لیسکو نے تین لاکھ روپے واجبات کی عدم ادائیگی پر ایم پی اے ہاسٹل کی بجلی کاٹ دی ، ایف آئی اے کے اہلکاروں نے 17لاکھ کے واجبات کے باوجود کنکشن منقطع کرنے سے روکدیا

جمعرات 1 مئی 2014 21:41

لاہور(اُردو پوائنٹ اخبار تازہ ترین۔1مئی۔2014ء) لاہور الیکٹرک سپلائی کمپنی نے تین لاکھ روپے واجبات کی عدم ادائیگی پر ایم پی اے ہاسٹل کی بجلی منقطع کر دی ، ایف آئی اے کے اہلکاروں نے 17لاکھ روپے کے واجبات کے باوجود کنکشن منقطع کرنے سے روکدیا ۔

(جاری ہے)

بتایا گیا ہے کہ پنجاب اسمبلی کے اراکین اسمبلی کے ہاسٹل کے ذمے تین لاکھ روپے کا بل واجب الادا تھا جو بار بار کے نوٹسز کے باوجود جمع نہ کرایا گیا جس پر گزشتہ روز عمارت کا کنکشن منقطع کر دیا گیا ۔ مزید بتایا گیا ہے کہ لیسکو اہلکاروں نے 17لاکھ روپے کے واجبات کی عدم ادائیگی کے لئے ایف آئی اے کے ہیڈ کوارٹر کا کنکشن منقطع کرنا چاہا لیکن اہلکاروں نے انہیں روکدیا ۔