وفاقی وزیر پورٹ اینڈ شپنگ نے ایران جانے والے زائرین کے لئے خصوصی بحری سروس شروع کرنے کا اعلان کردیا،سروس کراچی سے ایران کی بندرگاہ ”چار بہا “ تک چلائی جائیگی، آغاز اگلے ماہ کراچی سے ہوگا، وفاقی وزیر کامران مائیکل ،کراچی سے دبئی اسپیڈ بوٹ سروس بھی شروع کررہے ہیں، مقصد پاکستان سے پکے پکائے کھانوں کی 24 سے 28 گھنٹوں میں دبئی ترسیل کرنا ہے، معاہدے کے تحت سری لنکا کی امپورٹ ایکسپورٹ کے لئے پاکستانی بحری جہاز استعمال ہونگے، اس سے پاکستان کو کثیر منافع حاصل ہوگا،صحافیوں کی قربانیاں ناقابل فراموش ہیں، حکومت ان کی قدر کرتی ہے، کراچی یونین آف جرنلسٹس کی جانب سے عشائیہ میں بات چیت
پیر 28 اپریل 2014 22:40
کراچی (اُردو پوائنٹ اخبار تازہ ترین۔28اپریل۔2014ء) وفاقی وزیر پورٹ اینڈ شپنگ کے لئے ایران جانے والے زائرین کے لئے خصوصی بحری سروس شروع کرنے کا اعلان کردیا۔ سروس کراچی سے ایران کی بندرگاہ ”چار بہا “ تک چلائی جائے گی۔ سروس کا آغاز اگلے ماہ کراچی سے ہوگا۔ وفاقی وزیر پورٹ اینڈ شپنگ کامران مائیکل نے بتایا کہ وزیراعظم کی ہدایت پر شروع ہونے والی اس بحری سروس کا مقصد زمینی راستوں پر ہونے والی دہشت گردی سے زائرین کو محفوظ رکھنا ہے۔
وہ پیر کو کراچی یونین آف جرنلسٹس (کے یو جے ) کی جانب سے سندھ بوائے اسکاؤٹس میں اپنے اعزاز میں دیئے گئے عشائیے کے موقع پر بات چیت کررہے تھے۔ وفاقی وزیر کامران مائیکل نے کہا کہ دبئی ٹوئنٹی 20 ایکسپو کے سلسلے میں 2020ء تک دبئی میں 30 کروڑ افراد کے کھانا کھانے کا اندازہ لگایا گیا ہے۔(جاری ہے)
کراچی سے دبئی اسپیڈ بوٹ سروس بھی شروع کررہے ہیں۔ اس کا مقصد پاکستان سے پکے پکائے کھانوں کی 24 سے 28 گھنٹوں میں دبئی ترسیل کرنا ہے۔
کامران مائیکل نے کہا کہ اگلے ماہ ہی وزارت پورٹ اینڈ شپنگ سری لنکا سے ایک معاہدہ کرنے جارہی ہے جس کا مقصد سری لنکا کی امپورٹ ایکپسورٹ کے لئے پاکستانی بحری جہاز استعمال کرنا ہوگا۔ اس طرح پاکستان کو کثیر منافع حاصل ہوگا۔ دنیا بھر میں اپنی نوعیت کا منفرد معاہدہ ہے۔ کامران مائیکل نے کہا کہ وزارت پورٹ اینڈ شپنگ پاکستان نیشنل شپنگ کارپوریشن کے لئے 2 نئے بحری آئل ٹینکر بھی خرید رہی ہے، جس سے قومی بحری بیڑوں کی تعداد 11 ہوگئی ہے۔ انہوں نے کے یو جے کی جانب سے دیئے جانے والے عشائیے پر صدر جی ایم جمالی، سیکریٹری واجد رضا اصفہانی، پی ایف یو جے کے صدر رانا عظیم اور جنرل سیکریٹری امین یوسف کا بھی شکریہ ادا کیا اور اس عزم کا اظہار کیا کہ صحافیوں کی اس جدوجہد میں شانہ بشانہ کردار ادا کرتے رہیں گے۔ صحافیوں کی قربانیاں ناقابل فراموش ہیں۔ حکومت ان کی قدر کرتی ہے اور صحافیوں کو ہر ممکن سہولیات پہنچانے کے لئے اقدامات کررہے ہیں۔مزید اہم خبریں
-
بلوچستان میں طوفانی بارشوں کے باعث ڈیم ٹوٹ گیا
-
پولٹری:کارپوریٹ سیکٹر میں ملک کی دوسری جبکہ روزانہ کی بنیاد پر کیش فلو کے لحاظ سے پاکستان کی سب سے بڑی انڈسٹری تنازعات کا شکارکیوں؟
-
ملکی زرمبادلہ ذخائر میں مزید اضافہ ہو گیا
-
پاکستان میں سیمی کنڈکٹر انڈسٹری کے لئے بڑی صلاحیت موجود ہے.عطاءتارڑ
-
وزیراعظم نے بجلی کے ترسیلی نظام اور تقسیم کار کمپنیوں کی بہتری کیلئے ترجیحی پلان مرتب کرکے آئندہ ہفتے پیش کرنے کی ہدایت کردی
-
بین الاقوامی سرمایہ کاری کے منصوبوں کو پایہ تکمیل تک پہنچانے کیلئے عالمی شہرت یافتہ ماہرین کی خدمات لی جائیں.شہباز شریف
-
اسرائیل پر حملے کا جواب ‘امریکا اور برطانیہ نے ایران پر نئی پابندیاں عائدکردیں
-
جماعت اسلامی فارم 47 کے تحت مسلط حکومت کے خلاف بڑی تحریک برپا کرے گی
-
لاہور ہائی کورٹ نے فواد چوہدری کو 36 کیسز میں عبوری ضمانت کی درخواست دائر کرنے کے لیے 7 دن کی مہلت دیدی
-
روپے کی قدر میں کمی:دنیا بھر میں بحران کا شکار قرض پروگرام لینے والے ممالک کے لیے کرنسی کی قدرمیں کمی شرط ہوتی ہے.محمد اورنگزیب
-
بدترین معاشی حالات اور شہریوں کی قوت خرید میں کمی سے کاروں اور دیگر گاڑیوں کی فروخت میں تنزلی
-
متحدہ عرب امارات اور دیگر خلیجی ممالک میں طوفانی بارشوں سے ماحولیاتی سائنسدانوں میں نئی بحث چھڑگئی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.