پنجاب حکومت کا غبارے کے پھٹنے سے جھلس کر ہلاک ہونے والے بچے کے ورثاء کے لئے ساڑھے پانچ لاکھ امداد کا اعلان،زخمیوں کو ایک ایک لاکھ روپے دئیے جائینگے،حکومت گیس کے غباروں بارے احتیاطی تدابیر سے آگاہی کی مہم چلائے گی‘ سلمان رفیق
اتوار 27 اپریل 2014 17:44
لاہور(اُردو پوائنٹ اخبار تازہ ترین۔27اپریل۔2014ء) مشیر وزیراعلی پنجاب برائے صحت خواجہ سلمان رفیق نے کہا ہے کہ حکومت گیس کے غباروں کے پھٹنے کے واقعات کی روک تھام کے لئے احتیاطی تدابیر بارے بہت جلد آگاہی مہم چلائے گی-انہوں نے کہا کہ گیس کے غباروں کے پھٹنے کے حالیہ واقعہ کے زخمیوں اور جاں بحق ہونے والے بچے کے لواحقین کے لئے وزیراعلی پنجاب کی جانب سے مالی امداد مہیا کردی گئی ہے-انہوں نے یہ بات جناح ہسپتال میں زیرعلاج گیس کے غباروں کے حادثہ میں زخمی ہونے والے لڑکوں کی عیادت کرنے کے بعد میڈیا سے گفتگو کرتے ہوئے کہی- اس موقع پر سیکرٹری صحت پنجاب ڈاکٹر اعجاز منیر، پروفیسر معظم نذیر تارڑ ، ایم ایس ڈاکٹر عبدالرؤف اور ای ڈی او صحت لاہور ڈاکٹر ذوالفقار علی بھی موجودتھے-خواجہ سلمان رفیق نے بتایا کہ اس وقت جناح ہسپتال میں اس حادثہ کے 14زخمی زیرعلاج ہیں جن کی حالت مکمل طور پر خطرے سے باہر ہے اورتمام زخمیوں کو پرائیویٹ وارڈ میں رکھ کر علاج معالجہ کی بہترین سہولیات فراہم کی جارہی ہیں- اس موقع پر پروفیسر معظم نذیر تارڑ نے بتایا کہ جناح ہسپتال میں ہر ماہ بچوں کی سالگرہ کے موقع پر گیس کے غباروں کے پھٹنے سے زخمی ہونے والے متعدد بچے لائے جاتے ہیں - انہوں نے کہا کہ گیس کے غباروں کو جلتی ماچس یا سگریٹ لگائی جائے تو وہ دھماکے سے پھٹتے ہیں اور آگ لگتی ہے لہذا لوگوں کو گیس کے غباروں کو جلتی سگریٹ یا ماچس لگانے سے احتیاط برتنی چاہیے- خواجہ سلمان رفیق نے اس حوالے سے کہا کہ وہ جلد آگاہی مہم چلانے کے لئے اقدامات کریں گے-خواجہ سلمان رفیق نے بتایا کہ وزیراعلی محمد شہباز شریف کی ہدایت پر غباروں کے حادثہ میں ہلاک ہونے والے بچے کے لواحقین کے لئے ساڑھے پانچ لاکھ جبکہ زخمی ہونے والوں کے لئے فی کس ایک لاکھ روپے امداد مہیا کردی گئی ہے-قبل ازیں خواجہ سلمان رفیق نے سیکرٹری صحت کے ہمراہ جناح ہسپتال میں زیرعلاج زخمیوں کی عیادت کی اور علاج معالجہ کی سہولیات کے بارے معلومات حاصل کیں-
مزید قومی خبریں
-
بین الاقوامی مالیاتی فنڈ کے ساتھ نئے پروگرام کیلئے مئی تک خدوخال پراتفاق رائے کی امید ہے، بین الاقوامی ڈیٹ مارکیٹ میں واپسی کیلئے پاکستان نے ریٹنگ کی بین الاقوامی ایجنسیوں کے ساتھ بات چیت شروع ..
-
سپریم کورٹ نے جاسوسی کے مبینہ ملزم محمد دین کی درخواست ضمانت خارج کردی
-
بانی پی ٹی آئی کی تین مقدمات میں عبوری ضمانت میں توسیع
-
رمضان شوگر مل کیس: حمزہ شہباز کی ایک روزہ حاضری معافی کی درخواست منظور
-
چیف جسٹس پاکستان سانحہ ماڈل ٹاؤن کے شہدا کے ورثا کو انصاف دلوائیں : خرم نوازگنڈاپور
-
نوازشریف کے دیرینہ ساتھی مرزا آصف بیگ انتقال کرگئے
-
اوکاڑہ گھریلو ملازمہ مبینہ زیادتی کے بعد قتل
-
عوام بے خوابی سے بچنے کیلئے چائے کا بائیکاٹ کریں،عبد الرحیم جانو
-
لانڈھی دھماکا، وزیر ِداخلہ سندھ کا پولیس کیلئے انعام و اسناد کا اعلان
-
لانڈھی دھماکے کا زخمی دم توڑ گیا، دوسرا وینٹی لیٹر پر منتقل
-
لاہور : تین سرکاری ہسپتالوں کیلئے اربوں روپے کا بجٹ جاری
-
پرائیویٹ اسکیم کے تحت حجاج اکرام کی بکنگ تاحال جاری ہے ختم نہیں ہوئی،طاہر محمود اشرفی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.