عوام کو اگلے 3 ماہ تک لوڈ شیڈنگ کا عذاب برداشت کرنا پڑے گا، خواجہ آصف
جمعہ 2 مئی 2014 14:06
اسلام آ باد(اُردو پوائنٹ تازہ ترین اخبار۔ 2مئی 2014ء) وفاقی وزیر برائے پانی و بجلی خواجہ آصف نے کہا ہے کہ گرمی کی شدت میں اضافے سے بجلی کا شارٹ فال 3200 میگا واٹ تک پہنچ گیا ہے جس کے باعث پوری قوم کو اگلے 2 سے 3 ماہ تک لوڈ شیڈنگ کا عذاب برداشت کرنا پڑے گا۔ اسلام آباد میں وزیر اطلاعات پرویز رشید اور وزیر مملکت برائے پانی و بجلی عابد شیر علی کے ہمراہ پریس کانفرنس کرتے ہوئے خواجہ آصف کا کہنا تھا کہ ہم نے عوام سے کئے گئے اپنے وعدے کے مطابق بجلی کی لوڈ شیڈنگ میں کمی کی اور سردیوں کے پورے سیزن میں کارخانے اور فیکٹریاں چلتی رہیں لیکن گرمی کی شدت میں اضافے کے بعد بجلی کی طلب میں بھی اضافہ ہو گیا ہے اور بجلی کا شارٹ فال 3200 میگا واٹ تک پہنچ گیا ہے۔
ان کا کہنا تھا کہ پوری قوم کو اگلے 2 سے 3 ماہ تک بجلی کے شارٹ فال کی زخمت برداشت کرنی پڑے گی، کوشش ہے کہ لوڈ شیڈنگ قابل حد تک رہے۔(جاری ہے)
وزیر پانی و بجلی کا کہنا تھا کہ حکومت خود بھی بہت بڑی ڈیفالٹر ہے جس کی وجہ سے ہم نے گزشتہ چند روز میں وفاقی حکومت اور صوبائی حکومتوں کے کنکشنز کاٹے ہیں، کوشش ہے کہ سرکاری اور پرائیویٹ اداروں کے اس سال کے جتنے بھی بجلی کے بل ہیں وہ جون سے پہلے وصول کر لئے جائیں، بجلی کے کنکشنز کاٹنے کی جو مہم شروع کر رکھی ہے اس سے حکومت کو 3.2 ارب روپے کی ریکوری ہوئی ہے۔
خواجہ آصف
نے کہا کہ 2200 میگا واٹ بجلی سسٹم میں آ چکی ہے یا اگلے 2 ماہ نیشنل گرڈ اسٹیشن میں آ جائے گی جس سے لوڈ شیڈنگ کے دورانیے میں کمی واقع ہو گی۔ حکومت نے گدو اور اوچ میں بجلی کے پلانٹس کا افتتاح کیا، اس کے علاوہ نندی پور پاور پراجیکٹ کی پہلی ٹربائن سے مئی میں بجلی کی پیداوار شروع ہو جائے گی جس سے شارٹ فال میں کمی واقع ہو گی۔خواجہ آصف
کا کہنا تھا کہ چند لاکھ بجلی چوروں اور نادہندگان کی وجہ سے کروڑوں صارفین کو لوڈ شیڈنگ کا عذاب برداشت کرنا پڑتا ہے، سب پر واضح کر دینا چاہتا ہوں کہ جو لوگ بجلی کا بل ادا نہیں کرتے چاہے وہ وفاقی حکومت میں ہوں یا صوبائی حکومت میں انھیں کسی صورت بجلی فراہم نہیں کی جائے گی، اگر ایک فیڈر میں 90 فیصد لوگ بجلی چوری کرتے ہیں تو اس کی وجہ سے باقی 10 فیصد کو بھی لوڈ شیڈنگ کا عذاب بھگتنا پڑتا ہے۔ ان کا کہنا تھا کہ بجلی کی لوڈ شیڈنگ کے خلاف مظاہرے کرنے والوں میں زیادہ تعداد ان لوگوں کی ہے ہو تونادہندہ ہے یا پھر کنڈے کے ذریعے بجلی کی فراہمی چاہتے ہیں لیکن ایسا ہرگز نہیں ہو سکتا جو بجلی کا بل ادا کرے گا صرف اسے ہی بجلی فراہم کی جائے گی۔متعلقہ عنوان :
مزید اہم خبریں
-
عمران ریاض کی مقدمات کی تفصیلات فراہمی کی درخواست، نیب سمیت دیگر فریقین سے جواب طلب
-
وزیرصحت خواجہ سلمان رفیق کاگنگارام ہسپتال اور مدر اینڈ چائلڈ بلاک کا دورہ ،ری ویمپنگ منصوبے کا جائزہ لیا
-
وزیر اعلیٰ مریم نواز شریف کا نوٹس، لیہ میں ذہنی معذور بچی کے ساتھ زیادتی کا مرتکب ملزم چند گھنٹے میں گرفتار
-
سمگلنگ کے خاتمے کیلئے وفاق، صوبوں اور تمام اداروں کو مل کر کام کرنا ہوگا، ملکی معیشت اور عوام کی بہتری کیلئے کئے جانے والے فیصلوں میں کسی کو آڑے آنے نہیں دیں گے، وزیراعظم محمد شہباز شریف
-
چین کا پاکستان میں دو بڑے ڈیم منصوبوں پر کام روکنے کا اعلان
-
پاکستان کو کم از کم 3سال کا نیا آئی ایم ایف پروگرام درکار ہے،وفاقی وزیرخزانہ
-
امریکی صدر جوبائیڈن کا وزیراعظم شہباز شریف کوخط ، نو منتخب حکومت کیلئے نیک تمناوٴں کا اظہار
-
وزیرِمملکت شزہ فاطمہ سے آذربائیجان کے سفیر کی ملاقات، باہمی دلچسپی کے امورپر تبادلہ خیال
-
پرویز الہٰی کو مزید چند دن ہسپتال میں رکھا جاسکتا ہے، ہسپتال ذرائع
-
پنجاب حکومت نے ٹوبہ ٹیک سنگھ میں بھائی کے ہاتھوں بہن کے قتل کو ہائی پروفائل قرار دیدیا
-
ملک سے سیاسی تقسیم اور افراتفری کا خاتمہ چاہتے ہیں، وزیر اعظم
-
اسلام آباد ہائی کورٹ نے عمران خان کی وکلا سے جیل میں ملاقات کی درخواست نمٹا دی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.