سوشل میڈیانے عمران خان کو بلندی پرپہنچایااب وہ زمین پر آچکے ہیں،خواجہ آصف،عمران خان نے انتخابات سے قبل غیرملکی سفیروں سے کہاکہ وہ وزیراعظم بننے والے ہیں تب انہیں کیسے پتہ تھا؟،عمران خان اپنی شکست کو ذہنی طورپر تسلیم نہیں کرسکے،لوڈشیڈنگ پر قابوپانے کے لیے متعدداقدامات کیے ہیں مزید جاری ہیں،وزیردفاع وپانی وبجلی خواجہ آصف کی گفتگ
اتوار 4 مئی 2014 20:42
سیالکوٹ(اُردو پوائنٹ اخبار تازہ ترین۔4مئی۔2014ء) وفاقی وزیردفاع وپانی وبجلی خواجہ آصف نے کہاہے کہ سوشل میڈیانے عمران خان کو بلندی پرپہنچایااب وہ نیچے زمین پر آچکے ہیں،عمراان خان نے انتخابات سے قبل غیرملکی سفیروں سے کہاکہ وہ وزیراعظم بننے والے ہیں تب انہیں کیسے پتہ تھا؟عمران خان اپنی شکست کو ذہنی طورپر تسلیم نہیں کرسکے، توانائی کے مختلف منصوبوں کی تکمیل سے لوڈ شیڈنگ پر قابو پانے میں مدد ملے گی، موجودہ حکومت نے جتنا کام10ماہ میں کیا ہے اتنا12برس میں نہیں ہواسابقہ حکومتیں اس طرف توجہ دیتیں تو آج لوڈشیڈنگ نہ ہورہی ہوتی ،نجی ٹی وی سے بات چیت کرتے ہوئے وفاقی وزیردفاع وپانی وبجلی خواجہ آصف نے کہاکہ توانائی کے مختلف منصوبوں کی تکمیل سے لوڈ شیڈنگ پر قابو پانے میں مدد ملے گی، موجودہ حکومت نے جتنا کام10ماہ میں کیا ہے اتنا12برس میں نہیں ہواسابقہ حکومتیں اس طرف توجہ دیتیں تو آج لوڈشیڈنگ نہ ہورہی ہوتی ،انہوں نے کہاکہ 747میگا واٹ کے گدو پاور پلانٹ اور402میگا واٹ کے اوچ پاور پلانٹ کا افتتاح کیا جاچکا ہے اسی طرح دیگر منصوبوں پر کام جاری ہے اورہم جلد اس لعنت سے چھٹکارہ پالیں گے ،انہوں نے کہاکہ تحریک انصاف کے سربراہ عمران خان وزیر اعظم نواز شریف کی کارکردگی سے خوفزدہ ہیں خیبر پختونخوا میں اپنی ناکامی چھپانے کے لیے باربار وفاق کو الزام دیتے ہیں ،انہوں نے کہاکہ دھرنوں اورالزامات کی سیاست کا وقت گزر چکایہ 21ویں صدی ہے میڈیاآزاد ہے ایسے دورمیں دھاندلی کے الزامات لگاکر قوم کو بے وقوف نہیں بنایاجاسکتا ،ان کا کہنا تھا کہ 11مئی کا تحریک انصاف کا احتجاج کا مقصد ملک میں غیر یقینی کی صورتحال پیدا کرناہے تاکہ بیرونی سرمایہ کاری ختم ہوجائے مگرخان صاحب سن لیں ان کا 11مئی کا شوفلاپ ہوگا،انہوں نے کہاکہ اب وقت آگیاہے سنجیدگی دکھائی جائے اورتمام مسائل کے حل کے لیے بات چیت کا راستہ اپنایاجائے ،وفاقی وزیردفاع وپانی وبجلی نے کہاکہ انتخابات سے قبل سوشل میڈیانے عمران خان کو بلندی پرپہنچایامگر اب وہ دھڑام سے نیچے زمین پرگرچکے ہیں ہیں وہ صرف سوشل میڈیاپر ہی اوپر جاسکتے ہیں،انہوں نے کہاکہ عمران خان نے انتخابات سے قبل غیرملکی سفیروں سے کہاکہ وہ وزیراعظم بننے والے ہیں اگرایسی بات تھی تو انہیں کیسے پتہ تھا؟عمران خان اپنی شکست کو ذہنی طورپر تسلیم نہیں کرسکے۔
مزید اہم خبریں
-
آئی ایم ایف نے پاکستان کیلئے نئے پیکیج کی درخواست منظور کر لی
-
پی ٹی اے کا ضمنی الیکشن کے دوران موبائل فون اور انٹرنیٹ سروس معطل رکھنے کا اعلان
-
ہتھیارکنٹرول کے دعویدارخود کئی ممالک کو ملٹری ٹیکنالوجی فراہمی میں استثنیٰ دے چکے ہیں، پاکستان
-
دھاندلی کیخلاف بلوچستان کی سرزمین سے اٹھی تحریک ملک بھرمیں جائے گی
-
بتاؤ بلوچستان اسمبلی 80ارب روپے میں خریدی یا 100ارب روپے میں خریدی گئی؟
-
اطلاعات ہیں کہ آراوز سے بلینک فارم 45پر دستخط لے لئے گئے ہیں
-
وزیرداخلہ سے ایرانی سفیر کی ملاقات، صدررئیسی کے دورے سے متعلق تبادلہ خیال
-
بانی پی ٹی آئی کا چیف جسٹس سپریم کورٹ فائزعیسی کے نام خط
-
ایک باپردہ گھریلو خاتون کو بیگناہ پابند سلاسل رکھا گیا ہے
-
ایکسپورٹ کنٹرول کے سیاسی استعمال کو مسترد کرتے ہیں، پاکستان کا امریکی اقدام پر ردعمل
-
دبئی میں سیلابی صورتحال کی وجہ مصنوعی بارش؟
-
ماہانہ 20 لاکھ روپے تک کی تنخواہ پر نئی تعیناتیوں کی راہ ہموار ہو گئی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.