موجودہ حالات میں مذاکراتی عمل کو آگے نہیں بڑھا سکتے،چوہدری نثارعلی

جمعہ 2 مئی 2014 19:26

اسلام آباد(اُردو پوائنٹ اخبار تازہ ترین۔2مئی۔2014ء) وفاقی وزیر داخلہ چوہدری نثار نے کہا ہےکہ فوج کی طرف سے مذاکرات میں کوئی رکاوٹ نہیں لیکن موجودہ حالات میں مذاکراتی عمل کو آگے نہیں بڑھا سکتے۔اسلام آباد میں میڈیا سے بات کرتے ہوئے چوہدری نثارعلی نے کہا کہ معاملات کو آگے بڑھانے کا واحد راستہ مذاکرات ہیں لیکن کھینچا تانی کے ماحول میں مذاکراتی عمل آگے بڑھانے میں مشکلات ہیں۔

(جاری ہے)

ان کا کہنا تھا کہ فوج کی طرف سے مذاکرات میں کوئی رکاوٹ ہے اور نہ ہی ہماری طرف سے کوئی دیر،ہم تمام معاملات میں سنجیدہ ہیں لیکن اجلاس میں بات کچھ ہوتی ہے اور میڈیا میں جاکر کچھ اور جلسہ لگ جاتا ہے تاہم موجودہ حالات میں مذاکراتی عمل کو آگے نہیں بڑھا سکتے۔وزیرداخلہ نے کہا کہ مذاکرات میں مثبت پیشرفت ہوئی جس سے دہشت گردی میں بتدریج کمی آئی اور فائر بندی سے تشدد میں بھی کمی ہوئی،کئی کئی دن دھماکا نہ ہونا ایک پس منظر ہے اگر باقی پلیئر کے پاس کوئی اور طریقہ ہے تو دیکھ لیں۔ ان کہنا تھا کہ طالبان کی سوچ اور باڈی لینگوئج سے ادراک ہوگیا ہے جبکہ آخری اجلاس میں طالبان سے ملاقات میں فائنل چیزوں پر بات کرنے کا کہا ہے۔

Facebook Twitter Google + Share on Whatsapp

موجودہ حالات میں مذاکراتی عمل کو آگے نہیں بڑھا سکتے،چوہدری نثارعلی

مزید اہم خبریں