وزیراعظم نواز شریف کا مظاہرین پر پولیس تشدد کا نوٹس

پیر 28 اپریل 2014 22:16

اسلام آباد(اُردو پوائنٹ اخبار تازہ ترین۔28اپریل۔2014ء) وزیراعظم نواز شریف کے نوٹس کے بعد اسلام آباد میں گرفتار آمنہ مسعود جنجوعہ سمیت تمام گرفتار مظاہرین کو رہا کر دیا گیا ہے. ترجمان وزیراعظم ہاؤس کی جانب سے جاری بیان کے مطابق وزیر اعظم محمد نواز شریف نے اسلام آباد میں مظاہرہ کرنے والے لاپتہ افراد کے لواحقین پر پولیس تشدد پر سخت برہمی کا اظہار کیا۔

(جاری ہے)

بیان میں کہا گیا کہ پرامن احتجاج ہر پاکستانی کا جمہوری حق ہے جس سے کسی کو بھی محروم نہیں کیا جا سکتا۔ وزارت داخلہ کے مطابق وزیراعظم محمد نواز شریف کی ہدایت پر گرفتار مظاہرین کو رہا کر دیا گیا ہے جبکہ اے ایس پی سٹی یاسر آفریدی اور اے ایس پی سیکرٹریٹ سرکل ارم عباسی کو معطل کر دیا گیا ہے۔ واضع رہے کہ اے ایس پی یاسر آفریدی مظاہرین پر خود لاٹھیاں برساتے رہے۔ ڈی سی اسلام آباد کو واقعہ کی جوڈیشل انکوائری کی ہدایت بھی کی گئی ہے۔

Facebook Twitter Google + Share on Whatsapp

وزیراعظم نواز شریف کا مظاہرین پر پولیس تشدد کا نوٹس

متعلقہ عنوان :

مزید اہم خبریں