-
لاہور : تین سرکاری ہسپتالوں کیلئے اربوں روپے کا بجٹ جاری
-
پرائیویٹ اسکیم کے تحت حجاج اکرام کی بکنگ تاحال جاری ہے ختم نہیں ہوئی،طاہر محمود اشرفی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.